Showing posts with label တဂ်ပိုစ့်. Show all posts
Showing posts with label တဂ်ပိုစ့်. Show all posts

Wednesday, 21 March 2012

ဆန္ဒမစောကြပါနဲ့ (တဂ်)

ခုတလော အလုပ်များ နဲနဲရှုပ်နေသဖြင့် ဘလော့လေးပင် ဖုန်တက်မတတ် ဖြစ်နေပြီ။ အလုပ်မအားသဖြင့် မိတ်ဆွေ အဖော်အပေါင်းတို့ ဆီကိုလဲ အသွားအလာ ကျဲသွားသည်။ ဒီိနေ့ တော့ အလုပ်လေး အားတုန်းလေး ဖုန်ခါတဲ့ အနေနဲ့ တဂ်ပိုစ့်လေး တစ်ပုဒ်ကို အားထုတ်လို့ ရေးလိုက်သည်။ ဒီပိုစ့်လေးကို မမဝသုန်က တဂ်လာခြင်းဖြစ်သည်။ ပထမဆုံး ခုလို သတိတရနဲ့ တဂ်လာတဲ့ မမဝသုန်ကို ကျေးဇူးတင်ကြောင်း ပြောလိုပါသည်။ ပိုစ့်ရဲ့ ခေါင်းစဉ်နာမည်လေးက ဆန္ဒမစောကြပါနဲ့ တဲ့။  ဒီခေါင်းစဉ်ကို ဖတ်မိတော့ လူတစ်ယောက်ကို သွားသတိရမိ၏။ ကျွန်တော့် ဦးလေးဖြစ်သူ၏ သူငယ်ချင်း တစ်ယောက် ဖြစ်သည်။ ထိုသူသည် ကျွန်တော်တို့ ရွာမှ စင်ကာပူနိုင်ငံသို့  အစောဆုံး အလုပ်သွားလုပ်ကြသူများထဲတွင် တစ်ယောက် အပါအဝင်ဖြစ်သည်။ သူစင်ကာပူနိုင်ငံတွင် လုပ်သည့်  အလုပ်က သင်္ဘောများတွင် ဆီဖြည့်သည့် အလုပ်ဖြစ်သည်။ အလုပ်ချိန်က လေးရက်လုပ် သုံးရက်နား ဖြစ်ပြီး သူ့ အလုပ်က သူလိုကိုယ်လိုပင် သိပ်မထူးခြားပေ။ သို့ သော် သူက နဲနဲ လူရည်လည်ပြီး လုပ်တတ်ကိုင်တတ် ဖြစ်သဖြင့် ရွာမှ လူများကို သူ့ အလုပ်တွင် သွင်းပေးခြင်းဖြင့် ပွဲခသဘောမျိုး အကျိုးဆောင်ခများ ရလာသည်။ အခြားအေးဂျင့်ကုမ္ပဏီများနှင့်ပါ ချိတ်ဆက်ပြီး အေးဂျင့်သဘောမျိုး လုပ်ကိုင်လာသည်။ သူ့ သူငယ်ချင်း တစ်ယောက်နှင့် ရန်ကုန်မြို့ တွင် အေးဂျင့်ကုမ္ပဏီ တစ်ခုထောင်လိုက်ပြီး သူ့ လုပ်ငန်းကို ချဲ့ ထွင်နိုင်လာခဲ့သည်။

ထို့ နောက် သူ့ အလုပ်မှ ထွက်လိုက်ပြီး စင်ကာပူနိုင်ငံနှင့် မြန်မာနိုင်ငံကို ကူးချည်သန်းချည် လုပ်နေသည်။ စင်ကာပူနိုင်ငံသို့ အလည်ဗီဇာဖြင့် သွားပြီး မြန်မာနိုင်ငံမှ လာသူများကို နေရာချထားပေးခြင်း၊ အေးဂျင့်ကုမ္ပဏီများနှင့် ချိတ်ဆက်ခြင်းများကို သူလုပ်သည်။ စင်ကာပူနိုင်ငံတွင် အလုပ်များကို စောက်ချလုပ်ကိုင်နိုင်ရန် အတွက် ဆယ်တန်းရောက်လာသည့် သူ့ သားအပေါ်တွင် မျှော်လင့်ချက် ကြီးကြီး ထားခဲ့သည်။ သူ့ သားဖြစ်သူ ဆယ်တန်းတွင် အောင်မှတ်ကောင်းကောင်းဖြင့် အောင်လျှင် စင်ကာပူနိုင်ငံတွင် ပိုလီတက်ခိုင်းပြီး သူက အုပ်ထိန်းသူ အနေဖြင့် နေထိုင်ရန် ရည်ရွယ်ခြင်း ဖြစ်သည်။ ဒါဆိုလျှင် သူ့ အတွက်လဲ တော်တော်လေး အဆင်ပြေသွားမည်။ ထို့ ကြောင့် သားဖြစ်သူ ဆယ်တန်းတွင် ထူးထူးချွန်ချွန်ဖြင့် အောင်နိုင်ရန်အတွက် သူစီစဉ်တော့သည်။ သူ့ သားကို နာမည်ကြီး ကျူရှင်တွင် ထားပြီး နာမည်ကြီး ဂိုက်များကို အိမ်ခေါ်သင်စေသည်။ သားဖြစ်သူကိုလဲ သူ့ အပေါ်မျှော်လင့်ချက် ဘယ်လောက်ထားကြောင်းကို တဖွဖွပြောပြီး ကြိုးစားရန် တိုက်တွန်းလေ့ ရှိသည်။ သူ့ သား စင်ကာပူနိုင်ငံတွင် ကျောင်းလာတက်ဖို့ အတွက်ကိုလဲ အစစ အရာရာ အဆင်ပြေအောင် စီစဉ်ထားသည်။ သို့ သော် သူ၏ ဆန္ဒစောမှုများက သားဖြစ်သူ အပေါ်တွင် ဖိအားများ သက်ရောက်ပြီး ဆယ်တန်းစာမေးပွဲကို ကျတော့သည်။ ထိုအခါ သူစိတ်ပျက်သွားသည်။ ထို့ နောက် သားဖြစ်သူနှင့် သူ့ မိသားစုကို စိတ်ကုန်သွားသည်။ မိန်းမဖြစ်သူကိုလဲ ကွာရှင်းပြတ်စဲ လိုက်သည်။ စင်ကာပူနိုင်ငံတွင် PRအမျိုးသမီး တစ်ယောက်ကို လက်ထပ်လိုက်ပြီး ထိုမှာပင် အခြေချ နေထိုင်နေပြီး သူ့ အလုပ်များကို ဆက်လက် လုပ်ကိုင်နေတော့သည်။ တကယ်က သူ့ ဘာသာသူ ဆန္ဒတွေစောပြီး သူမျှော်လင့်သလို ဖြစ်မလာသည့်နောက် ကိုယ့်အမှား ကိုယ်မမြင်ဘဲ သားနှင့် မိန်းမတို့ အပေါ်ကို အပြစ်ပုံချပြီး သူက ကိုယ်လွတ်ရုန်း သွားခြင်းဖြစ်သည်။ သူသာ ဆန္ဒတွေစောပြီး မျှော်လင့်ချက် အကြီးကြီး မထားခဲ့လျှင် ပြဿနာက ထိုမျှလောက်အထိ ကြီးကျယ်သွားမည် မဟုတ်ပေ။

လူဆိုသည့် အမျိုးကလဲ ဆန္ဒစောတတ်ကြသူများ ဖြစ်ကြ၏။ ခုချိန်တွင် လူတိုင်းနီးပါးက လက်ရှိ အနေအထားများကြောင့် အပြောင်းအလဲများကို မျှော်လင့်နေကြသည်။ တိတိကျကျ ပြောရလျှင် ကျွန်တော်လဲ မျှော်လင့်နေမိသည်။ လူတိုင်းနီးပါး မျှော်လင့်ချက်များ ကြီးကြီးမားမား ထား၍ ဆန္ဒတွေစောပြီး ပြောနေကြသံတွေကိုလဲ ကြားနေရသည်။ အပြုသဘောဆောင်သည့် အသံများကို ကြားရသလို နဲနဲလှုပ်တာနဲ့ ပြစ်တင်ဝေဖန်သံများက ညံလာသည်ကိုလဲ တွေ့ မြင်နေရသည်။ ကျွန်တော်လဲ ဖြစ်ပျက်သွားခဲ့သည့် ကိစ္စတွေကို ဘာကြောင့် ဆိုပြီး စဉ်းစားကြည့်ဖူးခဲ့သည်။ သို့ သော် စဉ်းစားကြည့်ရုံ သက်သက်သာ ဖြစ်ပြီး ကောင်းသည်ဆိုးသည်ကို မဝေဖန်ကြည့်ခဲ့ဖူးပါ။ အဘယ်ကြောင့် ဆိုသော် မိမိပြောမိလိုက်သည့် စကားတစ်ခွန်းက ကိုယ်ကျိုးစွန့် အနစ်နာခံပြီး ပြည်သူ့ အကျိုးအတွက် လုပ်ဆောင်နေသည့် ပုဂ္ဂိုလ်များကို ဝေဖန်မိသလို၊ အပြစ်တင် စောမိသလို ဖြစ်မည်ကို စိုးရိမ်မိသောကြောင့် ဖြစ်သည်။ သူတို့ လဲ သူတို့ ၏ အလုပ်ကို အကောင်းဆုံး လုပ်ဆောင်နေခြင်းသာ ဖြစ်မည်။ ဒါကိုကိုယ်က နားမလည်ဘဲ ကိုယ့်မိသားစု၏ အကျိုးစီးပွားကို ကုန်းရုန်းလုပ်နေပြီး ညဘက် အနားယူချိန်ရောက်မှ ကွန်ပြူတာလေးဖွင့် ဟိုအော်၊ ဒီအော်ဖြင့် ဝေဖန်နေခြင်းမျိုးက မဖြစ်သင့်ဟု ထင်မိသည်။ သူတို့ လဲ ကိုယ်ကျိုးစွန့် အနစ်နာခံပြီး သူတို့ တတ်နိုင်သလောက်ထိ အကောင်းဆုံးကို လုပ်ဆောင်နေကြမည်ဟု ယုံကြည်မိသည်။ ဒါကို ကိုယ်က ဆန္ဒတွေစော ရယူချင်တာတွေ များပြီး ဟိုအော်၊ ဒီအော်၊ ဟိုဟာတောင်း ဒီဟာတောင်းခြင်းများက သူတို့ အပေါ် ဖိအားများ သက်ရောက်သွားပြီး လုပ်ရကိုင်ရ ခက်ခဲစေမည်ကိုလဲ စိုးရိမ်မိသည်။ တကယ်က ကိုယ်မလုပ်နိုင်တာကို တကယ်လုပ်နေကြသူများကို ကိုယ်က ကူညီထောက်ပံသင့်သည်။ ဝေဖန်ပြစ်တင်နေမည့် အစား အားပေးဖေးကူလို့ ပြောင်းလဲလာမည့် အသီးအပွင့်များကို မျှော်နေသင့်သည် မဟုတ်ပါလား...။

Saturday, 3 March 2012

ငါးထောင်တန်ဖုန်းအပေါ် ဘလော့ဂ်ဂါတို့ အမြင် (တဂ်)



ဒီတဂ်ပို့ လေးကတော့ မဒိုးကန် ကျွန်တော့်ကို တဂ်လိုက်တဲ့ ပိုစ့်လေးပါ။ ခုချိန်လောက်ဆိုရင် ဘလော့ဂ်ဂါတော်တော် များများလဲ ရေးပြီးနေလောက်ပါပြီ။ ရည်ရွယ်ချက် ကောင်းကောင်း စိတ်ကူးကောင်းကောင်းနဲ့ ဖြစ်တည်လာခဲ့တဲ့ တဂ်ပိုစ့်လေး တစ်ပုဒ်ဖြစ်ပါတယ်။ ပြည်သူ့ အကျိုးကို ကိုယ်တတ်နိုင်တဲ့ ဘက်က စေတနာနဲ့ တတ်အားသရွေ့ လေး အားတက်သရော ပါဝင်ခဲ့ကြတဲ့ ဘလော့ဂ်ဂါမောင်နှမတွေကို မြင်ရတော့ တကယ်ဝမ်းသာ ကြည်နူးမိတယ်။ ဒီထဲမှာ ကျွန်တော်ကိုယ်တိုင်လဲ တစ်တပ်တစ်အား ပါဝင်ခွင့် ရအောင် သတိတရလေး တဂ်ပေးခဲ့တဲ့ မဒိုးကန်ကိုလဲ ကျေးဇူးတင်ပါတယ်။ ပြောရရင် ခုလို ငါးထောင်တန် ဘာညာ ဆိုတဲ့အထိတော့ မတွေးခဲ့ဘူးပေမဲ့လို့ ကျွန်တော်တို့ နိုင်ငံက ပြည်သူတွေ လူတိုင်း ဟမ်းဖုန်းကိုင်နိုင်ဖို့ ကို ဆန္ဒရှိခဲ့တာက ဟိုးအရင် ၂၀၀၃ခုနှစ် အစပိုင်းလောက်က မလေးရှာနိုင်ငံကို စရောက်ခဲ့တုန်းကတည်းကပါ။ အဲဒီအချိန်တုန်းက မြန်မာနိုင်ငံမှာ GSM ဖုန်းတွေ စပေါ်နေပြီ ဆိုပေမယ့်လို့ ကျွန်တော့် အနေနဲ့  မမြင်ဖူး၊ မထိတွေ့ ဖူးသေးတဲ့ အချိန်ပါ။ အဲဒီနေ့ က ကျွန်တော် မလေးရှားနိုင်ငံကို ရောက်ပြီး ပထမဆုံး အလုပ်စဆင်းမယ့်နေ့ ကပေါ့။ ကျွန်တော်တို့ အတူတူ လာခဲ့ကြသူတွေ တအုပ်အမကြီး စက်ရုံဝင်းထဲ ဝင်လာကြတယ်။ အဲဒီအချိန် စက်ရုံဝင်းထဲမှာ အမှိုက်ကြုံးနေတဲ့ ကုလားက အမှိုက်ကားဘောင်ပေါ်ကို ခြေတဖက်ကို တင်ပြီး ဟန်ပါပါနဲ့ ဖုန်းပြောနေတာကို တွေ့ လိုက်ရတယ်။ ကျွန်တော်တို့ ထဲက လူတစ်ယောက်ရဲ့  "ဟာ... ငါတို့ နိုင်ငံမှာ သိန်းသုံးဆယ်လောက် ပေးရတဲ့ ဟမ်းဖုန်းက ဒီနိုင်ငံမှာ အမှိုက်ကျုံးတဲ့ ကုလားတောင် ကိုင်နိုင်တယ်ကွ" လို့ ဆိုပြီး တအံတသြနဲ့  အော်လိုက်သံကို ကြားလိုက်ရတယ်။ ကျန်တဲ့သူတွေလဲ အထူးအဆန်း အနေနဲ့ ဝိုင်းကြည့်ကြတာပေါ့။ ကျွန်တော်တို့ အတူတူ လာခဲ့တဲ့ အယောက်နှစ်ဆယ်ထဲမှာ ဘယ်သူမှ ဖုန်းမကိုင်ဖူးသေးပါဘူး။ ဒါကြောင့်လဲ အမှိုက်ကားပေါ်က ဖုန်းပြောနေတဲ့ ကုလားကို ကျွန်တော်တို့ အထင်ကြီးပြီး ဝိုင်းကြည့်ခဲ့ကြရတာပေါ့။ အခုချိန်ထိလဲ မြန်မာနိုင်ငံမှာ ဟမ်းဖုန်းကိုင်ပြီး စကားပြောနေတဲ့  လူကို လူတချို့ က အထင်ကြီးစိတ်နဲ့ ငေးကြည့်နေကြတာကို မြင်တိုင်း ကျွန်တော် စိတ်မကောင်း ဖြစ်ရတယ်။ အဲဒီအချိန်ကတည်းက မြန်မာနိုင်ငံမှာလဲ လူတိုင်း ဟမ်းဖုန်းကိုင်နိုင်ရင် ကောင်းမယ်ဆိုတဲ့ စိတ်ကူးလေး ယဉ်ကြည့်ခဲ့ဖူးတာပါ။ အရင်က စိတ်ကူးယဉ်ခဲ့တာ ဆိုိပေမယ့် ခုတော့ ဒါဟာ တကယ် ဖြစ်လာနိုင်တယ် ဆိုတာကို သိလိုက်တော့ ကျွန်တော် တကယ်အားတက် မိပါတယ်။ အဲဒီအတွက် ငါးထောင်တန် ဟမ်းဖုန်း ပေါ်လာဖို့ ကို ကြိုလဲကြိုဆိုပါတယ်ဗျာ။ ပြီးတော့ ကျွန်တော်တို့ တွေ ဟမ်းဖုန်း စဝယ်လာတော့ ဝမ်းသာပီတိ ဖြစ်ပြီး တစ်ညလုံး မအိပ်ဘဲ ဖုန်းထိုင်ကလိနေခဲ့တဲ့ ဝမ်းသာပီတိမျိုးလေးကိုလဲ ကျွန်တော်တို့ မြန်မာနိုင်ငံက ပြည်သူတွေကို ခံစားစေချင်ပါသေးတယ်။ ကဲ... ကျွန်တော် မေးခွန်းလေးတွေကို ဖြေကြည့်ပါဦးမယ်။ ကျွန်တော့် စိတ်ထဲ ရှိတာလေးတွေကို ဖြေမှာပါ။ အဲဒီအတွက် နိုင်ငံတော်ရဲ့  အခြေအနေ ဘာညာကို ထည့်မတွက်ဘဲ ကျွန်တော် ဖြေမှာပါ။ ဘာဖြစ်လို့ လဲ ဆိုတော့ ကုမ္ပဏီသေးသေးလေး တစ်ခုကတောင် မြန်မာ့ဆက်သွယ်ရေးကသာ ကူညီပါ သူတို့ ဖြစ်အောင်လုပ်မယ်လို့ ပြောခဲ့တဲ့နောက် နိုင်ငံတော်က ဖြစ်အောင် မလုပ်နိုင်ဘူး ဆိုတာကို ကျွန်တော် မယုံပါဘူး။ ဒါကြောင့်ပါ...

(၁)ယခု ဆက်သွယ်ရေးက ချထားပေးမယ့် နှစ်သိန်းဝန်းကျင် ဖုန်းကို တန်ဖိုးနည်းဖုန်းလို့ သင်မြင်ပါသလား?

ကျွန်တော်ကတော့ တန်ဖိုးနည်း ဖုန်းလို့ မမြင်ပါဘူး။ ဘာကြောင့်လဲ ဆိုတော့ ကိုယ့်နိုင်ငံထက် ချမ်းသာတဲ့ နိုင်ငံတွေမှာတောင် ဒီဆင့်ကဒ်ကို ပေါပေါလောလော၊ တချို့ နိုင်ငံတွေမှာ အလကားတောင် ရနေတဲ့ အချိန်မှာ ဆင်းရဲတဲ့ ကျွန်တော်တို့ နိုင်ငံက ဆင်းရဲတဲ့ ပြည်သူတွေက တန်ဖိုးကြီးကြီး ပေးပြီး ဝယ်သုံးရမယ် ဆိုတာမျိုးက မဖြစ်သင့်ဘူးလို့ ထင်ပါတယ်။

(၂)ငါးထောင်တန်ဖုန်းပေါ်လာစေဖို့ စတေကာကပ်ခြင်းနဲ့ တီရှပ်များပြုလုပ်ခြင်းအပေါ် သင်ဘယ်လိုမြင် မိပါသလဲ?

ဒါတကယ် ကောင်းပါတယ်။ လုပ်နိုင်သူတွေ လုပ်ကြတာကို ကျွန်တော်တော့ အားပေးပါတယ်။ တခါတခါ သူ့ အလိုလို မရတဲ့ အရာတွေကို တောင်းယူရပါတယ်။ ကျွန်တော်တို့ တွေ တောင်းယူကြမယ်ဗျာ... ရတော့လဲ အမြတ် မရတော့လဲ အရင်းပေါ့။ ဒါပေမယ့် သူတို့ တွေ ပြဿနာ တစ်ခုခု မဖြစ်ဖို့ ကိုလဲ မျှော်လင့်ပါတယ်။

(၃)ငါးထောင်တန်ဖုန်းပေါ်လာစေဖို့ စုပေါင်းလက်မှတ်ထိုးပြီး လွှတ်တော်ကိုတင်ပြခြင်းအပေါ် သင်ဘယ်လိုမြင် မိပါသလဲ?

ခုဆိုရင် ကျွန်တော်တို့ နိုင်ငံက ဒီမိုကရေစီ နိုင်ငံဖြစ်နေပါပြီ။ ပြည်သူက ရွေးကောက်တင်မြှောက်ထားတဲ့ အစိုးရဆိုရင် ပြည်သူ့ အသံကို နားထောင်ရမှာပါ။ ငါးထောင်တန် ဖုန်းတွေ ထွက်ပေါ်လာစေချင်တာက ပြည်သူ့ ဆန္ဒပါ။ ပြည်သူ့ ဆန္ဒကို ပြည်သူက ထုတ်ဖော်ပြီး လွှတ်တော်ကို တင်ပြတာက သဘာဝကျပါတယ်။ ဒါကြောင့် ခုလို စုပေါင်းလက်မှတ်ထိုးပြီး လွှတ်တော်ကို တင်ပြခြင်းဟာ အင်မတန်မှ သင့်လျော် မှန်ကန်တယ်လို့ ထင်ပါတယ်။
   
(၄) ငါးထောင်တန်ဖုန်းများပေါ်ပေါက်လာစေဖို့ သင့်အနေနဲ့ ကြိုဆိုပါသလား?

ကျွန်တော် အထက်က ပြောခဲ့သလိုဘဲ ငါးထောင်တန် ဖုန်းတွေ ပေါ်ပေါက်လာဖို့ ကို ဝမ်းပန်းတသာနဲ့ ကို ကြိုဆိုပါတယ်။ ငါးထောင်တန် ဖုန်းတွေသာ ပေါ်လာမယ် ဆိုရင် ဖုန်းဈေးကွက်က လည်ပတ်လာမှာပါ။ အဲဒီလိုသာ ဖြစ်လာမယ် ဆိုရင် ပထမဆုံး အနေနဲ့ ဖုန်းဆိုင်တွေ၊ second hand ဆိုင်တွေနဲ့ ဖုန်းပြင်တဲ့ ဆိုင်တွေ ထွက်ပေါ်လာတော့မှာမို့ ပြည်သူတွေ ကြားမှာလဲ အလုပ်အကိုင်တွေ တိုးပွားလာတော့မှာပါ။ ဖုန်းတွေကိုလဲ အလွယ်တကူ ဝယ်ယူလို့ ရနိုင်လာတော့မယ်လို့ ယူဆရပါတယ်။ ပိုက်ဆံ ချမ်းသာတဲ့ လူတွေ ဖုန်းကို အမျိုးမျိုး လှည့်သုံးနိုင်တော့မှာ ဖြစ်သလို ချို့ တဲ့သူတွေလဲ အနည်းဆုံးတော့ second hand လောက်တော့ ကိုင်သုံးနိုင်လာတော့မှာပါ။ ဒီလိုသာ ဖုန်းဈေးကွက် လည်ပတ်လာတော့မယ် ဆိုရင် သုံးဦးသုံးဖက် အကျိုးရှိနိုင်တာမို့ ကျွန်တော်ကတော့ ငါးထောင်တန် ဖုန်းတွေ ပေါ်လာဖို့ ကို ကြိုဆိုပါတယ်ဗျာ။

(၅)ငါးထောင်တန်ဖုန်းအပေါ် သင့်အမြင်လေး ချရေးပေးပါ။

မြန်မာဆက်သွယ်ရေးရဲ့ လက်ရှိ ဖုန်းတွေ ချပေးနေတဲ့ စနစ်ကို ကြည့်ရင် ရှေ့လျှောက် ဖုန်းတန်ဖိုးတွေ ကျလာပြီး လူတိုင်း ကိုင်နိုင်လာတော့မှာပါ။ အချိန်တစ်ခုကို စောင့်နေရုံပါဘဲ။ ဟိုးအရင်က ဖုန်းတစ်လုံးကို သိန်းသုံးဆယ် ဝန်းကျင်၊ နောက်ဆယ့်ငါးသိန်းနဲ့ ချပေးပြီး အပြီးအစီး ဆယ့်ရှစ်သိန်းဝန်းကျင်၊ နောက်ပိုင်း ငါးသိန်းတန် အပြီးအစီး ငါးသိန်းခြောက်သောင်း တန်လောက်တွေကို တဆင့်ပြီးတဆင့် ဈေးချပေးလာတာပါ။ နှစ်စဉ် ဒီလို ဖုန်းတန်ဖိုးတွေ သိန်းဂဏန်းကနေ သောင်းဂဏန်း၊ နောက်ပိုင်းထောင်ဂဏန်းလောက်ထိ တဖြည်းဖြည်း ကျကျလာပြီး လူတိုင်း ဖုန်းကိုင်နိုင်လာရမယ်လို့ သတင်းတွေ ကြားနေရပါတယ်။ ဒါကို ကျွန်တော် နားမလည်တာပါ။ ဈေးချလို့ ရမယ် ဆိုရင်လဲ အနိမ့်ဆုံး ချလို့ ရနိုင်မယ့် ဈေးနှုန်းကို ချလိုက်ပါလားလို့ ဘာကြောင့် ခုလို တစ်နှစ်ချင်းစီမှာ တစ်ရစ်ချင်းစီ ချနေရမှာလဲ။ သူတို့ လုပ်ပုံက ပြည်သူကို ဈေးကစားနေသလိုဘဲ။ တန်ဖိုးနည်းဖုန်းတော့ လာမယ် ဒါပေမယ့် ကြာမယ်။ ပြည်သူဆီက ရသလောက် နှိုက်ယူဦးမယ် ဆိုတဲ့သဘောမျိုး ဖြစ်မနေဘူးလား။ ဒါဟာ ပြည်သူဆီက အနုနည်းနဲ့ ဒမြတိုက်ယူနေသလိုကို ကျွန်တော်တော့ ခံစားမိတယ်။ ဆင့်ကဒ်တိုင်းက ဖုန်းတိုင်းမှာ ထည့်သုံးမရဘူး ဆိုတာကလဲ မဖြစ်သင့်ပါဘူး။ ဒီအခြေအနေတွေက စီးပွားရေးသမားတွေနဲ့ ပေါင်းပြီး လုပ်စားနေသလို ဖြစ်မနေဘူးလား။ ဟုတ်သော်ရှိ မဟုတ်သော်ရှိ လူတွေရဲ့ စိတ်ထဲမှာ အဲဒီလို ထင်နေကြတာပါ။ ဘာကြောင့်လဲ ဆိုတော့ ဘယ်နိုင်ငံမှာမှ ဒီလို အဖြစ်မျိုး မရှိဘူးလေ။ အဲဒီိလိုဘဲ ဘယ်နိုင်ငံမှာမှလဲ ဆင့်ကဒ်တစ်ကဒ်ကို ဒီလိုဈေးနဲ့ ဝယ်စရာ မလိုပါဘူး။ ဒီစကားတွေကို ကျွန်တော် ပြည်သူတစ်ယောက် အနေနဲ့ မြင်နေရတဲ့ အမြင်တွေကို ပြောပြနေတာပါ။ ဒီဘက်ခောတ်မှာ ဖုန်းက လူမှုဆက်သွယ်ရေးမှာ တော်တော်ကို အရေးပါလာနေပါပြီ။ လူတိုင်းသာ ဖုန်းကိုင်နိုင်လာမယ် ဆိုရင် သူငယ်ချင်း နှစ်ယောက် တွေ့ ပြီး လက်ဖက်ရည်ဆိုင် ထိုင်ဖို့ အရင်လို စက်ဘီးတစ်တန်၊ ဆိုင်ကယ်တတန်နဲ့ သွားခေါ်နေစရာ မလိုတော့ပါဘူး။ ဖုန်းခေါ်စရာမလိုဘဲ မက်ဆေ့လေး ပို့ လိုက်ရုံနဲ့ ရနေပါပြီ။ ခရီးတွေ ဘာတွေ သွားရင်လဲ လူကွဲမှာကို ကြောက်စရာ မလိုတော့ပါဘူး။ စီးပွားရေး လုပ်ရာမှာလဲ အစစ အရာရာ အဆင်ပြေလာမှာပါ။ ရွာတွေကနေ မြို့ ကို တကူးတက အချိန်ကုန်ခံ သွားစရာ မလိုတော့ပါဘူး။ ဖုန်းဆက်လိုက်ရုံနဲ့ ပဲဈေး၊ စပါးဈေးကို သိနိုင်လာတော့မှာပါ။ ဖုန်းရုံတွေမှာ တန်းစီနေရတဲ့ အဖြစ်မျိုးတွေကိုလဲ ရှောင်နိုင်လာတော့မှာပါ။ ဖုန်းပြောချင်လို့ ထိုင်စောင့်နေရတဲ့ အဖြစ်မျိုးတွေလဲ ဒီဘက်ခောတ်မှာ မရှိသင့်တော့ပါဘူး။  တကယ်က ငါးထောင်တန် ဖုန်းတွေ ပေါ်လာရင်တောင် လူတိုင်း ဖုန်းသုံးနိုင်ဖို့ မလွယ်ပါဘူး။ ဘာကြောင့်လဲ ဆိုတော့ ဖုန်းဝယ်ရမယ်၊ လစဉ်ဖုန်းထဲကို ပိုက်ဆံထည့်ရမယ်။ ဒါတွေကို လက်လုပ်လက်စားတွေ လုပ်နိုင်ဖို့ မလွယ်ပါဘူး။ ဒါပေမယ့် အရင်ထက်စာရင်တော့ လူတော်တော် များများက ဖုန်းကို သုံးနိုင်လာတော့မှာပါ။ နောက်ဆုံး ဖုန်းထဲပိုက်ဆံ မရှိလို့ ခေါ်မရရင်တောင် မက်ဆေ့ပို့ ပြီး ဆက်သွယ်လို့ ရပါတယ်။ ဒီိလိုဆိုရင် အရင်ထက် ဆက်သွယ်ရေးတွေ ပိုမိုလွယ်ကူ အဆင်ပြေလာနိုင်မှာပါ။ ဒါကြောင့် လူတိုင်း ဖုန်းကိုင်နိုင်လာဖို့ လိုင်းကောင်းကောင်းနဲ့  တန်ဖိုးနည်း ဖုန်းတွေကို ပြည်သူတွေနဲ့ အတူ ကျွန်တော်လဲ မျှော်နေမိပါတယ်။

Friday, 10 February 2012

ဘဝရဲ့ အမှတ်တရနေ့ စွဲများ(တဂ်)

ဘဝရဲ့ အမှတ်တရနေ့ စွဲများတဲ့.... ညီမငယ် သမီးစံက တဂ်လာသည့် ပိုစ့်လေး ဖြစ်သည်။ ဒီနေ့ အချိန်ထိ ရှင်သန်ကြီးပြင်းလာခဲ့သည့် ဘဝတလျှောက်တွင် အမှတ်တရ နေ့ ရက်ပေါင်းများစွာ ရှိခဲ့သည်။  ပထမဆုံး အနေဖြင့် ပြောရမည် ဆိုလျှင် ကျွန်တော် လေးနှစ်သား အရွယ်လောက်က ဖြစ်သည်။ ကျွန်တော့် အဒေါ်ဖြစ်သူနှင့် ကျွန်တော် မြစ်ဆိပ်ကို ရေချိုးလိုက်သွားခဲ့သည်။ ကျွန်တော်နှင့် အဒေါ်၏သား ကျွန်တော့်ညီဝမ်းကွဲတို့ က မြစ်ဆိပ်တွင် အဝတ်လျှော်နေသည့် အဒေါ်ဖြစ်သူ၏ မလှမ်းမကမ်းတွင် ရေကစားနေကြသည်။ မြောက်ရှူံးအောင် ဆော့သော ကျွန်တော်တို့ ညီအစ်ကို နှစ်ယောက်က ခရီးသည်များချပြီး ပြန်ထွက်သော စက်လှေကို လက်ဖြင့်ခိုပြီး လိုက်သွားကြ၏။ ကမ်းစပ်မှ အဒေါ်ဖြစ်သူနှင့် တခြားသူများ ပွတ်လောရိုက်မတတ် အော်မှ ကြောက်လန့် ပြီး လက်ကိုလွှတ်ချ လိုက်တော့ ရေနက်ပိုင်းကို ရောက်နေပြီမို့ ရေနစ်ပါလေတော့သည်။ ထိုနေ့ က စက်လှေပေါ်မှ အိမ်နီးချင်းအစ်ကို တစ်ယောက်က ကယ်တင်ခဲ့ခြင်းကြောင့်သာ ဒီနေ့ ထိ ကျွန်တော်  အသက်ရှင် နေနိုင်ခြင်း ဖြစ်သည်။

ကျွန်တော် ငါးတန်းအောင်ပြီး ခြောက်တန်းတက်မည့် နှစ်တွင်ဖြစ်သည်။ တစ်ဦးတည်းသော အစ်ကိုဖြစ်သူ ဆယ်တန်းစာမေးပွဲ အောင်ပြီး တက္ကသိုလ်ကျောင်းများ ပိတ်လိုက်သဖြင့် ပြည်တောင်တန်း ရေနံမြေသို့ အလုပ်သွားလုပ်မည် ဆိုသဖြင့် အရမ်းဝမ်းနည်းခဲ့ရသည်။ ထိုအချိန်က ကျွန်တော့် အသက် ဆယ်နှစ်ကျော်ကျော်သာ ရှိသေးသည်။ သွားအတူ၊ စားအတူ၊ အိပ်တော့လဲ တစ်ကုတင်တည်း အတူတူ အိပ်ခဲ့ကြသည့် ညီအစ်ကို နှစ်ယောက် အနေဖြင့် ပထမဆုံး ခွဲကြခြင်းလဲ ဖြစ်သည်။ အရင်က အဘိုးအဘွားများ၏ ရွာသို့ အလည်သွားလျှင်ပင် ညီအစ်ကို နှစ်ယောက် ခွဲအိပ်ရမည် စိုးသဖြင့် နှစ်ယောက်လုံး အားတဲ့နေ့ မှ အတူတူ သွားလေ့ရှိကြသည်။ ထိုစဉ်က ကျွန်တော် ညဘက်များဆိုလျှင် တစ်ယောက်တည်း မအိပ်ရဲ အစ်ကိုဘေးနားမှာ ရှိနေမှ အိပ်ရဲသူ ဖြစ်သည်။ အချိန်တိုင်းတွင် အစ်ကို ဖြစ်သူက ကျွန်တော့်ကို ဖေးမ၍ ကျွန်တော့်ရှေ့မှ မားမားမတ်မတ် ရပ်ခဲ့သူဖြစ်သည်။ ထိုနေ့ ကစ၍ ကျွန်တော် ညဘက်များတွင် တစ်ယောက်တည်း အိပ်ရ၏။ ထိုနေ့ မှစ၍ မွေးကတည်းက မိမိဘေးတွင် မားမားမတ်မတ် ရပ်ခဲ့သည့် အစ်ကိုဖြစ်သူ မပါဘဲ ကိုယ့်အားကိုယ်ကိုးပြီး  ကိုယ့်ကိစ္စကိုယ်ဖြေရှင်း ခဲ့ရသည်။ အစ်ကိုဖြစ်သူ ပါသွားသည့် မိခင်ဖြစ်သူ၏ သူငယ်ချင်း အရာရှိကြီး၏ ကားကို ငွေ့ ရည်ဖွဲ့ နေသည့် မျက်ဝန်းတို့ ဖြင့် ငေးကြည့်ရင်း ကျွန်တော် ဝမ်းနည်းခဲ့ရသည်။

ကျွန်တော့်ဘဝမှာ မှတ်မှတ်ရရ ဖြစ်နေတဲ့ နေ့ လေးတစ်ရက်ပေါ့။ ပြောရမှာ ရှက်ဖို့ လဲ ကောင်းပါတယ်။ ကျွန်တော် ကောင်မလေးတစ်ယောက်ကို ရည်းစားစကား လိုက်ပြောဖို့ စောင့်နေခဲ့တယ်။ စောင့်နေတဲ့ နေရာက ဆင်ခြေလျှောကုန်းဆင်းလေး။ ပထမဆုံး အကြိမ်မို့ တဆတ်ဆတ် တုန်နေတဲ့ ဒူးကို ပုံမှန်ဖြစ်ဖို့ ကြိုးစားနေရ၏။ အဲဒီအချိန်မှာ ကောင်မလေးက စက်ဘီးလေး နင်းပြီး ရောက်လာခဲ့သည်။ ကျွန်တော်ကလဲ အမှန်အကန် လိုက်ပြောမယ် ဆိုပြီး စက်ဘီးကို စအနင်း...။ အဲဒီအချိန်မှာဘဲ ကောင်မလေးက ကုန်းဆင်းအတိုင်း စက်ဘီးကို ဒုံးပျံလို ဝှီးကနဲ နင်းထွက်သွားသည်။ ကျွန်တော့် စက်ဘီးက ယောက်ကျားစီး ဆိုတော့ အထနှေးပြီး အရှိန်မရသေးဘူး။ ကျွန်တော် ပြာယာခတ်သွားပြီး ကောင်မလေးကို လွှတ်ခနဲ "ဟိတ်... ခဏနေဦး" ဆိုပြီး အော်တားလိုက်မိတယ်။ ကောင်မလေးကလဲ သူ့ ကို ခေါ်တယ်ဆိုတော့ စက်ဘီးကို ဘရိတ်တွေ ဘာတွေအုပ်လို့ အရှိန်လျှော့ပေးရတာပေါ့။ အဲဒီကျမှ ကျွန်တော်လဲ သူမကို မှီလာပြီး ပြောစရာ ရှိတာကို ပြောရတာပေါ့။ ကျွန်တော်က ဖြစ်လိုက်ရင် အဲဒီလို... အဲဒီလို...

အဲဒီနေ့ ကပေါ့ ကမ္ဘာလောကကြီးက အရမ်းကို ရုန်းကြွလှပလို့ အသက်ဝင်နေသည်။ မြင်သမျှ၊ တွေ့ သမျှက လှပနှစ်လိုဖွယ် အတိပြီးနေ၏။  ကျွန်တော်လဲ အူမြူးပြီး လူတွေ့ တိုင်း အတင်းလိုက် နှုတ်ဆက်လို့   ပြုံးပြုံးပြနေမိသည်။ လူကလဲ ထိုင်ရမလို၊ ထရမလိုနဲ့ ဂနာမငြိမ် ဖြစ်နေတာပေါ့။ အိမ်ကို ပြန်ရောက်တော့လဲ မိဘက မခိုင်းရဘဲနဲ့ ကို အိမ်အလုပ်တွေကို ကူလုပ်ပေးနေမိတယ်။ မိခင်ဖြစ်သူကတော့ အရမ်းကို အံသြနေတာပေါ့။ အရင်က လိပ်ခေါင်းထွက်မတက် အော်ခေါ်ပြီး ခိုင်းနေရတဲ့လူက ခုကျ တာဝန်တသိနဲ့ အိမ်အလုပ်တွေ ကူလုပ်နေတာဆိုတော့ တအံတသြကို ဖြစ်လို့ ပေါ့။ နောက်ဆုံး မနေနိုင်လို့ နှုတ်က "ဟဲ့... ကောင်လေး ဂနာမငြိမ်နဲ့ ဘာဖြစ်လာတာလဲလို့ " ထုတ်မေးရတဲ့ အထိကို ဖြစ်ခဲ့တာ။ ဒါပေမယ့် အတွေ့ အကြုံရှိဟန်တူတဲ့ ဖခင်ဖြစ်သူက "ဘာဖြစ်ရမှာလဲ ဒီလောက် ဂဏာမငြိမ် ဖြစ်နေတာ ဒီကောင် သူ့ ကောင်မလေးဆီက အဖြေရလာလို့ နေမှာပေါ့" လို့ ကွက်တိကို တမ်းဟောလိုက်တာ...။ ကျွန်တော်လဲ ရှက်ပြီး.... "ဟာ... အဖေကလဲ" ဆိုပြီး ရုပ်ရှင်ထဲက မင်းသမီးလေးလို ထွက်ပြေးရတာပေါ့။ ကျွန်တော်က အဲဒီလိုလေးလဲ ရှက်တတ်သေးတယ်လေ။

ကျွန်တော် ဆယ်တန်းတက်သည့် နှစ်တွင်ဖြစ်သည်။ ကျွန်တော့် သူငယ်ချင်းဖြစ်သူ တစ်ယောက်က ကျွန်တော်နှင့် စာအတူတူ လာကျက်လေ့ရှိသည်။ နှစ်ယောက် အတူတူ စာလုပ်လျှင် တိုင်တိုင်ပင်ပင်ဖြင့် စာပိုလုပ်ဖြစ်ရန် ဖြစ်သည်။ ဒါပေမယ့် ကျွန်တော် လက်ဖက်ရည်ဆိုင် သွားလျှင် သူကမလိုက် စာကျက်ကျန်ခဲ့သည်။ ကျွန်တော် တီဗီဆင်းကြည့်လျှင်လဲ သူက ဆင်းမကြည့် စာကျက်ကျန်ခဲ့သည်။ ညအိပ်တော့ တစ်ညနေလုံး ဘော်လုံးကန်ထားသည့် ကျွန်တော်က ပင်ပန်းပြီး အစောကြီး အိပ်ပျော်သွားတတ်သော်လဲ သူက နောက်ကျမှ အိပ်သည့်အပြင် ကျွန်တော့်ထက် စောစောထပြီး စာကျက်လေ့ ရှိသည်။ ထို့ ကြောင့်  မိခင်ဖြစ်သူ၏ ဆူပူကြိမ်းမောင်းမှုကို နေ့ စဉ် ခံရလေ့ရှိသည်။ ကြာတော့ ကျွန်တော် ဒဏ်မခံနိုင်တော့။ သူရှိနေလို့ နေ့ စဉ်အဆူခံနေရသည်ဟုလဲ လွဲမှားစွာ ထင်မိခဲ့သည်။ ထို့ ကြောင့် အစ်ကိုဖြစ်သူ သူ့ အလုပ်မှ သူငယ်ချင်းများကို အိမ်လည်ခေါ်ပြီး ပြန်လာသည့် တစ်နေ့ ... ကျွန်တော်က အိမ်မှာ ဧည့်သည့်တွေ ရောက်နေတယ် မင်းအိမ်ပြန်လိုက်ဦး ဆိုပြီး သူငယ်ချင်းကို မောင်းထုတ်ခဲ့မိသည်။ ညတစ်နာရီခွဲလောက်မှာ စက်ဘီးကလေးဆွဲပြီး မိနစ်လေးဆယ်ခန့် စက်ဘီးနင်း၍ ပြန်ရသည့် သူတို့ ရွာကို ညအချိန်မတော် ထပြန်သွားရသည့် သူငယ်ချင်း ဖြစ်သူ၏ ပုံရိပ်ကို ပြန်မြင်ယောင်မိတိုင်း ကျွန်တော့်ကိုယ် ကျွန်တော် ခွင့်မလွှတ်နိုင်လောက်အောင် ဖြစ်မိသည်။ အိမ်မှာ အိပ်စရာနေရာ အများကြီး ရှိသည်ကို သူလဲ သိနေသည်ဘဲ။ နောက်ပိုင်းမှာ ကျွန်တော့်အမှားကို ပြန်တောင်းပန်ခဲ့သော်လဲ  ထိုနေ့ က စ၍ ထိုသူငယ်ချင်းနဲ့ အနေအေးသွားခဲ့သည်။ သူက ဘာမှသဘောမထားဘဲ ကျွန်တော့်ကို ပုံမှန် ဆက်ဆံသော်လဲ ကျွန်တော်ကိုယ်တိုင်က သူ့ ကို ရှိန်သွားခြင်းဖြစ်သည်။ ထိုအဖြစ်အပျက်လေးကို ပြန်စဉ်းစားမိတိုင်း ကျွန်တော်အမှားကြီး တစ်ခုကို ကျူးလွန်မိခဲ့သလို ကိုယ့်စိတ်ကိုယ်မလုံဖြစ်ကာ ရင်ဘတ်ထဲ ဆူးတစ်ချောင်းဝင်နေသလို ခံစားနေရသည်။ သူခွင့်လွှတ်ပါသည်ဟု ဘယ်လောက်ပြောပြော ကျွန်တော် ကိုယ့်ကိုယ်ကို ခွင့်မလွှတ်နိုင် ဖြစ်ရသည်။

ကျွန်တော် မလေးရှားနိုင်ငံတွင် အလုပ်သွားလုပ်ရန် ဆုံးဖြတ်ပြီးချိန်က ဖြစ်သည်။ ပတ်စပို့ စာအုပ် လုပ်ပြီးသွားပြီ။ သွားဖို့ လာဖို့ အားလုံး စီစဉ်ပြီးသွားပြီ။ ထိုအချိန်တွင် ကျွန်တော် GTC ကျောင်းတက်ခွင့် ရခဲ့သည်။ ကျွန်တော် ကျောင်းကို ဆက်တက်ချင်ခဲ့သည်။ သူငယ်ချင်းများကလဲ ကျွန်တော့်ကို ကျောင်းဆက်တက်ဖို့ တိုက်တွန်းကြသည်။ တချို့ သူငယ်ချင်းများဆိုလျှင် ကျွန်တော့် မိဘများကိုပင် လာပြောပေးကြသည်။ ကျွန်တော့် မိဘနှစ်ပါးကတော့ ကျွန်တော့် သဘောဟု ပြောကြသည်။ သို့ သော် မလေးရှားကို သွားဖို့ က အားလုံး စီစဉ်ပြီးနေပြီ ပိုက်ဆံတွေကလဲ ကုန်ထားပြီး နေပြီဖြစ်သည်။ ထို့ ကြောင့် လက်ရှိအခြေအနေကို နားလည်သည့်အတွက် ကျွန်တော် ကျောင်းတက်ချင်သည်ဟု တစ်ခွန်းမှ မပြောခဲ့။ ထိုနေ့ က သူငယ်ချင်းများနှင့် ဘီယာဆိုင်ကို အတူလိုက်ထိုင်ခဲ့ပြီး ဘဝတွင် ပထမဆုံးအကြိမ် အကြီးအကျယ် မူးခဲ့သည်။

ကျွန်တော့်တွင် ငယ်ငယ်လေး ကတည်းက အလွန်ခင်ခဲ့ရသည့် သူငယ်ချင်း တစ်ယောက် ရှိခဲ့သည်။ ကျွန်တော့် အိမ်မျက်စောင်းထိုးတွင် နေသည့် ကျွန်တော့် အချစ်ဆုံး သူငယ်ချင်း ဖြစ်သည်။ အိမ်နီးနားချင်း ငယ်သူငယ်ချင်း ဖြစ်သဖြင့် ငယ်စဉ်မှ ကြီးသည်အထိ တတွဲတွဲဖြင့် မခွဲအတူ ရှိခဲ့သည်။ ကျွန်တော့်အပေါ် နားအလည်နိုင်ဆုံးနှင့် အသိတတ်ဆုံးသော သူငယ်ချင်းဖြစ်သည်။ တစ်ယောက်စိတ် တစ်ယောက်သိပြီး တစ်ယောက်ဆန္ဒကို တစ်ယောက်က ဘယ်တုန်းကမှ မငြင်းခဲ့ပေ။ တစ်နေ့ သူ နေမကောင်း ဖြစ်သဖြင့် ဆေးရုံကို တင်လိုက်ရသည်။ ကျွန်တော် တနေရာကို သွားနေသဖြင့် သူဆေးရုံတင်လိုက်ရသည်ကို မသိလိုက်ပေ။ ညဆယ့်တစ်နာရီလောက်မှ သူ့ ယောက်ဖက ကျွန်တော့်ကို လာပြောခြင်း ဖြစ်သည်။ အခြေအနေ သိပ်မကောင်းကြောင်း၊ အကြောင်းထူးလျှင် ဖုန်းဆက်ဖို့ ကျွန်တော့် ဖုန်းကို ပေးခဲ့သည့် အကြောင်း ပြောသည်။ ထိုနေ့ ညက သူဆုံးသွားပြီ ဆိုသည့် အကြောင်း ကျွန်တော့်ဆီကို ဖုန်းဝင်လာသည်။ ထိုနေ့ က ကျွန်တော် အလွန်ဝမ်းနည်းခဲ့ရပြီး ငုတ်တုတ် မိုးလင်းခဲ့ရသည်။

တခြား အမှတ်တရ နေ့ စွဲ အတိုအထွာလေးများလဲ ရှိသေးသည်။ ကြောင်ပေါက်စ လေးများကို တက်ကြည့်ရင်း လှေကားပေါ်မှ အောက်သမံတလင်းပေါ်ကို ဇောက်ထိုးပြုတ်ကျလာသည့် ကျွန်တော့်ကို ဖခင်ဖြစ်သူက အောက်မှ ဆီးဖမ်းထားသဖြင့်သာ ဒီနေ့ ထိ အသက်ရှင်နေရခြင်း ဖြစ်သည်။ ကျွန်တော်တို့ မြို့ နယ် ဘော်လုံးပြိုင်ပွဲတွင် ပထမဒိုင်းဆုကြီး ဆွတ်ခူးပြီး ရပ်ကွက်ထဲတွင် လှည့်လည် အောင်ပွဲခံခဲ့ကြသည်။ ထိုနေ့ ညဘက်တွင်လဲ ရပ်ကွက်လူကြီးများက ကျွန်တော်တို့ ကို တခမ်းတနားဖြင့် ဂုဏ်ပြုခဲ့ကြသည်။ ထိုနေ့ လေးကလဲ မမေ့နိုင်စရာ နေ့ လေးတစ်ရက် ဖြစ်ခဲ့သည်။ ဆယ်တန်းအောင်စာရင်း ထွက်သည့်နေ့ ကလဲ မိဘများက ခရီးထွက်နေကြသည်။ ညဘက် တော်တော်နဲ့ မအိပ်ဖြစ်သဖြင့် နောက်နေ့ မနက် ၉နာရီလောက်မှ နိုးသဖြင့် အောင်စာရင်း သွားကြည့်တော့ ကျွန်တော်တစ်ယောက်တည်း ရှိတော့သည်။  ဒီလိုဘဲ ကျွန်တော်က ဖြစ်လိုက်ရင် အရာရာနဲ့ အကြောင်းကြောင်းပေါ့...

Friday, 6 January 2012

တနေ့ တာ... (တဂ်)

အိပ်ယာမှ နိုးလျှင်နိုးခြင်း ဆူညံစွာ အော်ဟစ်နေသည့် နှိုးစက်ကို အရင်ပိတ်လိုက်သည်။ ထို့ နောက် မျက်နှာသစ်၊ သွားတိုက်၊ ရေချိုး၊ ကိုယ်လက်သန့် စင်ပြီးနောက် အလုပ်သွားဖို့ ပြင်ရသည်။  အလုပ်သွားဖို့ အိမ်မှ ထွက်သည်နှင့် ပိုက်ဆံအိတ်၊ ဖုန်းနှင့် အိမ်သော့တို့ ကို မပါမဖြစ် သတိထားပြီး ယူသွားဖြစ်သည်။ စောစောစီးစီး မနက်စာ အတွက် မုန့် ဟင်းခါး၊ ကြက်သားပလာတာ၊ ထမင်းသုပ်၊ ခေါက်ဆွဲသုပ်နှင့် တို့ ဟူးသုပ်ကို ထမင်းပူပူလေးဖြင့် စားချင်မိသော်လဲ တကယ်တမ်း လက်တွေ့ စားဖြစ်နေသည်က MRT ဘူတာတွင် ဖယ်ရီစီးသည့် နားက တရုတ်ဆိုင်မှ ထမင်းကြော်၊ ခေါက်ဆွဲကြော်၊ ကြာဆံကြော် တခုခုကို ဝယ်စားနေရသည်။ အလုပ်ထဲကို မဝင်မှီ ဝယ်လာသည့် မနက်စာကို ကော်ဖီပူပူလေးဖြင့် မျှောချပြီးနောက် တနေ့ တာအစ လုပ်ငန်းခွင်သို့  စတင်ဝင်ရောက်ရတော့သည်။ ထိုနေ့ စဉ် စားနေရသည့် မနက်စာများကိုလဲ မုန်းနေပြီ ဖြစ်သော်လဲ ဒီအစားအစာတွေကိုမှ မစားလျှင် မဖြစ်တော့လဲ ကြိတ်မှိတ် စားသောက်နေရ၏။  ကိုယ်စားချင်တာလေးတွေ မစားမသောက်ရသည့် ကိုယ့်ဘဝကို တခါတခါလဲ  သနားမိသည်။ 

နေ့ လည် Lunch Time ချိန်ကို ရောက်လျှင် ကန်တင်းကို ပြေးပြီး တန်းစီရသည်။ နို့ မို့ ထမင်းစားနားချိန်က တန်းစီနေတာနဲ့ ၁၅မိနစ်လောက်က အချိန်ပုပ်သွား၏။ တခါတခါလဲ ကိုယ့်ပါးစပ်နှင့် အစပ်အဟပ် မတည့်သည့် ဒီတရုတ်စာတွေကို အလုအယက်ပြေးပြီး တန်းစီ နေရသည့် အဖြစ်ကို စိတ်ပျက်မိသည်။ ထိုပေါ့ရွှတ်ရွှတ်နှင့် တရုတ်စာများကို ဘယ်တော့မှ ကုန်အောင်မစားနိုင်ပေ။ တကယ်က ကျွန်တော် စားချင်သည်က မြန်မာပြည်က မိမိအိမ်တွင် မိခင်ဖြစ်သူ ချက်ကျွေးလေ့ရှိသည့် ကင်မွန်းချဉ်ရွက်ဟင်း၊ ပုစွန်ဆီပြန်ဟင်းကို ပဲကြီးဟင်းရည်လေးနှင့် စားသောက်ချင်မိခြင်း ဖြစ်သည်။ မြန်မာပြည် မပြန်နိုင်သေး သရွေ့ ကတော့ ထိုအစားအစာများကို စားရဖို့ က အိပ်မက်သာ ဖြစ်သည်။ နေ့ လည်စာ စားသောက်ပြီးနောက် အလုပ်ပြန်လုပ်ကာ over time ရှိလျှင် သုံးနာရီ tea break ခဏနားပြီး ကော်ဖီထွက်သောက်လေ့ ရှိသော်လဲ over time မရှိ၍  အိမ်ပြန်လျှင်တော့ ကော်ဖီမသောက်ဖြစ်တော့ပေ။ သို့ သော် သူငယ်ချင်းများနှင့် တခါတခါတော့ Tampines Mall တွင် ဝင်ပြီး အအေးသောက်လေ့တော့ ရှိ၏။ အလုပ်မှ အိမ်ကို ပြန်ပြီဆိုလျှင် လူတကိုယ်လုံး ပေါ့ပါးလန်းဆန်း သွားသလို ခံစားရသည်။ အလုပ်ထဲမှ ထွက်ပြီဆိုသည်နှင့် အလုပ်ကိစ္စ အားလုံးကို မေ့ထားလိုက်ပြီး ကိုယ့် personal ကိစ္စကိုဘဲ တွေးတောဖြစ်တော့၏။

ညနေဘက် over time မရှိ၍ 3:00 နာရီ ပြန်လျှင်တော့ NTUCတွင် ချက်စရာ ပြုတ်စရာများ ဝင်ဝယ်ပြီး ကိုယ်တိုင် ချက်ပြုတ်စားသောက် ဖြစ်လေ့ရှိသည်။ အိမ်ပြန်ရောက်သည်နှင့် အခန်းမီးဖွင့်ပြီး ကွန်ပြူတာကို အရင်ဖွင့်ကာ ဘလော့ဂ်ထဲကို အရင်ဝင်လိုက်သည်။ ထို့ နောက် သီချင်းဖွင့် နားထောင်ရင်း ခဏနားပြီး ချက်ဖို့ ပြုတ်ဖို့ ပြင်ဆင်ရသည်။ ကိုယ်ကိုယ်တိုင် ချက်ပြုတ်ပြင်ဆင်ပြီး ကိုယ့်အိမ်မှာ ကိုယ်စားသောက်ရသည်က အပြင်ဆိုင်တွေမှာ ဈေးကြီးပေးပြီး ဝယ်စားရသည်ထက် ပို၍ စားဝင်သည်။ သို့ သော် over time ရှိ၍ ညနေ 7:00 မှ အလုပ်က ပြန်လျှင်တော့ ဖြစ်သလို ကြုံသလိုဘဲ စားဖြစ်လိုက်သည်က များသည်။  သို့ သော် များသောအားဖြင့်ကတော့ ညနေစာကို အိမ်မှာ စားဖြစ်သည်က များသည်။ ညနေစာ စားရင်း ဟိုအကြောင်း ဒီအကြောင်းလေးများ စဉ်းစားဖြစ်သည်။ များသောအားဖြင့်ကတော့ ထမင်းစားပြီး မအိပ်ခင် ဘာလုပ်စရာ ကျန်နေသေးသလဲဟု စဉ်းစားဖြစ်သည်။ ထမင်းစားပြီးလျှင်တော့ ကော်ဖီမသောက်ဘဲ အအေး(သို့ ) နွားနို့ တစ်ခုခုကိုတော့ ကွန်ပြူတာသုံးရင်း သောက်ဖြစ်၏။  ကွန်ပြူတာ သုံးရင်း အိပ်ချင်လာလျှင် ဝင်အိပ်လိုက်သည်။ ဒီဘက်နှစ်တွေမှာတော့ ညအိပ်ယာ ဝင်ခါနီး ဘုရားမရှိခိုး ဖြစ်တော့ပေ။ လူလဲ ဘုရား၊ တရားနှင့် ဝေးနေတာ ကြာပြီဖြစ်သည်။ မကောင်းမှန်း သိပေမယ့်လဲ မလုပ်ဖြစ်ဘူး ဖြစ်နေသည်။

နောက်နေ့ အလုပ်သွားရမည်မို့ မနက်အစောကြီး ထရမှာကို ညဘက် အိပ်မပျော်လျှင် ထိုကဲ့သို့ သော ညမျိုးကို ကျွန်တော် အလွန်စိတ်ပျက်သည်။ အိပ်မပျော်သည့် ညများတွင် အိပ်ယာထဲမှာ လူးရင်းလွန့် ရင်း တောင်တွေးမြောက်တွေးဖြင့် တစ်ယောက်တည်း အတွေးကြွယ်နေတတ်သည်။ ကျွန်တော် ခင်တွယ်ရသည့် မိသားစုအကြောင်းကိုလဲ တွေးဖြစ်သည်။ အဖေနဲ့ အမေတို့ နေကောင်းကြရဲ့ လား။ အစ်ကိုရော အလုပ်အခြေအနေ ကောင်းရဲ့ လား စသဖြင့် တွေးကြည့်မိသည်။ ပြေးကြည့်မှ ဒီအဖေ၊ အမေနှင့် အစ်ကိုသာ ရှိသည့်အတွက် ကျွန်တော့် မိသားစုဝင် အားလုံးကို ကျွန်တော်ချစ်ပါသည်။  ထို့ နောက် ရန်ကုန်တွင် ရှိနေသည့် တစ်ယောက်သော သူကိုလဲ သတိရမိသည်။ ရန်ကုန်တွင် ရှိနေသည့် သူမကို တခါတရံ သံသယ မျက်လုံးများဖြင့် ကြည့်မိလေ့ ရှိတတ်သော်လဲ သူမကို ကျွန်တော် ယုံကြည်ပါသည်။ သူမကို ယုံကြည်စိတ်ကြောင့်လဲ ခုလို ဆယ်စုနှစ်တခုကျော်၊ ဆယ့်နှစ်နှစ်ကျော်လို့ ဆယ့်သုံးနှစ်ထဲ ရောက်သည်အထိ တွဲလက်မြဲခဲ့ခြင်း ဖြစ်သည်။ ဒီလိုဘဲ အတွေးတွေက ဟိုရောက်ဒီရောက် မိသားစုအရေး၊ အလုပ်အကြောင်း၊ ခင်မင်ရသည့် မိတ်ဆွေ၊ သူငယ်ချင်းများ အကြောင်းကို တွေးမိတတ်သည်။ တခါတခါလဲ အလုပ်ထဲတွင် ကျွန်တော် အလွန်ခင်မင်ရသည့် King ဟု ခေါ်သည့် မလေးတရုတ် သူငယ်ချင်း အကြောင်းကိုလဲ တွေးမိသည်။ မလေးရှားနိုင်ငံကို ပြန်သွားပြီးသည့်နောက် ခုသူ မလေးရှားနိုင်ငံမှာ ဘာတွေ လုပ်နေမလဲဟု တွေးမိတတ်ခြင်း ဖြစ်သည်။

ကျွန်တော့် ဘဝတွင် အလွန်စိတ်ဓာတ်ကျစရာ ကောင်းသည့် အချိန်များ ရှိခဲ့သည်။ ထိုအချိန်မျိုးများတွင် ကျွန်တော် တစ်ယောက်တည်း ဘယ်သူ့ ကိုမှ စကားမပြောတော့ဘဲ သာသာယာယာ ရှိသည့် နေရာလေး တစ်နေရာမှာ တစ်ယောက်တည်း သွားထိုင်ပြီး ဘာကြောင့် ဒီအဖြစ်မျိုးတွေ ဖြစ်တာလဲဟု အပြန်ပြန် အလှန်လှန် ပြန်တွေးတော ဆန်းစစ်ကြည့်မိလေ့ ရှိသည်။ နောင်ထိုကဲ့သို့ သော အမှားမျိုး ထပ်မဖြစ်ဖို့ အတွက် ကိုယ့်ကိုယ်ကို ပြန်ဆင်ခြင်နိုင်အောင် ဖြစ်သည်။ ထိုအချိန်များတွင် ကျွန်တော့်အပေါ် နားအလည်ပေးနိုင်ဆုံး ဖြစ်သည့် မိခင်ဖြစ်သူကို တမ်းတမိတတ်သည်။ မိခင်လောက် သားသမီအပေါ် နားလည်ပေးနိုင်သူ မရှိဟုလဲ ထင်မိသည်။ မိခင်ဖြစ်သူ၏ အားပေးစကားက မိမိအတွက် လက်ရှိ ဖြစ်နေသည့် ပြဿနာကို ရင်ဆိုင်ဖြေရှင်းရန်၊ အနာဂါတ်ထဲသို့ ဆက်လက်တိုးဝင်ရန်အတွက် ခွန်အားသတ္တိများကို အသစ်တဖန် ပြန်လည်မွေးဖွားပေးသည်။

ကျွန်တော့် ကိုယ်ပိုင် ပစ္စည်းအားလုံးကို တန်ဖိုးထား တတ်သော်လဲ မြန်မာပြည်က အိမ်တွင် ကျန်ခဲ့သည့် ဆိုင်ကယ်လေးကိုတော့ တိုက်ဆိုင်တိုင်း ပြန်လွမ်းမိသည်။ ထိုစီးတော်ယာဉ်လေးက ကျွန်တော့်အတွက် မြန်မာပြည်မှာ ရှိနေစဉ်မှာတော့ မရှိမဖြစ် ဆိုင်ကယ်လေး ဖြစ်သည်။ ထိုကဲ့သို့ ပင် ကျွန်တော့်အား ချစ်သူ၊ ခင်သူ၊ သူငယ်ချင်းများက ပေးသည့် လက်ဆောင်တိုင်းကိုလဲ နှစ်သက်သဘောကျသည်။ အကြိုက်ဆုံးဟူ၍ မရှိဘဲ အားလုံးကို တမြတ်တနိုးဖြင့် သိမ်းထားလေ့ရှိသည်။ လက်ရှိ အဖြစ်ချင်ဆုံး ဆန္ဒကတော့ ဘယ်တော့မှ ပြောင်းလဲမှာ မဟုတ်သည့် မြန်မာပြည်ကို ပြန်ချင်သည့် စိတ်ဖြစ်သည်။ မြန်မာပြည်ပြန်ပြီး တစ်ယောက်သောသူ လက်ကိုတွဲ၍ မြန်မာပြည်တပတ် ဘုရားဖူး ထွက်ချင်မိချင်း ဖြစ်သည်။ ထိုနေ့ မျိုးကိုလဲ တနေ့ ကိုယ်တိုင် ဖန်တီးနိုင်မည်ဟုလဲ ယုံကြည်နေမိသည်။ ဒီအကြောင်းအရာလေးများကတော့ ကျွန်တော့် လက်ရှိ နေ့ စဉ်ထိတွေ့ ဖြတ်သန်းဖြစ်နေသည့် တနေ့ တာ အကြောင်းအရာလေးများ ဖြစ်ပါတော့သည်။

မှတ်ချက်။     ။ ဒီတဂ်ပိုစ့်လေးကကို ကျွန်တော်က ဘလက်ဟု ခေါ်ပြီး ကျွန်တော့်ကိုလဲ ဘလက်ဟု ပြန်ခေါ်သည့် ကျွန်တော့် သူငယ်ချင်းမလေး blackroze က တဂ်လာသည့် ပိုစ့်လေးဖြစ်ပါသည်။ ဒီပိုစ့်လေးမှာ ကိုယ့်ကိုယ်ကိုဖော် မသူတော် ဆိုသကဲ့သို့ ကိုယ့်ပေါင်ကိုယ်လှန်ထောင်းသည့် ပိုစ့်တစ်ပုဒ်လဲ ဖြစ်ကောင်း ဖြစ်နိုင်ပါသည်။ ကဲ... သူငယ်ချင်း ဘလက်ရေ... အစဉ်လိုက် မဟုတ်သော်လဲ တတ်နိုင်သလောက်တော့ ဆီလျော်အောင် ရေးလိုက်ပါတယ်။ ခုလို မှတ်မှတ်ရရလေး တဂ်တဲ့အတွက်လဲ ကျေးဇူးတင်ပါတယ်လို့ ပြောပါရစေ။

Sunday, 25 December 2011

ဒီဇင်ဘာ ပိတ်ရက်မှာ ဘာလုပ်မယ်(တဂ်)

ခုတလော အလုပ်တွေ ကျနေသည့် အတွက် လူလဲ မနားရ ဖြစ်နေသည်။ ဒီဇင်ဘာ ခရစ်စမတ်နှင့် New Year တွင် Shut Down ရှိသောကြောင့် ဒီဘက်ရက်တွေမှာ အလုပ်တွေကို ကြုံးရုန်း လုပ်နေကြရခြင်း ဖြစ်သည်။ Shut Down ရှိသည်ဆိုမှ သြော်... ဒီဇင်ဘာ ခရစ်စမတ်တောင် နီးလာပြန်ပါရောလားဟု တွေးမိသည်။ အလုပ်က တရုတ်တွေကတော့ ဒီဇင်ဘာ ခရစ်စမတ်တွင် ဟိုဟာလုပ်မယ် ဒီဟာလုပ်မယ် မလေးရှားနိုင်ငံ ပြန်မယ်၊ ထိုင်ဝမ်နိုင်ငံသွားမယ်၊ ဟောင်ကောင်းသွားမယ် ပြေနေကြသည်။ မြန်မာ သူငယ်ချင်းတွေကလဲ မလေးရှားနိုင်ငံကို အလည်သွားကြမည် ပြောကြသည်။ မိမိလဲ ဒီဇင်ဘာ ခရစ်စမတ်နှင့် New Year တွင် ဘာလုပ်မလဲဟု ကိုယ့်ကိုယ်ကို ပြန်မေးကြည့်မိသည်။ အဖြေက ထွက်မလာ ဟိုအရင် နှစ်တွေကလိုဘဲ ထုံးစံအတိုင်း ဘာအစီအစဉ်မှ ရှိမနေပေ။ သေချာတာကတော့ Boon Lay တွင် နေသည့် အစ်ကို့ အိမ်ကို ရောက်နေမည်ကတော့ သေချာသည်။ ဒါကလဲ ပိတ်ရက်တိုင်း သွားနေကြ ဖြစ်သောကြောင့် အထူးအဆန်း ဖြစ်မနေပေ။ ထို့ ကြောင့် ဒီနှစ်ဒီဇင်ဘာလဲ အရင်နှစ်တွေလိုဘဲ မသိလိုက် မသိဘာသာ ကျော်သွားဖြစ်ဖို့ က များနေသည်။ ဒါကလဲ မိမိပတ်ဝန်းကျင်နှင့် သူငယ်ချင်းများထဲတွင် ခရစ်ယာန် ဘာသာဝင် မရှိခြင်းကြောင့် ဖြစ်မည်ဟု ထင်မိသည်။ ကျွန်တော့် ဘဝတွင် ခရစ်စမတ်နှင့် ပတ်သက်သည့် အမှတ်ရစရာက ရှိတော့ရှိသည် ဒါပေမယ့် ရှားသည်ဟု ပြောရမည် ဖြစ်သည်။

ခရစ်စမတ် ဆိုသည်က ငယ်ဘဝတွင် ဒီဇင်ဘာ ပိတ်ရက်နှင့်အတူ ပြေးရင်းလွှားရင်း မသိလိုက် မသိဘာသာ ကျော်ဖြတ်သွားဖြစ်သည်က များသည်။ အရွယ်လေး ရောက်လာတော့ အထက်တန်း ကျောင်းသား ဘဝတွင် သင်္ကြန်တို့ သီတင်းကျွတ်တို့ လို တကူးတကကြီး ခရစ်စမတ်ရောက်ရင် ဘာလုပ်မည်ဟု ကြိုတင် စီစဉ်ထားခြင်း မရှိသော်လဲ ခရစ်စမတ်နေ့ ရောက်ရင်တော့ သူငယ်ချင်းတွေစုပြီး ဟာ... ဒီနေ့ ခရစ်စမတ်နေ့ ဘဲ တို့ တွေ တစ်ခုခု လုပ်စားကြရအောင်ဟု ဆိုကာ တစ်ခုခုတော့ လုပ်စား ဖြစ်လေ့ ရှိကြသည်။ ခရစ်စမတ်နေ့ရောက်လျှင် ကြက်သားကာလသားချက် ချက်စားကြခြင်း၊ ကြာဇံဟင်းခါး ချက်စားကြခြင်း၊ ကောက်ညှင်းပေါင်း ပေါင်းစားကြခြင်း စသည်ဖြင့် တစ်ခုခု လုပ်စားဖြစ်ကြ၏။ သူတို့ ရိုးရာဖြင့် မဟုတ်သော်လဲ ကိုယ့်ရိုးရာဖြင့် ခရစ်စမတ်နေ့ များကို ကျော်ဖြတ်ဖြစ်လေ့ ရှိခဲ့သည်။ သူငယ်ချင်းများ စုကာ ဂီတာတီးသည့်သူကတီး၊ ချက်ပြုတ်ကြော်လှော်သည့် သူကကြော်၊ ကစားသည့်သူက ကစားဖြင့် အလွန်ပျော်ဖို့ ကောင်းလှသည်။ အလုပ်မလုပ်ချင်သဖြင့် ရေသာခိုပြီး ခိုးအိပ်ကြသူများကို အိုးမည်းသုတ်ခြင်း၊ ချမ်းအေးလှသည့် ဒီဇင်ဘာဆောင်းတွင်းကြီးတွင် အိပ်ပျော်နေသူ၏ အဝတ်အစားများကို ခိုးချွတ်ခြင်း၊ ရေလောင်း၍ နှိုးခြင်း စသည်ဖြင့် စကြနောက်ကြသည်မှာ အလွန်ပျော်ဖို့ ကောင်းလှ၏။ ဒါတွေက ပြန်တွေးကြည့်ရင် ဘယ်တော့မှ ပြန်မရနိုင်တော့တဲ့ အပျော်လေးများ ဖြစ်၏။ ခုတော့ သူငယ်ချင်းများလဲ တစ်ယောက်တစ်နေရာစီနဲ့ တကွဲတပြားစီ ဖြစ်နေကြပြီဖြစ်သည်။ တကယ်ဖြစ်နိုင်မယ် ဆိုရင် အဲဒီလို သူငယ်ချင်းတွေနဲ့ တစ်ခေါက်လောက် ဖြစ်ဖြစ် ပြန်ဆုံချင်ပါသေးသည်။
  
ခရစ်စမတ်နဲ့ ပတ်သက်ပြီး ဘာမှ ကြိုတင် ပြင်ဆင် ထားခဲ့လေ့ မရှိပေမယ့်လို့  တော်တော်လေး ပျော်ဖို့ ကောင်းပြီး စိတ်လှုပ်ရှားခဲ့ရတဲ့ ခရစ်စမတ်နေ့ လေး တစ်နေ့  ရှိခဲ့ဘူးသည်။ ထိုနေ့ က ကျွန်တော်နဲ့ အတန်းတူတက်သည့် သူငယ်ချင်း တစ်ယောက်က ခရစ်စမတ် သူတို့ ရွာကို အလည်လိုက်ခဲ့ဖို့ ခေါ်သဖြင့် ကျွန်တော်လဲ အလည်ရောက်သွားဖြစ်သည်။ သူကကျွန်တော်တို့ ရွာနဲ့ နဲနဲလှမ်းတဲ့ ရွာသစ်ကုန်းရွာက ချင်းလူမျိုး ခရစ်ယာန်ဘာသာဝင် တစ်ယောက်ဖြစ်သည်။ သူတို့ တစ်ရွာလုံး ချင်းလူမျိုးများ ဖြစ်ပြီး ခရစ်ယာန်ဘာသာဝင်များ ဖြစ်ကြသည်။ ကျွန်တော်တို့ ဧရာဝတီမြစ် နောက်ဘက်ကမ်း ရခိုင်ဘက်ကို သွားတဲ့ လမ်းတလျှောက်တွင် ချင်းလူမျိုးများ နေထိုင်သည့် ချင်းရွာများရှိသည်။ တချို့ ရွာမှ ချင်းလူမျိုးများ ဆိုလျှင် ဗမာစကားကိုပင် ကောင်းကောင်း မပြောတတ်ကြပေ။ သူငယ်ချင်းက ကျွန်တော့်တို့ ရွာတွင် ဈေးလာဝယ်ရင်း ကြုံသဖြင့် ခေါ်သောကြောင့် အစီအစဉ်မရှိဘဲ လိုက်သွားဖြစ်ခြင်း ဖြစ်၏။ သူတို့ ကတော့ ခရစ်ယာန်ဘာသာဝင်များ ဖြစ်သဖြင့် ခရစ်စမတ်ပွဲကို သေသေချာချာ ခမ်းခမ်းနားနားကို ကျင်းပကြခြင်း ဖြစ်သည်။ သိုသော် မြို့ ကြီးပြကြီးများမှ ခရစ်စမတ်ပွဲများကဲ့သို့  ခမ်းခမ်းနားနားကြီး ကျင်းပခြင်းမျိုးလဲ မဟုတ်ပေ။ သူတို့ ရွာဓလေ့ဖြင့် သူတို့ ပွဲတော်ကို ရိုးရိုးလေး ကျင်းပကြခြင်း ဖြစ်သည်။ ခရစ်စမတ်တွင် သူတို့ ရွာမှ အိမ်များတွင် အလှူလုပ်ပုံက တမျိုးဖြစ်သည်။ ဝက်သားဟင်းကို အမျိုးမျိုး ချက်ပြုတ်ပြီး ဧည့်သည်များကို ကျွေးခြင်းဖြစ်သည်။ တတ်နိုင်သည့် အိမ်များက ဝက်နှစ်ကောင်၊ သုံးကောင်၊ စသဖြင့် ပေါ်ကြသည်။ ထို့ နောက် သူတို့ လှူသည့် အလှူကို အိမ်ရှေ့တွင် ဝက်ခေါင်းများ ချိတ်ဆွဲခြင်းဖြင့် ဖော်ပြလေ့ ရှိကြသည်။ ဝက်နှစ်ကောင် လှူလျှင် ဝက်ခေါင်း နှစ်ခေါင်း၊ ဝက်သုံးကောင် လှူလျှင် ဝက်ခေါင်းသုံးခေါင်း စသည်ဖြင့် ချိတ်ဆွဲထားလေ့ ရှိကြသည်။ ထိုနေ့ က ပုံစံမျိုးစုံနဲ့ ချက်ထားတဲ့ ဝက်သားဟင်းကို တဝကြီး စားသောက်ခဲ့ရသည်။ သုံးထပ်သား၊ ဝက်သားချက်၊ ဝက်သားကြော်၊ ဝက်ကလီစာ၊ ဝက်အူမကြီးဟင်း၊ ဝက်ခြေထောက်စွပ် စသည့် တခြားတခြားသော ကျွန်တော် မမှတ်မိတော့သည့် ချက်နည်းဖြင့် ချက်ထားသည့် ဝက်သားဟင်းများကို  ဗိုက်ကြီးကားနေအောင် စာခဲ့ရသည်ကို မှတ်မိသေးတော့သည်။ 

ညဘက် ဒီဇင်ဘာဆောင်းညတွင် မီးဖိုကြီးများဖိုကာ ဂစ်တာတွေ ဝိုင်းဖွဲ့ တီး၊ သီချင်းတွေ ဆိုကြဖြင့် တော်တော်လေးကို ပျော်ဖို့ ကောင်းခဲ့သည်။ ရွာထဲမှ ကာလသား လူငယ်များစု၍ တစ်အိမ်ဝင်၊ တစ်အိမ်ထွက်၊ တစ်ရွာဝင် တစ်ရွာထွက်ဖြင့် ဂစ်တာတီး၊ သီချင်းဆိုပြီး အလှူခံကြသည်မှာလဲ အလွန်ပျော်စရာ ကောင်းလှသည်။ မီးပုံဘေးတွင် ဂစ်တာတီး၊ သီချင်းဆိုရင်း အမြည်းအလျှံအပယ်ဖြင့် ဆန်အရက်လေး သောက်ရင်း အပျော်ကြီး ပျော်ခဲ့ရသည်။ ထိုအကြောင်းအရာလေးများက  ကျွန်တော်မှတ်မိသလောက်လေး ပြန်ရေးပြလိုက်ခြင်း ဖြစ်သည်။ တကယ်က ထိုထက်မက အများကြီး ပျော်ဖို့ ကောင်းခဲ့ခြင်း ဖြစ်သည်။ ကြာပြီဖြစ်သောကြောင့် ကျွန်တော်လဲ အားလုံးကို သေသေချာချာ ပြန်မမှတ်မိတော့ချေး။ ကျွန်တော် ပြောချင်တာကတော့  ခရစ်စမတ်အတွက် တကူးတက အစီအစဉ် ဆွဲထားလေ့ မရှိခဲ့သော်လဲ ထိုကဲ့သို့  ကြိုတင် မစီစဉ်ထားပေမယ့် အမှတ်ရစရာ ခရစ်စမတ်လေးတွေ ရှိခဲ့သည် ဆိုသည်ကို ပြောပြချင်ခြင်း ဖြစ်သည်။

ကျွန်တော့် ဘဝတွင် ခရစ်စမတ်နှင့်ပတ်သက်၍ ဖြစ်ချင်ခဲ့သည့် စိတ်ကူးလေးများ ရှိခဲ့သည်။ နှင်းဖြူဖြူလေးများ တဖွဲဖွဲကျနေသည့် နှင်းတောထဲတွင်  လျှောက်သွားချင်သည့် စိတ်ကူးလေးများ ငယ်စဉ်ကတည်းက ရှိခဲ့ဖူးသည်။ ကျွန်တော် အလွန်နှစ်သက် သဘောကျသည့် မိုးဖွဲဖွဲလေးများ အောက်တွင် လမ်းလျှောက်ရင်း နှင်းများ တဖွဲဖွဲ ကျဆင်းနေသည့် နှင်းတောထဲတွင် လမ်းလျှောက်ရလျှင် ဘယ်လို နေမလဲဟု တွေးကြည့်မိဖူးသည်။ သို့ သော် ဒီနေ့ ဒီအချိန်ထိတော့ အကောင်အထည် မဖော်နိုင်သေးပေ။ အခွင့်ရရင်တော့ တစ်ခါလောက်တော့ ကြုံဖူးချင်ပါသေးသည်။ တစ်ယောက်သော သူရဲ့ လက်ကို တွဲပြီး နှင်းတောထဲမှာ လမ်းလျှောက်ရတာ ဘယ်လို အရသာ ရှိတယ်ဆိုသည်ကိုပေါ့။ ဒါတွေက ခုချိန်မှာတော့ အိမ်မက်ပမာသာ ရှိနေသည်။ ဘယ်တော့မှ အကောင်အထည် ဖော်နိုင်မည်ကိုလဲ ကိုယ်ကိုယ်တိုင်က မရေမရာ ရှိနေသည်။ ဒီဇင်ဘာနှင့်အတူ ကျွန်တော့်အတွက် မှတ်မှတ်ရရ ရှိနေသည်။ ဘာဖြစ်ဖြစ် ဒီနှစ်ဒီဇင်ဘာကလဲ သူငယ်ချင်းများနှင့် မသိလိုက် မသိဘာသာ သောက်ရင်းစားရင်း ကျော်ဖြတ်သွားဖို့ များနေသည်။

မှတ်ချက်။    ။ ဒီပိုစ့်လေးကို ညီမလေး တစ်ယောက်လို ခင်ရသည့် ညီမငယ် ကန်ဒီတဂ်ထားသဖြင့် မရှိမဲ့ ရှိမဲ့အမှတ်တရလေးများထဲမှ ဖြစ်ညှစ်ရေးခဲ့ရခြင်း ဖြစ်သည်။ ခုလို သတိတရဖြင့် တဂ်ခဲ့သည့် ညီမငယ် ကန်ဒီကိုလဲ ကျေးဇူးတင်ပါသည်။ အားလုံးဘဲ ပျော်စရာ ခရစ်စမတ်နေ့ လေး ဖြစ်ဖို့ ဆုတောင်းပေးလိုက်ပါတယ်။

Monday, 12 September 2011

ဘလော့ဂါဆိုတာဘာလဲ(တဂ်)

ဘလော့ဂါ ဆိုတာ ဘာလဲ.... ညီမငယ် candy က ကျွန်တော့်ကို တဂ်လာတဲ့ပိုစ့်ပါ။ အဲဒီ ဘလော့ဂါဆိုတာ ဘာလဲ ဆိုတဲ့ ခေါင်းစဉ်ကို ကြည့်ပြီး အစ်မ မိုးငွေ့ ပြောသလို နဲနဲ စားသွားပါတယ်။ အဲဒီ အချိန်မှာပဲ အစ်မ ဖြစ်သူ jasmine (တောင်ကြီး)က ထပ်တဂ် လာပြန်တော့ ကျွန်တော် မရေးမဖြစ် ရေးရမဲ့ကိန်း ဆိုက်လာခဲ့ ပါတော့တယ်။ ဒီနေ့ ဘလော့ဂ် လောက ကြီးက သတ်မှတ် ထားသလိုပဲ ဘလော့ဂါ တွေဟာ ဘလော့ရွာကြီး တစ်ရွာထဲမှာ စုဝေးနေကြတာပါ။ ဒီရွာကြီးကို တရားဓမ္မ၊ နည်းပညာ၊ သတင်း၊ သုတ၊ ရသ၊ ဟာသ၊ ကဗျာ၊ ချက်နည်း ပြုတ်နည်း၊ ဓာတ်ပုံ စသည့် တခြား တခြားသော ကဏ္ဍပေါင်းစုံဖြင့် စုစည်း ထားခြင်း ဖြစ်ပါတယ်။ ဘလော့ဂါတွေကလဲ ကိုယ်သန်ရာ သန်ရာ ကဏ္ဍလေးတွေကနေ ဘလော့ရွာကြီးကို ပုံဖော် နေကြတာပါ။ တကယ်တော့ ဘလော့ ဆိုတာ ဘလော့ရေးသူရဲ့ မှတ်စု ဒိုင်ယာရီလို့ ခေါ်မယ်ဆို ခေါ်လို့ ရပါတယ်။

ဘလော့ဂါတွေဟာ ကိုယ်သန်ရာ သန်ရာ ကဏ္ဍတွေကနေ ကိုယ့်ရဲ့ ဗဟုသုတ၊ အသိပညာ၊ စိတ်ခံစားချက် တွေကို ဝေမျှ နေတဲ့သူတွေပါ။ တရားဓမ္မ လေ့လာ လိုက်စားတဲ့ သူတွေက  ဘုရား အကြောင်း တရား အကြောင်းလေးတွေ တင်မယ်။ နည်းပညာ လေ့လာ လိုက်စားသူတွေက ကိုယ်လေ့လာ တွေ့ ရှိထားတဲ့ နည်း ပညာ အကြောင်းလေး တွေကို တင်မယ်။ ကဗျာ ဝါသနာ ပါသူတွေက ကဗျာလေးတွေ တင်မယ်။ တချို့  က ရသ၊ တချို့ က ဟာသ၊ တချို့ က သုတလေးတွေ အသီးသီး တင်ကြမယ်။ ဒီလိုပဲ တချို့ က ချက်နည်းပြုတ်နည်း လေးတွေကို ဝေမျှကြတယ်။ သတင်းတွေ ဝေမျှကြတယ်။ဘာတွေ ဘယ်လိုပဲ တင်တင် ဘလော့တစ်ခုမှာ နာမည် တစ်ခု ယူပြီး တင်ပြီ ဆိုတာနဲ့ ကိုယ်တင်လိုက်တဲ့ စာ၊ ပိုစ့်တွေ အတွက် တာဝန် ယူရပါမယ်။ ကိုယ်ရေးလိုက်တဲ့ စာရဲ့ အကောင်း အကျိုး၊ အဆိုး အကောင်းကို တာဝန်ယူရဲ၊ တာဝန် ယူနိုင်ရပါမယ်။ အဲဒီ အတွက် ဖြစ်ပေါ်လာမယ့် ပြဿနာ အပေါင်းကို ဖြေရှင်း နိုင်ရပါမယ်။ ဒါမှလဲ ကိုယ့်ကိုယ်ကို ဘလော့ဂါ တစ်ယောက်လို့ မှတ်ယူ နိုင်ပါမယ်။ ဘလော့ဂါ တစ်ယောက် ဖြစ်လာပြီ ဆိုရင် ကိုယ့်ရဲ့ စာပေ အရေးအသားက အစ ဂရုစိုက်သင့်ပါတယ်။ ကိုယ့်ရဲ့  စာပေကို ဖတ်ပြီး စာဖတ်သူ တစ်ယောက် လမ်းမှား မရောက်သွားဖို့ အတွက် စာရေးတဲ့ အခါမှာ ဂရုစိုက်ဖို့  လိုအပ်ပါတယ်။

ကျွန်တော် ဒါကို အကြောင်းမဲ့ ပြောတာ မဟုတ်ပါဘူး။ စင်ကာပူ ဒုတိယ အကြိမ်မြောက် စာပေဟောပြောပွဲမှာ ဆရာ လယ်တွင်းသား စောချစ် ကိုယ်တိုင် ဆယ်တန်းနှစ်က ဝတ္ထု တစ်ပုဒ်က ဇာတ်ကောင်ရဲ့ စရိုက်ကို အတု ယူမှားမိလို့ ဆယ်တန်း စာမေးပွဲကို ခြောက်နှစ်တိတိ မဖြေပဲ လေလွင့် နေခဲ့ဖူးပါတယ်။ နောက်ပိုင်းမှ ဆရာကြီး ပီမိုးနင်းရဲ့  အောင်စိတ် စာအုပ်တွဲကြီးကို ဖတ်မိပြီး ဆယ်တန်း စာမေးပွဲကြီးကို ပြန်ဖြေလို့  လမ်းမှန်ပေါ်ကို ပြန်ရောက်ကာ ဒီနေ့  ဒီလို အခြေအနေ မျိုးကို ရောက်ခဲ့ရပါတယ် ဆိုပြီး  ဆရာ လယ်တွင်းသား စောချစ် ကိုယ်တိုင် ပြန်ပြော ပြခဲ့တာပါ။  ဒါကြောင့် ဘလော့ဂါ တစ်ယောက် အနေနဲ့ ကိုယ်ရဲ့  စာပေ အရေးအသားကို ဂရုစိုက်ဖို့  လိုတယ်လို့ ပြောကြားရခြင်း ဖြစ်ပါတယ်။ ဒါကြောင့် ကိုယ်ရေးလိုက်တဲ့ စာကြောင့် စာဖတ်သူ တစ်ယောက် အတုယူ မှားပြီး လမ်းလွဲကို ရောက်သွားခဲ့ရင် စာရေးသူမှာ အပြစ်ရှိပါတယ်။

ဘလော့ဂါ တစ်ယောက် အနေနဲ့  ဒီအဖြစ်မျိုးကို  သတိထားသင့်ပါတယ်။ ငါ့ဘလော့ ငါရေးချင်သလို ရေးပြီး ငါတင်ချင်တာ တင်မယ် ဆိုတဲ့ စိတ်မျိုး မထားသင့်ပါဘူး။ ဘလော့ဂါ တစ်ယောက် အနေနဲ့ ဘလော့ကို လာဖတ်တဲ့ စာဖတ်သူကို လေးစား ရပါမယ်။ ကိုယ်က မအားတဲ့ ကြားက ရေးရသလို စာဖတ်သူကလဲ ကိုယ့်ဘလော့ကို ရောက်အောင်လာပြီး ကိုယ်ဖန်တီး လိုက်တဲ့ အနုပညာကို တကူးတက လာအားပေး နေရတယ် ဆိုတာကို သိထား သင့်ပါတယ်။ အဓိက ကတော့ စာဖတ်သူကို စော်ကားသလို စာမျိုး ပိုစ့်မျိုးတွေ မရေးမိဖို့  လိုပါတယ်။ ဒါကြောင့် ပိုစ့်ဖြစ်ပြီးရော တင်တာထက် ကိုယ်ရေးလိုက်တဲ့ စာတစ်ပုဒ်၊ ပိုစ့်တစ်ပုဒ်က စာဖတ်သူကို တစ်ခုခု ရသွားစေချင်တဲ့ စိတ်စေတနာကောင်း တစ်ခု ရှိဖို့ လိုအပ်ပါတယ်။ စာတစ်ပုဒ်၊ ပိုစ့်တစ်ပုဒ်ကို ပြီးပြီးရော ရေးဖို့ မသင့်ပါဘူး။ အချိန်ကာလ မလိုပါဘူး စာကောင်းတစ်ပုဒ်၊ ပိုစ့်ကောင်းတစ်ပုဒ် ဖြစ်ဖို့  လိုပါတယ်။ တချို့ က ပိုစ့်တင်ချင်ဇောနဲ့ ပိုစ့်ကို ပြီးပြီးရော ရေးတတ်လို့ ပါ။ ကျွန်တော်လဲ ဒီအဖြစ်မျိုး ကြုံဖူးပါတယ်။

ရသစာပေ ရေးသူပဲ ဖြစ်ဖြစ် သုတစာပေ ရေးသူပဲ ဖြစ်ဖြစ် စာဖတ်သူရဲ့ ရင်ထဲ၊ အသိထဲ ရောက်သွားတဲ့ အထိ တစ်ခုခုကို ပေးနိုင်လိုက်ဖို့ လိုပါတယ်။ ဥပမာ ကိုမြစ်ကျိုးအင်း ဆိုရင် စာရေး ကောင်းပါတယ်။ သူရေးလိုက်တဲ့ စာတစ်ပုဒ်၊ ပိုစ့်တစ်ပုဒ်က စာဖတ်သူကို တခုခုတော့ ပေးနိုင်လိုက်တာ ချည်းပါပဲ။ ဟိုတနေ့ က ကိုဇော် ရေးတဲ့ အဖေဆိုတာ... ဆိုတဲ့ ဝတ္ထုတိုလေးကို ဖတ်ကြည့်ပြီး မြန်မာပြည်မှာ ကျန်ခဲ့တဲ့ အဖေကို သတိရသွားမိတယ်။ ဒါဟာ စာဖတ်သူ ရင်ထဲ ရောက်သွားတဲ့ အထိ တစ်ခုခု ပေးနိုင် လိုက်တာပါ။  ကိုမြစ်ကျိုးအင်း၊ ကိုဇော်တို့ လိုပဲ ကိုညီလင်းညို၊ ကိုနေဝသန်၊ ကိုဆိုဆီကာဒို၊ အစ်မ ချစ်ကြည်အေး၊ မြတ်မွန် တို့ လဲ စာရေးကောင်း ကြပါတယ်။ သူတို့ လိုပဲ စာရေးကောင်းတဲ့ သူတွေလဲ ရှိပါလိမ့်မယ်။ ဘလော့ အလည်ထွက်တာ နဲတဲ့ ကျွန်တော် မသိလို့ ဖြစ်ပါလိမ့်မယ်။ ကျွန်တော် လက်လှမ်းမှီသလောက် ထဲမှာလဲ စာရေးကောင်းတဲ့ သူတွေ ရှိပါသေးတယ်။  အားလုံးကို ချရေးပြဖို့ အခက်အခဲ ရှိလို့ အကုန် ရေးမပြတော့ပါဘူး။ များသော အားဖြင့် ဘလော့ဂါတွေက စာရေး ကောင်းကြပါတယ်။ မနိုင်းနိုင်းစနေ၊ မမြသွေးနီ တို့ ကတော့ စာရေးဆရာတွေ ဖြစ်နေကြပါပြီ။ စာရေးကောင်းတယ် ဆိုတာ ထည့်ပြောစရာ မလိုတော့ပါဘူး။ တချို့ ဆိုရင်လဲ ကဗျာ ရေးတာ တကယ် တော်ကြပါတယ်။ ဥပမာ ကိုမိုးမြင့်တိမ်၊ အစ်မ အိန္ဒြာ တို့ ပါ။ ကိုမိုးမြင့်တိမ်ရဲ့ ကဗျာ ဆိုတဲ့ ကဗျာ၊ အစ်မ အိန္ဒြာရဲ့  လီလီ ဆိုတဲ့ ကဗျာတွေက စာဖတ်သူ ရင်ကို ထိတဲ့ ကဗျာတွေပါ။

ပြီးတော့ ဘလော့ဂါ တစ်ယောက် အနေနဲ့ ချီးကျူးဖို့ ကောင်းတဲ့ သူတစ်ယောက် ရှိပါသေးတယ်။ ကျွန်တော် လေးစားရတဲ့ မချော (အစိမ်းရောင်လွင်ပြင်)ပါ။  မချော ဘလော့ကို သွားရင် စိတ်ချမ်းသာဖို့  ကောင်းပါတယ်။ ပိုစ့်တွေကို ဓာတ်ပုံနဲ့ စာနဲ့ တကွ သေသေချာချာ ဖတ်ချင်စဖွယ်လေး ဖြစ်အောင် သပ်သပ်ရပ်ရပ် တင်ထားတာပါ။ ဒါဟာ စာဖတ်သူ အပေါ်ထားတဲ့ ဘလော့ပိုင်ရှင်ရဲ့ စေတနာပါ။ အမြဲစိမ်း ဘူတာ၊ ရေခဲနန်းတော်၊ မြေအောက်အိမ်တို့  ရှိတယ်ဆိုတာ ဒီဆိုဒ်လေးကို သွားကြည့်ပြီးမှ ကျွန်တော် သိခွင့်ရခဲ့တာပါ။  ပြီးတော့ အစ်မချောရဲ့  လေးစားစရာ ကောင်းတဲ့ အချက်က ဘလော့အဟောင်းတွေကနေ ဘလော့ အသစ်လေးတွေ အထိ ရောက်အောင်သွားတတ်ပြီး ဘလော့ဂါ အသစ်လေးတွေကို နွေးထွေးပျူငှာတဲ့ ကွန်မန့် လေးတွေနဲ့  လက်တွဲ ခေါ်တတ်တာပါဘဲ။ ပြောရရင် မချောက ကျွန်တော်တို့ လေးစားသင့်တဲ့ ဘလော့ဂါ တစ်ယောက်ပါ။ ဒီလိုတွေ ပြောလို့ မချောနဲ့ ကျွန်တော် ရင်းနှီးတယ်လို့ မထင်ပါနဲ့ ။ ကျွန်တော် မချောကို ကွန်မန့် တွေထဲမှာ လောက်ပဲ သိတာပါ။ လက်ရှိ ဘလော့လောက အတွင်း လှုပ်ရှားမှု အမြင်ကို ချရေးပြခြင်း ဖြစ်ပါတယ်။ ဘလော့ဂါ တစ်ယောက် အနေနဲ့ တော့ မချောက တကယ် အလုပ်ကြိုးစားသူ တစ်ယောက်ပါ။

အစ်မချစ်ရေးတဲ့ ထွေရာလေးပါးပိုစ့် ထဲမှာ အန်တီတင့် ဘလော့မှာ တွေ့ လို့ စမ်းထိုးကြည့်တာ ဆိုပြီး ရွှေကြည် စနွန်းမကင်း ထိုးထားတာလေးကို တင်ထားပါတယ်။ ဒါဟာ အန်တီတင့် ဘလော့ကို စာလာဖတ်ရင်း ရခဲ့တဲ့ အသိလေးကို လက်တွေ့ ပြန်အသုံး ချလိုက်တာပါ။ ဒီလိုပဲ ဟိုတနေ့ က အန်တီတင့် ဘလော့မှာ ကျိုက္ကဆံ ဘုရား ပုံတွေကို ကြည့်ပြီး ကျွန်တော် ဖူးခွင့် ရခဲ့ပါတယ်။ ကျွန်တော် ကျိုက္ကဆံဘုရားကို မရောက်ဖူးပါဘူး။ ဒါပေမယ့် ဒီဘလော့လေးကနေ ကျွန်တော် ဖူးခွင့် ရခဲ့ပါတယ်။ ဒါဟာ စာဖတ်သူ တစ်ယောက်အနေနဲ့  သိခဲ့၊ ရခဲ့ တာလေးတွေပါ။ ဒါတွေက ကျွန်တော် ဥပမာပေး ရေးပြထားခြင်း ဖြစ်ပါတယ်။ တခြား ဘလော့တွေလဲ သူ့  နည်းသူ့ ဟန်နဲ့ ဝေမျှ နေကြတာပါ။ ဒါကြောင့် ဘလော့ဂါ သမား တစ်ယောက် ဖြစ်လာရင် ကိုယ်ရေးလိုက်တဲ့ စာကနေ စာဖတ်သူကို တခုခုတော့ ပေးနိုင်ရပါမယ်။ ဒါမှ ဘလော့ဂါလို့ ခေါ်ဆိုနိုင်မှာပါ။ နို့ မို့ ကတော့ ကိုဗညားရှိန် ပြောသလို ဘလော့ဂင်း နေတဲ့ သူတစ်ယောက်ပဲ ဖြစ်မှာပါ။ နောက်ပြီးတော့ ကိုဗညားရှိန် ပြောသလိုပဲ ဘလော့ဂါ သမား အချင်းချင်း လေးစားမှု ရှိသင့်ပါတယ်။ ဒါဟာ ဘလော့ဂါ သမား တစ်ယောက်အနေနဲ့ အထူး ဂရုပြုသင့်တဲ့ အချက် ဖြစ်ပါတယ်။ ကိုယ်ကိုယ်တိုင် ဖန်တီး လိုက်တဲ့ အနုပညာကို တခြားသူ တစ်ယောက် ကူးယူတာကို မကြိုက်သလို ကိုယ်ကိုယ်တိုင်ကလဲ မကူးယူသင့် ပါဘူး။ ဒါက ဘလော့ဂါ သမားတစ်ယောက် ထားသင့်တဲ့ စည်းပါ။ နေရာတိုင်းမှာ သူ့ စည်းနဲ့ သူ ရှိပါတယ်။ စည်းမဖောက်သင့်ပါဘူး။

တကယ်တော့ ဘလော့ဂါ ဆိုတာ ပိုက်ဆံ တပြားမှ မရဘဲ အိပ်ရေးပျက်ခံ၊ အစားအသောက်ပျက်ခံ၊ အလုပ်ပျက်ခံပြီး အဘက်ဘက်ကို ဂရုစိုက်နေရတဲ့ သူတွေပါ။ ဘာနဲ့ တူသလဲဆိုရင် ကိုယ်ထမင်း ကိုယ်စားပြီး ဂျီးတော်နွား ကျောင်းနေရတဲ့ သူတွေအဖြစ်နဲ့ တူပါတယ်။ ကျွန်တော့်ကို အခန်းဖော် သူငယ်ချင်းတွေက ခေါ်တဲ့ နာမည် တစ်ခုရှိပါတယ် အလကား စာရေးဆရာတဲ့...။ ပိုက်ဆံ တပြားမှ မရတဲ့ စာရေးဆရာလို့  ပြောတာပါ။ ကိုယ့်ဝါသနာနဲ့ ကိုယ်မို့ ကျွန်တော် သူတို့ ဘာပြောပြော မမှုပါဘူး။ ဒါတွေက ကျွန်တော့် အမြင်ကို ချပြ ထားခြင်း ဖြစ်ပါတယ်။ ကျွန်တော့် အမြင်ကိုလဲ အမှန်လို့  မဆိုလိုပါဘူး။ ဒါကြောင့် ကျွန်တော့် အမြင်မှားနေတယ် ဆိုရင်လဲ ပြောပြ ထောက်ပြ ပေးလို့ ရပါတယ်။ ကျွန်တော့် အမြင်က တခြားသူတစ်ယောက်ကို ထိခိုက်စေတယ် ဆိုရင် ကျွန်တော် ပြန်ပြင်ပေး၊ ဒါမှမဟုတ် ပြန်ဖြုတ်ချ ပေးပါ့မယ်။  ဒီပိုစ့်လေးကို ကျွန်တော့် အမြင် ကျွန်တော် ဖတ်ခဲ့ပြီးတဲ့ တချို့ ဘလော့ဂါတွေရဲ့ အမြင်တွေ ထဲက ကောက်နုတ် ဖော်ပြ ထားခြင်း ဖြစ်ပါတယ်။ ကျွန်တော်တို့ ဘလော့ဂါ မောင်နှမ အားလုံး ဘလော့ဂါ ကောင်းများ ဖြစ်ကြပါစေလို့ ဆုတောင်းပေး လိုက်ပါတယ်။