Showing posts with label အက်ဆေး. Show all posts
Showing posts with label အက်ဆေး. Show all posts

Wednesday, 19 September 2012

ရန်ကုန်မြို့ က ရွာမဟုတ်ဘူး

အလုပ်နားရက် တနင်္ဂနွေ တစ်ရက်တွင် ပျင်းပျင်း ရှိသဖြင့် စင်ကာပူနိုင်ငံရှိ ရွှေမြန်မာတို့ ဆုံဆည်းရာ ပင်နီဆူလာ ပလာဇာသို့ တစ်ခေါက် ရောက်လာခဲ့၏။ ဟိုယောင်ယောင် ဒီယောင်ယောင် ဟိုတွေးဒီငေးဖြင့် ပင်နီဆူလာ၏ လူစီးကြောင်းကြီးထဲ မျောလွင့်နေခဲ့၏။ ပင်နီဆူလာ၏ လူစီးကြောင်းထဲတွင် ရွှေမြန်မာတို့ ကို လူမျိုးစုံ၊ စရိုက်မျိုးစုံဖြင့် တွေ့ ရ၏။ မြန်မာလူမျိုးများ၊ မြန်မာ တိုင်းရင်းသား လူမျိုးစုများ၊ မြန်မာစကားပြောကြသည့် တရုတ်လူမျိုးနှင့် ကုလားလူမျိုးများကို အမျိုးအစား စုံလင်စွာ တွေ့ ရသည်။ တချို့ ယဉ်ကျေးသိမ်မွေ့ ပြီး အချိုးအနား ကျနစွာ စမတ်ကျကျ ဝတ်ဆင်ထားကြသည်။ တချို့ လဲ ကိုယ်နှင့်လိုက်၏ မလိုက်၏ကို မှန်ထဲ ပြန်မှ ကြည့်ခဲ့ရဲ့ လား တွေးယူရလောက်အောင် ဝတ်စားထားကြသည်။ တိုမှ ပြတ်မှ မတို၊ မပြတ်၊ မဟိုက်ရင်ဖြင့် လူရာမဝင်ဟု တွေးထားသလား မသိရသည့် ရွှေမလေးများကိုလဲ တွေ့ ရ၏။ ကွမ်းတပျစ်ပျစ် ဝါးနေသူများ၊ ဘီယာဗူးလေး ကိုင်ကာကိုင်ကာဖြင့် ပင်နီဆူလာ ပလာဇာထဲ လမ်းသလားရင်း အတိုအပြတ်လေးများကို မျက်စိအစာကျွေးနေသည့် ငတိများကိုလဲ တွေ့ ရ၏။ ဒါတွေကို မြင်လိုက်တော့ ဘာရယ်မဟုတ် ဘာကိုမှန်းမသိဘဲ သက်ပြင်းမော တစ်ချက် လွင့်ကျသွားသည်။ ထိုစဉ် နောက်ကျောဘက်မှ လှမ်းဆွဲပြီး နှုတ်ဆက်ခြင်းကို ခံလိုက်ရသည်။ ကြည့်လိုက်တော့ ဘယ်အချိန် ဘယ်ကာလက ဆိုသည်ကို စဉ်းစားမရတော့သည့် ကျွမ်းဝင်ဖူးသည့် မျက်နှာဟောင်း တစ်ခုကို တွေ့ လိုက်ရ၏။ ဒါကလဲ စကားကြီး စကားကျယ် ပြောတတ်လွန်းသည့် ရန်ကုန်သား တစ်ယောက် ဆိုသည့် အသိဖြင့် မှတ်မိနေခြင်း ဖြစ်သည်။

"တစ်ယောက်တည်းလား... မတွေ့ တာတောင် ကြာပြီနော်"
"ဟုတ်... တစ်ယောက်တည်းပါဘဲ"
"ဘယ်လိုလဲ အဆင်ပြေရဲ့ လား"
"ပြေပါတယ် ပုံမှန် အတိုင်းပါဘဲ"
"အင်းလေ ဘာဖြစ်ဖြစ် ရွာမှာနေတာထက်တော့ သာပါတယ်"
"ဒါပေါ့ ဒါပေါ့"
"ရွာကို အလည် ပြန်ဖြစ်သေးလား"
"သင်္ကြန်တုန်းကတော့ တစ်ခေါက် ပြန်ဖြစ်သေးတယ်"
"ရွာမှာလဲ ခုရေတွေ ကြီးနေတယ်နော်"

ကျွန်တော့် ရင်ထဲ ထိတ်ကနဲ ဖြစ်သွားသည်။ ဧရာဝတီ မြစ်ကမ်းဘေး နေသည့် ကျွန်တော်တို့ အတွက် ရေကြီးသည်က နဲနဲတော့ ရင်ထိတ်စရာ ဖြစ်သည် မဟုတ်လား။ ရွာမှာ ကျန်ခဲ့သည့် မိဘနှစ်ပါးအတွက် စိတ်မအေး ဖြစ်သွားမိသည်။

"ဟုတ်လား ဒီရက်ထဲ ကျွန်တော်လဲ ဖုန်းမဆက်ဖြစ်တော့ မသိသေးဘူး။ ဒါနဲ့ ရွာမှာ ရေကြီးတာ ဘယ်လို သိသလဲဗျ"
"ဟာ... ကိုယ့်လူကလဲ ဖုန်းဆက်မှလား ရန်ကုန်မှာ ရေကြီးတာ လူတိုင်းသိနေတာဘဲ"

 အိုး... ကိုယ့်ရွာအကြောင်းကို ပြောနေတယ်မှတ်တာ...။ သူက ရန်ကုန်မြို့ အကြောင်းကို ပြောနေတာကိုး။

"ကျွန်တော် ရန်ကုန်မြို့ က မဟုတ်ဘူးဗျ နယ်က..."
"ဟုတ်ပါရဲ့ ... ရန်ကုန်ကမှ မဟုတ်ဘဲ။ ဒါနဲ့ ပြည်ဘက်က ထင်တယ်..."
"ဟုတ်တယ် ကျွန်တော်က ပြည်မြို့ တဖက်ကမ်း ဆင်တဲက...။ ဒါနဲ့ ရန်ကုန်မြို့ က ဘယ်တုန်းက ရွာဖြစ်သွားတာလဲ။ ဘယ်သူတွေကများ ရန်ကုန်မြို့ ကို ရွာလို့ သတ်မှတ်လိုက်ကြတာလဲဗျ..."
"ဒီလိုဘဲ လူတွေ ပြောနေကြတာဘဲလေ"
"ဟုတ်လား... ဘယ်လို လူတွေများ ပြောနေကြတာလဲ။ ပြုပြင်ပြောင်းလဲမှုတွေကို အရှိန်အဟုန်နဲ့ လုပ်နေတဲ့ ကျွန်တော်တို့ ရဲ့ သမ္မတကြီးများ မိန့် ခွန်းတွေထဲမှာ ထည့်ပြောမိလို့ လား။ ဒါမှမဟုတ် လူထုခေါင်းဆောင် ဒေါ်အောင်ဆန်းစုကြည်များ ပြောမိလိုက်လား"
"ဟာ... အဲဒီလိုတော့ မပြောပါဘူး"
"ဒါဆို စတုတ္ထမဏ္ဍိုင်လို့ ခေါ်တဲ့ မီဒီယာသမားတွေများ ဂျာနယ်တွေထဲမှာ ထည့်ဖော်ပြကြလို့ လား"
"ဂျာနယ်တွေထဲလဲ မဖော်ပြကြပါဘူး"
"ကျွန်တော်တို့ လေးစားရတဲ့ သမိုင်းသုတေသီတွေရဲ့ နှုတ်ထွက်စကားထဲမှာ၊ ဒါမှမဟုတ် စာရေးဆရာကြီးတွေရဲ့ စာပေဟောပြောပွဲတွေမှာများ သူတို့ ထည့်ဟောပြောခဲ့ကြလို့ များလားဗျာ"
"အဲဒီလိုလဲ မပြော၊ မဟောခဲ့ကြပါဘူး"
"သင်ရိုးညွှန်းတန်းတွေများ ပြောင်းသွားသလားဗျာ"
"သင်ရိုးညွှန်းတန်းတွေလဲ မပြောင်းပါဘူး"

သေသေချာချာ စေ့စေ့ကြည့်ပြီး အမေးခံနေရသဖြင့် ထိုသူ နဲနဲတော့ အိုးတိုးအမ်းတမ်း ဖြစ်နေပြီ။ သူ့ ပုံက ကယောင်ကတန်းဖြင့် ဖြေနေဟန် ဖြစ်လာ၏။

"ရန်ကုန်မြို့ ကြောင့်ခင်ဗျားမှာ ထိခိုက်နစ်နာစရာတွေများ ရှိခဲ့ဖူးလို့ လား"
"အဲဒီလိုလဲ မရှိပါဘူး"
"ဒါနဲ့ များဗျာ ဘာကြောင့် ကိုယ်နေနေတဲ့ ရန်ကုန်မြို့ ကို ရွာလို့ နှိမ်ချ သုံးနှုန်းနေရတာလဲ"
"ဟာ... ဟို... ကိုယ်က အဲဒီသဘောနဲ့ မဟုတ်ပါဘူး။ ကိုယ်ဆိုလိုချင်တာက အဲဒီလို အဓိပ္ပါယ် မဟုတ်... ဘယ်လို ပြောမလဲ တခြားလူတွေလဲ ဒီလိုဘဲ ပြောနေကြတာ ဆိုတော့... ဟိုလေ... အင်း..."

ဘာမှ ဆက်မပြောချင်တော့ သဖြင့် ကိုယ့်စကားလုံးများနှင့်ကိုယ် လုံးထွေးနေသည့် ထိုလူကို ထားခဲ့ပြီး လှည့်ထွက်လာခဲ့လိုက်သည်။ ထို့ နောက် ပင်နီဆူလာရဲ့ လူစီးကြောင်းကြီးထဲ ထပ်မံ မျောပါသွားပြန်သည်။ ဒီတကြိမ်တော့ ဟိုတွေးဒီတွေး မဟုတ်တော့။ ဒီလူတွေ ဘာကြောင့်များ ရန်ကုန်မြို့ ကို ရွာလို့ နှိမ်ချ သုံးနှုန်း ပြောဆိုနေကြတာလဲဟု တွေးကြည့်နေမိ၏။ ယခင်ကတည်းက ခုလို သုံးနှုန်းပြောဆိုနေသံများကို တဆင့်စကားများဖြင့် ကြားဖူးနေခဲ့သည်။ သို့ သော် တေ့တေ့ဆိုင်ဆိုင် ကတော့ ခုမှ ကြုံဖူးခြင်း ဖြစ်သည်။ ယခုကဲ့သို့ ကြုံလာတော့လဲ ဒီပါးစပ်က မနေနိုင်တော့ ပြောမိဆိုမိ ရပြန်သည်။ ထိုသူတို့ ပြောသလို ရန်ကုန်မြို့ က တကယ်ဘဲ ရွာဖြစ်သွားပြီလား တွေးကြည့်မိသည်။ ကိုယ်တွေ ငယ်ငယ်တုန်းက စာထဲမှာ သင်ခဲ့ရသလို ရန်ကုန်မြို့ က မြန်မာနိုင်ငံ၏ မြို့ တော် မဟုတ်တော့လို့ လား။ သို့ မဟုတ် သူပြောခဲ့သလို ရန်ကုန်မြို့ တွင် ရေတွေကြီးနေသောကြောင့်လား။ သို့ မဟုတ် အစိုးရ ရုံးကြီးတော်တော်များများ ရန်ကုန်မြို့ တွင် ရုံးမစိုက်ကြတော့လို့ လား။ သို့ မဟုတ် ရန်ကုန်မြို့ တွင် မီးမမှန် သောကြောင့်လား။ သို့ မဟုတ် ရေမမှန် သောကြောင့်လား။ သို့ မဟုတ် တိုးကြိတ် စီးနေရသည့် ဘက်စ်ကားများနှင့် ပျက်စီးနေသည့် လမ်းများကြောင့်လား။ သို့ မဟုတ်.......... လား... ပေါင်းများစွာဖြင့် အတွေးများပွားသွားရ၏။ ဟိုတချိန် လွန်ခဲ့သော နှစ်ပေါင်း ငါးဆယ်ကျော်က အရှေ့တောင်အာရှ၏ အကြီးဆုံး ဘော်လုံးကွင်း ဖြစ်ခဲ့သည့် အောင်ဆန်းကွင်း၊ အရှေ့တောင်အာရှ၏ အကြီးဆုံး ရုပ်ရှင်ရုံဖြစ်ခဲ့သည့် သမ္မတရုပ်ရှင်ရုံ၊ အရှေ့တောင်အာရှ၏ နာမည်အကြီးဆုံး တက္ကသိုလ် ဖြစ်ခဲ့သည့် ရန်ကုန်တက္ကသိုလ်၊ အရှေ့တောင်အာရှ၏ အကောင်းဆုံး ဆေးရုံဖြစ်ခဲ့သည့် ရန်ကုန်ဆေးရုံကြီးနှင့် အရှေ့တောင်အာရှ၏ အကောင်းဆုံး ဖြစ်ခဲ့သည့် မင်္ဂလာဒုံ လေဆိပ်တို့  တည်ရှိနေသည့် ရန်ကုန်မြို့ ကြီးသည် ယခု သူတို့ ပြောသကဲ့သို့ ရွာအဆင့်သို့ နိမ့်ကျ သွားပြီလားဟု တွေးကြည့်မိသည်။ ယခင်ကဲ့သို့ မဟုတ်ဘဲ ရန်ကုန်မြို့ ကြီးသည် ယခုအချိန်တွင် အများကြီး ခေတ်နောက်ကျ ကျန်ခဲ့ပြီ ဆိုသည်ကို လက်ခံပါသည်။ သို့ သော် သူတို့ နှိမ်ချ ပြောဆိုကြသလို ရွာတစ်ရွာ အဆင့်ထိတော့ ဘယ်တော့မှ နိမ့်ပါးသွားမည် မဟုတ်ဟု အသွေးအသားထဲမှ ယုံကြည်နေမိသည်။ တချို့ လဲ ဘာရယ်မဟုတ် အလွမ်းပြေ သူများခေါ်သလို လိုက်ခေါ်ဖြစ်ကြသည်။ တချို့ လဲ အဓိပ္ပါယ် တစ်မျိုးဖြင့် ခေါ်ကြသည်။ သို့ သော် ကျွန်တော်ကတော့ ထိုကဲ့သို့ ဘယ်တော့မှ ခေါ်ဖြစ်လိမ့်မည် မဟုတ်။ ထို့ ကြောင့် ရန်ကုန်မြို့ က ရွာမဟုတ်ဘူး ဆိုသည့် အကြောင်းကို အခါအခွင့်သင့်တိုင်း ကျွန်တော် ပြောဖြစ်နေပါဦးမည်။

Wednesday, 7 March 2012

လူငယ်တစ်ယောက်၏ အတ္ထုပ္ပတ္တိ

တခါက ဥာဏ်အလွန်ကောင်းသည့် ကောင်လေးတစ်ယောက် ရှိခဲ့သည်။ သူဥာဏ်ကောင်းသည်ကို ပတ်ဝန်းကျင်ကလဲ အသိအမှတ်ပြုကြ၏။ သူဥာဏ်ကောင်းပုံကို ငယ်ငယ်ကတည်းက စာသင်ပေးခဲ့သည့် မိဘနှစ်ပါးက တဖွဖွ ချီးမွမ်းလေ့ ရှိကြသလို၊ ကျောင်းစာသင်ခန်းထဲတွင် ဆိုလျှင်လဲ ဆရာ၊ ဆရာမများ၏ အသိအမှတ်ပြုခြင်းကို ခံရသူ  ဖြစ်၏။ သူသည် စာဖတ်ခြင်းကိုလဲ အလွန်ဝါသနာပါသည်။ ထို့ ကြောင့် သူ့ တွင် ငယ်ရွယ်စဉ်ကပင် စာဖတ်သည့် အလေ့အထ ရှိခဲ့၏။  သူစိတ်ဝင်တစားဖြင့် ဖတ်ခဲ့သည့် စာအုပ်များကို သူ့ မှတ်ဥာဏ်တွင် မှတ်မိနေတတ်သည်။ သိုင်းဝတ္ထုကဲ့သို့ သော ဇာတ်လမ်းတွဲ စာအုပ်မျိုးကို ဖတ်ပြီးလျှင်ပင် သူ့ အာရုံတွင် စွဲမြဲစွာ မှတ်မိနေတတ်၏။ ထိုဇာတ်လမ်းတို့ ကို သူငယ်ချင်းများအား ပုံပြင်သဖွယ် ပြန်ပြောပြလေ့ ရှိခြင်းကြောင့် သူငယ်ချင်းများကလဲ သူ့ မှတ်ဥာဏ်ကောင်းပုံကို ငယ်ငယ်ကပင် ချီးကျူးစကား ဆိုလေ့ရှိကြသည်။ သူသည် ထိုကဲ့သို့ ဥာဏ်ကောင်းသော ကောင်လေး တစ်ယောက် ဖြစ်သည်။ သို့ သော် ဥာဏ်ကောင်းသော ကလေးများ ထုံးစံအတိုင်း သူသည်လဲ အဆော့မက်ပြီး စာကျက်ဖို့ ကို အလွန်ပျင်းသည်။ စာသင်ခန်းထဲတွင် ဆရာမ စာရှင်းပြပြီး နဲနဲလောက် ပြန်နွေးလိုက်ရုံဖြင့် ထိုစာကို သူရနေတတ်၏။ ထို့ ကြောင့် စာကို သေချာမလုပ်ဘဲ ပြီးပြီးရော လုပ်တတ်လာသည်။ စာလုပ်ဖို့ ထက် စာအုပ်ဖတ်ဖို့ ကို အားပိုသန်လာ၏။ စာကို ဖိဖိစီးစီး မလုပ်သဖြင့် ဟိုအရင်က ပုံမှန်ဆုရလေ့ ရှိသော်လဲ နောက်ပိုင်း အတန်းထဲတွင် အဆင့်များ တဖြည်းဖြည်း ကျလာသည်။ စားဝတ်နေရေး အတွက် လုံးပန်းနေရသည့် မိဘများကလဲ သူ့ ကို သေချာပြန်မကြည့်နိုင်ကြတော့။ ဆုမရတော့ သော်လဲ အဆင့်တစ်ဆယ်နား ရပ်တည်နေသည့် အတွက် သူ့ ကို ဘာဖိအားမှ မပေးခြင်းလဲ ဖြစ်ဟန်တူသည်။ သို့ သော် တဖြည်းဖြည်းဖြင့် သူ၏ အဆင့်များ ပိုကျလာသည်။ အဆင့်တစ်ဆယ်နား ရပ်တည်နေရာမှ အဆင့်နှစ်ဆယ်နားထိ ကျလာသည်။ ပိုဆိုးသည်က သင်္ချာဘာသာကို စိတ်ဝင်စားသလောက် အင်္ဂလိပ်ဘာသာကို စိတ်ဝင်စားမှု အားနည်းသည်။ သင်္ချာကို တကုတ်ကုတ်ဖြင့် တွက်နေတတ်သလောက် အားနည်းသည့် အင်္ဂလိပ်ဘာသာကို ဖိဖိစီးစီး မလုပ်ပေ။ စိတ်ဝင်စားမှု နည်းသဖြင့် အင်္ဂလိပ်ဘာသာကို ကျက်မှတ်ရာတွင်လဲ အခက်အခဲ ဖြစ်လာသည်။ တခြား ဘာသာများကို လွယ်လွယ်ကူကူဖြင့် ကျက်မှတ်၍ ရသလောက် အင်္ဂလိပ်ဘာသာကို လွယ်လွယ်ကျက်မရခြင်း၊ ကျက်ပြီး ပြန်ပြန်မေ့သွားခြင်းများ ရှိလာသည်။ ထိုကဲ့သို့ အင်္ဂလိပ်ဘာသာကို စိတ်ဝင်စားမှု နည်းပြီး လေ့လာမှု အားနည်းရာမှ အင်္ဂလိပ်ဘာသာတွင် ညံလာသည်။ အင်္ဂလိပ်ဘာသာကို ညံလာသဖြင့် အင်္ဂလိပ်ဘာသာကို ကြောက်လာသည်။ သူငယ်ချင်းများ အင်္ဂလိပ်ဘာသာ အကြောင်းကို ဆွေးနွေးနေလျှင်ပင် ထိုနေရာမှ သူရှောင်ထွက်သွားတတ်သည်။ ထိုမှတဆင့်တက်၍ အင်္ဂလိပ်ဘာသာ စာသင်ချိန်များကို သူရှောင်တတ်လာသည်။

ထို့ နောက်တွင် အားနည်းသည့် အင်္ဂလိပ်ဘာသာကို ပို၍ မကြိုးစားဘဲ သူလမ်းလွဲလိုက်ပြီး စာမေးပွဲနီးမှ အမှတ်ရနိုင်လောက်သည့် စာကိုသာ ရွေးကြည့်ပြီး စာမေးပွဲကို လက်ပူတိုက်ပြီး တစ်ပွဲတိုး ဖြေလာခဲ့သည်။ ထိုနည်းဖြင့် တစ်နှစ်တစ်တန်း ပုံမှန် တက်လာခဲ့ သော်လဲ သူ့ တွင် အင်္ဂလိပ်ဘာသာနှင့် ပတ်သက်ပြီး ဘာအခြေခံမှ ပါမလာခဲ့ပေ။ နှစ်စဉ် အင်္ဂလိပ်ဘာသာတွင် အောင်မှတ်သာသာ လောက်သာရပြီး စာမေးပွဲကို အောင်လေ့ရှိ၏။ အင်္ဂလိပ်ဘာသာတွင် အမှတ်နည်းသော်လဲ တခြား ဘာသာများတွင် အမှတ်များခြင်းကြောင့် အဆင့်ကျသွားသော်လဲ နှစ်စဉ် သူ(A)ခန်းကို တော့ဝင်၏။ အလွယ်လိုက်ခြင်း ဖြစ်သော်လဲ ဒါကိုပင် သူကျေနပ် ရောင့်ရဲနေခဲ့သည်။ ထိုကဲ့သို့  နှစ်စဉ် ဖြတ်သန်းလာခဲ့ပြီး ဆယ်တန်း စာမေးပွဲကိုလဲ ထိုနည်းအတိုင်း သူအောင်လာခဲ့သည်။ ထုံးစံအတိုင်း အင်္ဂလိပ်ဘာသာကို အောင်မှတ်သာသာ လောက်ဖြင့်သာ အောင်ခဲ့ခြင်း ဖြစ်သည်။ ထို့ နောက် သူအဝေးသင် တက္ကသိုလ်တက်ပြီး ကျောင်းတဖက်ဖြင့် သင်တန်းများ တက်ခဲ့သည်။ သူ့ ရည်ရွယ်ချက်က ကျောင်းပြီးလျှင် နိုင်ငံခြားထွက် အလုပ်လုပ်ရန် ဖြစ်သည်။ ကျောင်းတက်နေရင်း လုပ်ငန်းအတွေ့ အကြုံရရန် အစိုးရ စက်ရုံတစ်ရုံတွင် အလုပ်ဝင် လုပ်ခဲ့၏။ သူတက်ခဲ့သည့် သင်တန်းများတွင် အင်္ဂလိပ် စကားပြောသင်တန်းလဲ တစ်ခု အပါအဝင် ဖြစ်သည်။ ထိုအခါ သူငယ်စဉ်ကတည်းက ရှောင်ပြေးလာခဲ့သည့် အင်္ဂလိပ်စာက သူ့ ကို ဒုက္ခပေးတော့သည်။ သင်တန်းတွင် သူ၏ အင်္ဂလိပ်စာ အခြေခံ အားနည်းမှုမှာ သိသာပေါ်လွင်ခဲ့သည်။ သင်တန်းတွင် တက်နေသည့် ကိုးတန်းကျောင်းသားလေးနှင့် ယှဉ်လျှင်ပင် သူက တော်တော်လေး ညံနေသည်။ တခြားသူများ အင်္ဂလိပ်စကားကို ပိုင်ပိုင်နိုင်နိုင် ပြောဆိုလာနိုင်ကြချိန်တွင် သူ့ မှာ အထစ်ထစ် အငေါ့ငေါ့ဖြင့် ပြောလိုက်လျှင်လဲ စကားလုံး အကျိုးအပဲ့များသာ ထွက်လာတတ်သည်။ သင်တန်းတွင် သူမျက်နှာ အလွန်ငယ်ရ၏။ အခြေခံအားနည်းသည့် သူ့ ကို သင်တန်းဆရာကလဲ ဖိဖိစီးစီးဖြင့် သင်ပေးသည်။ သို့ သော် သူကိုယ်တိုင်က မလိုက်နိုင်သဖြင့် သူ့ အတွက် ဖိအားပိုဝင်လာသည်။ အင်္ဂလိပ်စကားပြော သင်တန်း နေ့ ရက်များကို သူပင်ပန်းကြီးစွာဖြင့် ဖြတ်ကျော်နေရ၏။ ထို့ ကြောင့် နောက်ဆုံးတွင် ဖိအားဒဏ်ကို သူမခံနိုင်တော့သဖြင့် သင်တန်းကာလ မပြီးဆုံးခင်မှာပင် ထိုသင်တန်းကို သူကျောခိုင်းခဲ့ပြန်သည်။ သူ့ အနေဖြင့် အင်္ဂလိပ်စာကို ဒုတိယ အကြိမ်မြောက် ကျောခိုင်းရှောင်ပြေးခဲ့ခြင်း ဖြစ်သည်။

ထို့ နောက် သူဘွဲ့ ရပြီးနောက် သူငယ်ချင်း တစ်ယောက်နှင့်အတူ စင်ကာပူနိုင်ငံတွင် အလုပ်လာရှာကြသည်။ ထိုအချိန်တွင် သူတသက်လုံး ရှောင်ပြေးလာခဲ့သည့် အင်္ဂလိပ်စာနှင့် သူထိပ်တိုက်တွေ့ တော့သည်။ ဒီတစ်ကြိမ်တွင် သူရှောင်ပြေးလို့ မရတော့သည့်အပြင် သူကိုယ်တိုင်က အင်္ဂလိပ်စာကို ထိပ်တိုက်လိုက်တွေ့ ရခြင်းဖြစ်၏။ အလုပ်အင်တာဗျူးများကို တစ်ခုပြီးတစ်ခု သူဖြေခဲ့သည်။ သို့ သော် အင်တာဗျူးများတွင် သူ၏ အင်္ဂလိပ်စကားပြော အားနည်းမှုက အဟန့် အတား တစ်ခုလို ဖြစ်နေခဲ့သည်။ သူနှင့်အတူတူ လာခဲ့သည့် သူ့ လောက်မှ လုပ်ငန်းအတွေ့ အကြုံမရှိသည့် သူငယ်ချင်းက အင်္ဂလိပ်စကားပြော အားသာချက် တစ်ခုတည်းဖြင့် အလုပ်ရသွားခဲ့သည်။ သူကတော့ စင်ကာပူနိုင်ငံတွင် လေးလတိုင်တိုင် အလုပ်ရှာခဲ့သော်လဲ အလုပ်မရသဖြင့် မြန်မာနိုင်ငံသို့ ပြန်လာခဲ့ရသည်။ ထိုအချိန်တွင် သူ၏ ငယ်ငယ်က အပျင်းထူ၊ အဆော့မက်ပြီး စာကို သေချာဂရုစိုက် မလုပ်ဘဲ လမ်းလွဲလိုက်ပြီး အလွယ် လိုက်ခဲ့ခြင်း၏ ဒဏ်ကို သူခံနေရပြီ ဖြစ်သည်။ တကယ်က မှားမှန်းသိလျှက်ဖြင့် ရေသာခို အချောင်လိုက်ပြီး အမှားကို မပြုပြင်နိုင်ခဲ့ခြင်းက ကိုယ့်ဘဝတက်လမ်းကို ကိုယ်ကိုယ်တိုင် ရိုက်ချိုးလိုက်သလို ဖြစ်ခဲ့ခြင်း ဖြစ်သည်။ နောက်ဆုံး သူဘာမှ မတတ်နိုင်ဘဲ စင်ကာပူနိုင်ငံမှ နောင်တများ တပွေ့ တပိုက်ဖြင့် သူပြန်လာခဲ့၏။ ခုချိန်တွင် သူတတ်နိုင်သည်က သူ့ ပတ်ဝန်းကျင်မှ လူများကို မိမိတို့ ကလေးများ၏ အားနည်းချက်၊ အားသာချက်များကို ငယ်စဉ်ကပင် ဂရုတစိုက်ဖြင့် ကြပ်မတ်စောင့်ကြည့်ရန် သူ့ အတ္ထုပ္ပတ္တိလေးကို ဖြေပြရမည်။ ကလေးငယ်များကိုလဲ သူ့ လို ရေသာခို အပျင်းထူပြီး လမ်းလွဲမလိုက်ဖို့ သူ့ အကြောင်းလေးကို ပြောပြပြီး ဆုံးမ စကားဆိုရန်သာ ရှိတော့သည်။ သူ့ လို အမှားမျိုး မည်သူ့ ကိုမှ မမှားစေလိုတော့သည်က သူ့ ရင်ထဲက စေတနာသာ ဖြစ်ပါတော့သည်။