Thursday 27 October 2011

လွဲနေသော အလွဲများ

ကျွန်တော် ထုံးစံအတိုင်း သူငယ်ချင်းများနှင့် လေကန်ရန် ထိုင်နေကြ ဈေးထိပ်က ဘိုကျောက် လက်ဖက်ရည်ဆိုင် လေးသို့  ထွက်လာခဲ့သည်။ ထိုလက်ဖက်ရည်ဆိုင် ကလေးသည် ကျွန်တော်တို့  သူငယ်ချင်းများ၏ စုရပ်ဖြစ်သည်။ ထိုဆိုင်လေးတွင် ထိုင်ရင်း ကျွန်တော်တို့ သူငယ်ချင်းများ ကျားထိုးသူကထိုး၊ စစ်တုရင် ကစားသူက ကစားနှင့် သူငယ်ချင်းများ သူ့ အယူအဆ ကိုယ့်အယူအဆများကို ဆွေးနွေးကြလေ့ ရှိသည်။ ဆွေးနွေးကြသည်ထက် တစ်ဦးနဲ့ တစ်ဦး ငြင်းခုန်ကြသည်ဟု ဆိုလျှင် ပိုမှန်ပေမည်။ လူတိုင်းတွင် သူ့  အယူအဆ၊ ကိုယ့်အယူအဆနှင့် မူကလေးများ ကွဲပြားခြားနား သွားလေ့ရှိကြသည်။ ဥပမာ။  ။ ကမ္ဘာကျော် ဘော်လုံးအသင်း ဖြစ်သည့် ရီးရဲမက်ဒရစ် အသင်း၏ နာမည်ကြီး နည်းပြ ဖြစ်သူ မော်ရင်ဟိုကို သူ၏ စရိုက်၊ ပြောဟန် ဆိုဟန်များကို ကြည့်၍ ဆွဲဆောင်မှုရှိသည် ဟုဆိုကာ နှစ်သက်သဘောကျသူများ ရှိသကဲ့သို့ သူ၏ စရိုက်၊ ပြောဟန် ဆိုဟန်များကို ကြည့်ကာ မောက်မာ၍ လူကြီး လူကောင်း မဆန်သောသူဟု ဆိုကာ မျက်မုန်း ကျိုးသူများလဲ ရှိကြသည်။ ဘိုကျောက်၏ လက်ဖက်ရည် ဆိုင်လေးတွင် မိမိတို့ နှစ်သက်သော လက်ဖက်ရည်ကို တစိမ့်စိမ့် သောက်ရင်း မတူညီသော အယူအဆ လေးများကို ငြင်းခုန်ကြရင်းဖြင့် ထိုလက်ဖက်ရည် ဆိုင်ကလေးသည် ကျွန်တော်တို့ သူငယ်ချင်းများ ဆုံတွေ့ ရာ ဘူမိနက်သန် နေရာလေး ဖြစ်လာပါတော့သည်။

ရွာလယ်လမ်းမကြီးက လူရှုပ်သောကြောင့် ကျွန်တော် ရွာအပြင်ဘက်လမ်းမှ လေကောင်းလေသန့် ရှူရင်း အေးအေးဆေးဆေး လမ်းလျှောက်လာခဲ့လိုက်သည်။ ထိုသို့ လျှောက်လာရင်း ရွာထိပ်ရှိ ကန်ကြီးနား အရောက်တွင် လူတစ်ယောက် ငါးမျှားနေသည်ကို တွေ့ ရသဖြင့် နဲနဲစိတ်ဝင်စားသွားသည်။  ပုံမှန်ဆိုလျှင်တော့ လူတစ်ယောက် ငါးမျှားနေသည်က ဘာစိတ်ဝင်စားစရာမှ မဟုတ်သော်လဲ ဒီလူ ငါးမျှားနေပုံက ပုံမှန် မဟုတ်သောကြောင့် စိတ်ဝင်စား သွားမိခြင်း ဖြစ်သည်။ ရေကန်ထဲမှ ရေများက ကြည်လင် စိမ်းမြနေသဖြင့် ရေထဲ၌ ငါးများအုပ်စုဖွဲ့  ကူးနေသည်ကိုပင် မြင်နေရသည်။ ရေထဲတွင် ငါးပြေမလား၊ ဆလားဗီးယားလား မသိသည့် ငါးတစ်အုပ် ကူးနေသည်ကို မြင်နေရသည်။ ထိုငါးအုပ် ရှိနေသည့် နေရာသို့ ထိုသူက ငါးစာတပ်ထားသော ငါးမျှားချိတ်ကို ပစ်ပစ်ချပြီး မျှားနေခြင်း ဖြစ်သည်။ ငါးအုပ်ရှိရာသို့ ငါးမျှားချိတ်ကို ပစ်ချလိုက်လျှင် ငါးအုပ်က တခြားဘက်သို့ ကူးသွားသဖြင့် ငါးမျှားချိတ်ကို ပြန်ဆွဲပြီး ငါးအုပ်ရှိသည့် ဘက်ကို လိုက်ပစ်ချလိုက်ဖြင့် လုံးလည်ချာလည် လိုက်နေသည်။ ငါးများကတော့ သူ့  ငါးစာကို စိတ်ပင်မဝင်စားချေ။ တခါတရံသာ ငါးသားပေါက်ကလေး တစ်ကောင်စ၊ နှစ်ကောင်စ လောက်က ငါးစာကို လာလာတွတ်သည်။ ငါးစာကို မမြိုနိုင်သောကြောင့် ဘေးကနေသာ တွတ်တွတ် သွားသဖြင့် တဖြည်းဖြည်း ငါးစာက ပါးပါးပြီး ကုန်ကုန် သွားသဖြင့် ငါးစာ အသစ်ကို ခဏခဏသာ ပြန်ပြန်လဲနေရပြီး ငါးကတော့ တစ်ကောင်မှ မမိသေးပေ။ ထိုသူလဲ ငါးစာသာ ကုန်ကုန်သွားပြီး ငါးတစ်ကောင်မှ မမိသေးသဖြင့် စိတ်တိုလာဟန်ဖြင့် ကလေးဆိုးကြီးလို မျက်နှာကြီးက စူပုပ်လာသည်။ ဘေးနားက ကြည့်နေရင်း ကျွန်တော်လဲ မနေနိုင်တော့သဖြင့် ထိုသူကို မေးလိုက်သည်။

“ဒီမှာ ခင်ဗျား ဘာလုပ်နေတာလဲဗျ...”

ငါးမျှားနေတာကို မြင်ရဲ့ သားနဲ့ ဘာလုပ်နေတာလဲဗျလို့ မေးလိုက်သောကြောင့် ထိုသူ ကျွဲမီးတိုသွားဟန်တူသည်။ ဒေါသ ထွက်နေသည့် မြွေတစ်ကောင် အမြီးကို ထပ်အပုတ် ခံလိုက်ရသလို တရှူးရှူးဖြင့် ထလာပြီး ဒေါသများ စွန်းထင်းနေသည့် စကားလုံးတို့ သူ့ ဆီမှ ထွက်ကျလာသည်။

“ငါးမျှားနေတာကို မြင်ရဲ့ သားနဲ့ ဘာလုပ်နေတာလဲ ဆိုတော့ မင်းမျက်စိကန်း နေလားကွ”
“ကျွန်တော့် မျက်စိက ကောင်းပါတယ်။ ဒါပေမယ့် ခင်ဗျား ငါးမျှားနေပုံက မဟုတ်လို့ ကျွန်တော်က မေးရတာပါ”

ကျွန်တော်က ထိုသို့ ပြန်ပြောလိုက်တော့ ထိုသူ ပိုဒေါသထွက်သွားသည်။

“ငါ... ငါးမျှားနေပုံက မဟုတ်ဘူး ပြောရအောင် မင်းက ငါးမျှားတာ ဆရာကြီးလား”
“ကျွန်တော်က ဆရာကြီးတော့ မဟုတ်ပါဘူး။ ဒါပေမယ့် ခင်ဗျား လုပ်နေပုံ မဟုတ်တာတော့ သိတယ်ဗျ”
“ဒါဆို ဘာမဟုတ်တာလဲ ပြောစမ်းပါဦး”
“ခင်ဗျား... ငါးမျှားနေပုံကို ခင်ဗျား ပြန်စမ်းစစ်ကြည့်လေ။ ဒါနဲ့ ကျွန်တော် မေးပါဦးမယ်။ ခုက ခင်ဗျားက ငါးမျှားနေတာလား။ ငါးတွေက ခင်ဗျားကို ပြန်မျှားနေတာလား”

ကျွန်တော့် အမေးစကားကြောင့် ထိုသူ “အဲ” ဟုဆိုကာ ပါးစပ်ကြီး ပြဲကနဲ ဖြစ်သွားပြီး  ခေါင်းကုတ် သွားသည်။ ထို့ နောက် ကျွန်တော့်ကို တခုခု ပြန်ပြောရန် ခေါင်းမော့ ကြည့်လိုက်တော့ ကျွန်တော်က အဝေးကို ရောက်နေပြီ ဖြစ်သည်။ ထိုသူကတော့ တခုခုကို စဉ်းစားနေဟန်ဖြင့် ထိုနေရာတွင်ပင် ငူငူကြီး ရပ်ကျန်ခဲ့သည်။

ဒီလိုနဲ့  ကျွန်တော် ဆက်လျှောက်လာတော့ ရပ်ကွက်ထဲမှ ကောင်လေးတစ်ယောက် နွားကျောင်းနေသည်ကို တွေ့  လိုက်ရသည်။ ကောင်လေးက ကျွန်တော့်ကို တွေ့ တော့ ဝမ်းသာအားရ နှုတ်ဆက်သည်။ နှုတ်ဆက်ရမည်ပေါ့ ကျွန်တော်က သူ့ တို့ ၏ ချစ်ရေး ချစ်ရာတွေမှာ အခါတော်ပေး မဟုတ်လား။ ရည်းစားစာ တစ်စောင်ကို လက်ဖက်ရည် တခွက်နှုန်းနဲ့ ဒိုင်ခံရေးပေးနေခြင်း ဖြစ်သည်။ ကျွန်တော်က လက်ပေါက်သည် ပြောရမလားဘဲ ကျွန်တော် ရေးပေးလိုက်သည့် ရည်းစားစာဖြင့် အဆင်ပြေကြသဖြင့် သူတို့ က ကျွန်တော့်ကို ချစ်ခင် အားကိုးကြသည်။

“ကိုရဲ... ဘယ်လဲဗျ”
“ဘိုကျောက် ဆိုင်ကို လက်ဖက်ရည် သွားသောက်မလို့ ကွ”
“ကိုရဲတို့ ဘဲ ဇိမ်ကျတယ်နော်... အေးအေးဆေးဆေးဘဲ”

သူ့ စကားကို ကြားမှ ကျွန်တော်လဲ မျက်မှောင်ကြုတ်ရင်း တစုံတခုကို စဉ်းစားမိပြီး ကောင်လေးကို မေးလိုက်သည်။

“ဒါနဲ့ ဒီနေ့ က ကျောင်းဖွင့်ရက် မဟုတ်လား။ မင်းကျောင်းမသွားဘူးလား”
“ကြီးတော်ပေါ့ ကိုရဲရာ...ဒီနေ့ ချဲထွက်မှာမို့ ကျောင်းမသွားနဲ့ နွားသွားကျောင်းချည် ဆိုလို့ ကျွန်တော်လဲ ကျောင်းပြေးပြီး နွားကျောင်းနေရတယ်။ ဘာဖြစ်ဖြစ် ကျောင်းချင်းတော့ တူတယ်ဗျ...”

ကောင်လေးက ရယ်ရယ်မောမောဖြင့် ပြန်ပြောသည်။ သူရယ်နိုင်ပေမယ့် ကျွန်တော် မရယ်နိုင် ဒါက ကလေးတွေကို ကျောင်းပြေးတတ်အောင် လမ်းစပေးခြင်း ဖြစ်သည်။ ကလေးတွေ ကျောင်းမပြေးအောင် လူကြီးတွေက ကြပ်ကြပ်မတ်မတ် ထိန်းသိမ်းရမည့် အစား ခုလို ပြုမူနေတော့ ကျွန်တော် စိတ်ပျက်သွားသည်။

“မင်း... ကြီးတော်ကလဲကွာ... မဟုတ်သေးပါဘူး”
“ဟုတ်ပါတယ်ဗျ... ကျွန်တော့် ကြီးတော်ပါ။ ကျွန်တော့်ဘကြီးမိန်းမ ဆိုတော့ ကြီးတော် တော်တာပေါ့”
“အာ... မင်းက တမှောင့်... ကဲ.. ကဲ.. ငါသွားတော့မယ်။ မင်းလဲ ဆက်အကျောင်း ခံလိုက်ဦး”
“ကိုရဲကလဲ လုပ်ပြီ... ကျွန်တော်က ကျောင်းရမှာပါဗျ”
“မထူးပါဘူးကွာ မင်းလဲ အကျောင်းခံ နေရတာဘဲ”

သြော်... လူတွေလဲ တယ်ခက်ပါလားလို့ အလုပ်မရှိလို့ ကြီးတော်နွားကျောင်းတယ် ဆိုလဲ ထားပါတော့။ ခုတော့ အလုပ်ရှိရဲ့ သားနဲ့ ကြီးတော်နွား ကျောင်းချင်နေကြတယ်။ နွားကျောင်းရမဲ့သူက နွားမကျောင်းဘဲ နှစ်လုံး၊ သုံးလုံးနောက် လိုက်နေပြီး ကျောင်းတက်ရမဲ့သူက ကျောင်းမတက်ဘဲ နွားကျောင်းနေတယ်။ ကျွန်တော်လဲ တွေးရင်း လျှောက်ရင်း လျှောက်ရင်း တွေးရင်းဖြင့် ဈေးထိပ်သို့  ရောက်လာခဲ့သည်။

လက်ဖက်ရည်ဆိုင် ရှိတဲ့ဘက်လမ်းကို ချိုးဝင်မယ် အလုပ်မှာ ကွမ်းယာဆိုင်ထဲမှ လူတစ်ယောက်က လှမ်းနှုတ်ဆက်သည်။  သူ့  ကိုယ်သူ အလှဆုံး ပြင်ဆင်ထားတဲ့ လှတပတ ကောင်မလေး တစ်ယောက် ကျွန်တော့်ကို ပြုံးပြရင်း နှုတ်ဆက်လာသည်။  ကျွန်တော့် အမေ၏ အလှပြင်ဆိုင်တွင် ဆံပင်လာလာ ပြင်လေ့ ရှိသလို ဖခင်ဖြစ်သူ၏ ဓာတ်ပုံဆိုင် မှာလဲ ဓာတ်ပုံ လာလာရိုက်လေ့ ရှိသည့် ကောင်မလေး ဖြစ်၏။ ကျွန်တော်နဲ့ မျက်မှန်း တန်းမိနေတော့ လမ်းတွေ့ ရင် ပြုံးပြ နှုတ်ဆက်လေ့ ရှိသည့် ကောင်မလေး ဖြစ်သည်။ ကျွန်တော်လဲ ကောင်မလေးကို ပြန်နှုတ်ဆက် လိုက်သည်။ ထိုကောင်မလေးသည် လူတော်တော် များများ ပြောကြသလိုပင်  အလွန်လှပါသည်။ ဒါပေမယ့် ကောက်ညှင်းထုပ် ထုပ်သလို တကိုယ်လုံး ကြပ်ထုပ်နေပြီး မိတ်ကပ် နှုတ်ခမ်းနီများကိုလဲ လိုတာထက် လွန်ကဲစွာ သုံးထားသည့် ကောင်မလေးက ကျွန်တော့် မျက်စိထဲတွင်တော့  ကိုးလို့ ကန့် လန့် ကြီး လှနေသည်ဟု ထင်မိ၏။

“အစ်ကို...ဘယ်လဲ”
“လက်ဖက်ရည်ဆိုင်ကို သွားမလို့ ညီမ...”
“ဟွန့် ... အစ်ကိုက ညီမ ဆိုင်ကျ အားမပေးဘူး။ အစ်ကိုတို့ ဆိုင်ကျ ညီမက အားပေးရတယ်”
“သြော်... ညီမကလဲ... အစ်ကိုက ကွမ်းမစား ဆေးလိပ် မသောက်ဆိုတော့ ညီမဆိုင်ကို အားပေးချင်တယ် ဆိုရင်တောင် ဘယ်လို အားပေးမလဲ”
“ဒါဆိုလဲ ဒီမှာ မုန့် တွေ ရှိတာဘဲ။ မုန့် ဝယ်စားပြီး အားပေးလို့ ရတာဘဲ”
“အာ... ညီမကလဲ နေကြာစေ့၊ ကွာစေ့၊ ဇီးထုပ်တို့ ချိုချဉ်တို့ စားရအောင် အစ်ကိုက ကလေးမှ မဟုတ်တာ။ ပြီးတော့ အဲဒီလိုမျိုတွေကိုလဲ အစ်ကိုက ဟိုစပ်စပ် ဒီစပ်စပ် မစားတတ်ဘူးလေ”

ကျွန်တော်တို့ နှစ်ယောက် စကား ရပ်ပြောနေစဉ်မှာပင် ဆင်တဲ-ပြည်ကို ဆွဲနေသည့် လိုင်းကားလေး တစ်စီး ထိုးရပ်လာသည်။

“ပန်းလေးရေ... စောစောက မှာထားတဲ့ကွမ်း ရပြီလား... ဟေ့...”
“ရပြီ ကိုဖိုးကျော်ကြီး နှစ်ထုပ်ထုပ်လိုက်တယ်နော်...”
“အာ... ငါမှာတာ တစ်ထုပ်တည်းလေ”
“ကိုဖိုးကျော်ကြီးကလဲ ခုပဲ ကားထွက်တော့မယ့်ဟာကို တစ်ထုပ်တည်း ဘယ်လောက်မလဲ နှစ်ထုပ်တော့ ယူမှပေါ့”
“အေး... ပေးဟာပေး နင်က ဇွတ်ကို ရောင်းနေတော့တာဘဲ”
“ကိုထွန်းကျော်ကြီး ဘယ်လဲ ကွမ်းမယူတော့ ဘူးလား”
“အေး... နိုင်တီတူးနဲ့ တစ်ထုပ် ထုပ်ထားလိုက် အပြန် ဝင်ယူမယ်”

ကားဆရာ ဖိုးကျော်နှင့် စကားပြောနေရင်း ဘေးနားက ဖြတ်သွားသော ကိုထွန်းကျော်ကြီးကို ကောင်မလေးက လှမ်းအော်လိုက်ခြင်း ဖြစ်သည်။ သူတို့ ကို ကြည့်ရင်း သြော်.... ဒီလူတွေ ကောင်မလေး စကားကို တချက်မှ မငြင်းပါလားဟု တွေးလိုက်မိသည်။ ထိုစဉ် ဆိုင်ထဲကို လူနှစ်ယောက် ဝင်လာသည်။

“ညီမ ဗမာဆေးနဲ့ နှစ်ထုပ်လောက် လုပ်ပါ။ လန်ဒန် နှစ်လိပ်ပါပေး...”

ကောင်မလေး ဆိုင်ပေါ်ကို အပြေးအလွှားလေး တက်သွားသည်။ ကောင်မလေး ကွမ်းယာနေစဉ် မှာပင် ကောင်လေး တစ်သိုက် ထပ်ရောက်လာပြန်သည်။ ကောင်မလေး ကျွန်တော့်ကို ဂရုမစိုက်နိုင်တော့ ဒီတော့ ကျွန်တော်လဲ ကိုယ့်လမ်းကိုယ် လှည့်ထွက် လာခဲ့လိုက်သည်။ ကွမ်းစားသည့် သူငယ်ချင်းတွေ ပြောတော့ ဒီကောင်မလေးဆိုင်က ကွမ်းက စားမကောင်း ထုံးလဲ ပေါက်သည်ဟု ပြောသည်။ ဒါပေမယ့် ကျွန်တော် မြင်ရသည်ကတော့ ကောင်မလေး ဆိုင်က တော်တော်လေး ရောင်းကောင်းနေသည်။ ကျွန်တော် ထွက်လာပြီး ရှေ့နားနဲနဲ အရောက်တွင် နောက်ဘက်မှ ရုတ်ရုတ်သဲသဲ အသံများကို ကြားလိုက်ရ၏။ လှည့်ကြည့်လိုက်တော့ ပထမ ရောက်လာသော လူနှစ်ယောက်နှင့် နောက်ရောက်လာသော လူငယ်တစ်သိုက်တို့ ရုန်းရင်းဆန်ခတ် ဖြစ်နေကြသည်။ ဒါတွေကို မြင်ရ၊ ကြားရတော့ ကောင်မလေးကို ကိုယ့်ကိုယ်ကို ငါးစာလုပ်ကာ ဆိုင်ပေါ်တွင် ထိုင်မျှားနေသူ တစ်ယောက်ကဲ့သို့ မြင်လာ၏။ ဒါပေမယ့် ဒီမှာက ငါးတွေက ရှောင်ပြေးနေသည် မဟုတ် ငါးစာကို ဟပ်ဖို့ ချောင်းနေကြခြင်း ဖြစ်သည်။ အဲဒီအချိန်မှာပင် ကျွန်တော်ရပ်နေသည့် နားရှိ အိမ်ထဲမှ ဒေါ်ကြီး တစ်ယောက် ပြေးထွက်လာသည်။ ထမင်းချက်ရင်း ပြေးထွက် လာဟန်တူသည် လက်ထဲမှ ယောင်းမကြီးတွင် ထမင်းလုံးများနှင့် အငွေ့ တထောင်းထောင်း ထနေ၏။

“ကိုရဲ... ဘာဖြစ်တာလဲ... ချကုန်ကြပြီလား... ဟိုကောင်မကြောင့်ဘဲ ဖြစ်တာ မဟုတ်လား”
“မချကြပါဘူး... စကားများကြရုံပါ... ဒေါ်စိန်ရယ်... ကိုယ့်ထမင်းအိုးသာ ကိုယ်ဂရုစိုက်ပါ...”

ဒေါ်စိန်ကို ပြောရင်း ကျွန်တော်လဲ ရှေ့ဆက် လျှောက်လာခဲ့လိုက်သည်။ သြော်... ကိုယ့်အလုပ်ပစ်ပြီး ကြီးတော်နွား ကျောင်းချင်သည့် လူတွေကလဲ နေရာအနှံ ရှိနေပါလားဟု တွေးမိ၏။ လမ်းဆက် လျှောက်လာရင်း တွေးမိသည်က ယခုခောတ် ပေါ်ပင် ဈေးကွက်များ အကြောင်းဖြစ်သည်။ ခုနောက်ပိုင်းတွေ့  ရသည့် တချို့ ကြော်ငြာများတွင် ဘာကို ကြော်ငြာလို့ ကြော်ငြာမှန်းပင် မသိလိုက်ပေ။ ပစ္စည်းထက် လူကို ကြော်ငြာသည်များကို ပိုတွေ့ လာရ၏။ အခုအဖြစ်ကိုဘဲကြည့် လက်ရာ မကောင်းသည့် လမ်းဘေး ကွမ်ယာဆိုင်လေး ဖြစ်ပေမယ့် ကောင်မလေး အနေနဲ့ သူ့ ဈေးကွက်ကို အကောင်းဆုံး ထိန်းထားနိုင်သည်ကို တွေ့ ရသည်။ ထိုကဲ့သို့ သော ကွမ်းယာဆိုင်၊ လက်ဖက်ရည်ဆိုင်၊ စားသောက်ဆိုင်နှင့် အခြားအခြားသော ဆိုင်များကို ခုနောက်ပိုင်းတွင် ပိုမိုတွေ့ လာရသည်။

ဟိုအရင်က  အလယ်ပိုင်း ရပ်ကွက်တွင် ထိုကဲ့သို့  လက်ဖက်ရည်ဆိုင်လေး တစ်ဆိုင်ရှိသည်။ လက်ဖက်ရည် မကောင်းပေမယ့် ဆိုင်ရှင်၏ သမီးနှစ်ယောက် ကောင်တာ ထိုင်သဖြင့် ထိုဆိုင်တွင် လူပြတ်သည် ဟူ၍ မရှိ၊ ဒါပေမယ့် သမီးများ လင်နောက်လိုက်သွားပြီး နောက်တွင်တော့ ဆိုင်ပါပိတ်လိုက်ရသည်ကို တွေ့ ဖူး၏။ အခုလဲ ကျွန်တော်တို့ ရွာလေးတွင် ဘိုကျောက်၏ လက်ဖက်ရည်ဆိုင်သည် လက်ဖက်ရည် အကောင်းဆုံးဖြစ်သော်လဲ၊ ကောင်မလေး ဆိုင်တွင် တကယ့် ကွမ်းသမားများ ကွမ်းမစား သကဲ့သို့ တကယ့် လက်ဖက်ရည် သမားတချို့ သာ လာထိုင်လေ့ ရှိသည်။ များသောအားဖြင့် လမ်းဆုံ လမ်းခွကျပြီး ရှုခင်းကောင်းသည့် ညီအစ်မ သုံးယောက် အလှည့်ကျ ကောင်တာထိုင်သည့် ကျွန်တော်တို့ လမ်းထိပ်ရှိ လက်ဖက်ရည်ဆိုင်တွင်သာ လူစည်ကားနေလေ့ ရှိသည်။ ဒါကဘဲ ခုခောတ် ပေါ်ပင် ဈေးကွက် အခြေအနေ ဖြစ်ဟန်တူသည်။ ဒီလိုနဲ့ ကျွန်တော် လက်ဖက်ရည်ဆိုင်ကို ရောက်တော့ သူငယ်ချင်းတွေပင် စုံနေပြီကို တွေ့ ရသည်။

“ငရဲ... နောက်ကျလှချည်လား...”
“အေးကွ... ဘိုကျောက် ကျွန်တော့် အတွက် တစ်ခွက်လောက် လုပ်ပါဦး...”

ဘိုကျောက်ကို လက်ဖက်ရည်မှာရင်း သူငယ်ချင်းများအား အကြောင်းစုံကို ပြန်ပြောပြလိုက်သည်။ ကျွန်တော့်  စကားကို နားထောင်ပြီး သူတို့ လဲ တွေးစရာ တစ်ခုရသွားသလို တိတ်ဆိတ်သွားသည်။ အဲဒီအချိန်မှာပင် ကျွန်တော်တို့ စားပွဲဘေးရှိ စားပွဲတွင် မုန့် စားနေသည့် ဒီနှစ်မှ သူငယ်တန်းတက်သည့် ဘိုကျောက်သမီး အငယ်မလေးက ပြောလိုက်သည့် စကားကြောင့် ကျွန်တော်လဲ “အဲ...” ဟုဆိုကာ ပါးစပ်ကြီး ပြဲကနဲ ဖြစ်သွားသည်။ ကောင်မလေး ပြောလိုက်သည်က-

“ကိုကြီးရဲရဲ ကလဲ အလုပ်မရှိ ကိုယ့်ထမင်း ကိုယ်စားပြီး ကြီးတော်နွား ကျောင်းနေပြန်ပြီ”

ကျွန်တော့်၏ ဖြစ်အင်ကို ကြည့်ပြီး လက်ဖက်ရည် ဆိုင်ကလေးထဲတွင် ရယ်မောသံတို့ စီဝေသွားသည်။ သြော်... ဒီဘက်ခောတ် ကလေးတွေလဲ မလွယ်ပါလား အားလုံးက ဇကွဲ လေးတွေနဲ့ ချည်းပါလားဟု ထပ်တွေးလိုက်မိတော့သည်။

Wednesday 19 October 2011

ကာရံမဲ့ အလွမ်းည

ယနေ့ ညက အရင် ညတွေနဲ့ မတူ ပို၍ တိတ်ဆိတ် မှောင်မိုက် နေသလိုိ ခံစားရ၏။ သရက်ပင်တို့  သွယ်တန်း ပေါက်နေသည့် လမ်းလေးအတိုင်း  တစ်ယောက်တည်း လေးလံနှေးကွေးသော ခြေလှမ်းတို့ ဖြင့် အားတင်း လှမ်းလျှောက် လာခဲ့လိုက်သည်။ တချက် တချက် ဝေ့ဝဲ တိုက်ခတ်လာသော လေကြောင့် သစ်ရွက်ခြောက်တို့ လျှောတိုက်ပါသွားသည့် အသံမှအပ အရာရာက တိတ်ဆိတ်နေသည်။ ကိုယ့်ခြေသံ ကိုယ်ပြန် ကြားနေရအောင်ပင် ပတ်ဝန်းကျင် တစ်ခုလုံးက  တိတ်ဆိတ်ခြောက်သွေ့ နေ၏။ ဟိုအရင် သူမနှင့် အတူ ဒီလမ်းလေးကို ဖျတ်လတ် တက်ကြွသော ခြေလှမ်းတို့ ဖြင့် လျှောက်ခဲ့ဖူးသည်။ လက်ချင်းချိတ်၊ ပခုံးချင်းတိုက်ရင်း တစ်ဦးကို တစ်ဦး  စနောက်ကာ ပျော်ပျော်ရွှင်ရွှင် လှမ်းလျှောက်ခဲ့ဖူးကြသည်။ သူမ စားချင်သည်ဟု ပူစာသဖြင့် ညဘက် လူခြေတိတ်ချိန်တွင် လာ၍ သရက်သီးတွေ ခိုးခူးခဲ့သည်ကိုလဲ ပြန်သတိရမိ၏။ ယခုတော့ သူတစ်ယောက်တည်း အသက်မဲ့သော ခြေလှမ်းတို့ ဖြင့် အိမ်အပြန်လမ်းက ခြောက်သွေ့ အက်ကွဲ နေသယောင် ထင်ရ၏။ သူမ ရှိနေတော့မှာ မဟုတ်ဟူသော အသိကြောင့်လဲ လှမ်းလက်စ ခြေလှမ်းတို့  အားအင်မဲ့ခဲ့ရပြီ။

သရက်ပင်တွေ သွယ်တန်းနေသည့် လမ်းလေး အဆုံး လမ်းတစ်ဖက်သို့ အကူး၌ ညာဘက် ခပ်လှမ်းလှမ်းမှ နှစ်ဆယ့်လေးနာရီ ဖွင့်သော food count  ကိုတွေ့ တော့ သူမကို သတိရမိ ပြန်သည်။ ညဘက်တွေ အိမ်အောက် ဆင်းထိုင်တိုင်း ဒီအချိန်လောက်ဆိုလျှင် အဆာပြေ လာလာ စားလေ့ရှိသည့် နေရာလေး ဖြစ်သည်။ တဆက်တည်း ဒီဘက်က 7Eleven ဆိုင်လေးတွင် သူမအတွက် မနက်တိုင်း သတင်းစာ ဆင်းဝယ် ပေးခဲ့ရသည်ကိုလဲ သတိရမိ လိုက်သေးသည်။ ဒီနေရာ ဒီပတ်ဝန်းကျင်မှာ သူမ အရိပ်တွေပဲ တွေ့ နေရပါလား။ သူမနှင့် အမြဲလိုလို ဆင်းထိုင်လေ့ရှိသည့် ထိုင်ခုံလေး ရှေ့အရောက်တွင် လှမ်းလက်စ ခြေလှမ်းတို့  အလိုလို ရပ်သွား၏။ မိမိ အပြင်မှ ပြန်လာတိုင်း သူမ ထိုင်စောင့်နေလေ့ ရှိသည့် ထိုင်ခုံလေး ဖြစ်သည်။ ခုတော့ ထိုင်ခုံလေးလဲ သူ့ လိုပင် အထီးကျန် နေရပြီ။ ဒါတွေကို သူမ သိပါ့မလား။ မိမိ အသိုက်အမြုံဆီသို့  ပြန်သွားသော သူမ ရေခြားမြေခြားမှာ အထီးကျန် နေမယ့် လူတစ်ယောက်ကို သတိမှ ရပါဦးမလား။ မိသားစုနဲ့ တွေ့ ပြီး အပျော်ကြီးပျော်ကာ မိမိကို မေ့နေပြီလားဟု တွေးလိုက်မိသည်။

သက်ပြင်းငွေ့ ငွေ့ ကို အသာအယာ ရှိုက်ထုတ်ရင်း ခေါင်းတချက် ယမ်းခါပြီး အတွေးတို့ ကို မောင်းထုတ် လိုက်သည်။ ဘာကိုမှ သူ... ပြန်မတွေးချင်သော်လဲ အတွေးတို့ က သူအလိုလို ခေါင်းထဲ ပေါ်ပေါ်လာသည်။ ဖြူနုချောမော ပြေပြစ်လှသည့် သူမ မျက်နှာလေး၊ နူးညံနွေးထွေးသည့် သူမ လက်ဖဝါး နုနုလေးများ၊ တခုခုကို အလို မကျတိုင်း နှုတ်ခမ်းကိုက် ခြေကို စောင့်ရင်း တဖက်ကို လှည့်လှည့်သွားတတ်သည့် ဟန်အမူအရာလေးများ၊ သူမရဲ့ ရယ်သံ လွင်လွင်လေးများ စသည်တို့ ကို ပြန်ကြားယောင်၊ ပြန်မြင်ယောင် နေမိ၏။  ထိုအချိန်များတွင် မိမိရင်ဘတ်ထဲက တစစ်စစ်နဲ့ နာသည်။ သူ... ထိုင်ခုံလေးတွင် ခြေပစ်လက်ပစ် ထိုင်ချလိုက်၏။ အထီးကျန် နေသည့် ထိုင်ခုံလေးကို သူခဏတော့ အဖော်လုပ်ပေးရမည်။ ဒီထိုင်ခုံလေးက သူတို့ နှစ်ယောက်ကြားတွင် အလွန်အရေးပါသော နေရာမှ ပါဝင်ခဲ့သည်။ ဒီထိုင်ခုံလေး ပေါ်မှာထိုင်နေသည့် သူမကို စတင်တွေ့ ရှိခဲ့တော့ မိမိအိမ်ကို ပြောင်းလာသည့် လူသစ်မှန်း မသိသေးပေ။ စတွေ့ ကတည်းက သူမကို စိတ်ဝင်စားခဲ့မိသည်။ အိမ်နှင့် ဖုန်းပြောတိုင်း ငိုနေတတ်သော သူမကို ရင်းနှီးခဲ့ပြီး နောက်ပိုင်း အမြဲ အားငယ်နေတတ်သည့် သူမကို အကြင်နာ ပိုခဲ့မိ၏။ ထို့ နောက် ထိုင်ခုံလေးက သူနှင့်သူမတို့ အတွက် ဆုံမှတ်တစ်ခု ဖြစ်လာခဲ့သည်။ မိမိ အလုပ်မှ ပြန်လာတိုင်း ထိုင်ခုံလေးတွင် ထိုင်စောင့် နေတတ်သည့် သူမကို မြင်တိုင်း အမောပြေခဲ့ရ၏။ ဒီထိုင်ခုံလေးပေါ်မှာပင် မိမိတို့ နှစ်ယောက် ချစ်သူတွေ ဖြစ်ခဲ့ကြသည်။ ဒီနေရာလေးမှာပင် မိမိ တို့ နှစ်ယောက် ဝေးခဲ့ကြသည်။

“မောင်... လေယာဉ်ကွင်းကို လိုက်မပို့ နဲ့ တော့။ မောင့်ကို မြင်နေရရင် ကျွန်မ လေယာဉ်ပေါ်ကို တက်နိုင်မှာ မဟုတ်ဘူး”

သူမ နှုတ်ဖျားမှ နောက်ဆုံးကြားခဲ့ရသော စကားဖြစ်သည်။ ထိုစကားကို ပြောပြီး တရွေ့ ရွေ့ ထွက်ခွါ သွားသော သူမကို ကြည့်ရင်း သူမ အလိုကျ ဒီနေရာလေးမှာ ရပ်ကျန်ခဲ့ပြီး ဝမ်းနည်းကြေကွဲ ခဲ့ရ၏။ ဒီထိုင်ခုံလေးက မိမိတို့ နှစ်ယောက်၏ အမှတ်တရပေါင်း များစွာကို မွေးဖွားပေးခဲ့သည့် နေရာလေး ဖြစ်သည်။ ထိုင်ခုံလေးတွင် ထိုင်ရင်း မိမိရှေ့မှ မြေကွက်လပ်ကို မြင်တော့ သူမကို သတိရမိပြန်သည်။

“မောင်... ပျင်းတယ်ကွာ...။ ကြက်တောင် ရိုက်ကြရအောင်နော်... နော်လို့ ”

သူမ ဆန္ဒကို ဘယ်တုန်းကမှ မငြင်းဆန်ခဲ့သောကြောင့် ကျွန်တော်တို့ မြေကွက်လပ်လေးတွင် ကြက်တောင် ရိုက်ကြသည်။ ဘောလုံး ကန်ချင်သည် ဆိုလျှင်လဲ ဘောလုံးတစ်လုံးချပြီး ဟိုဘက်ဒီဘက် ကန်ခဲ့ကြ၏။ ချွေးများ ထွက်နေသည့် သူမကို တဘက်ဖြင့် တယုတယ ချွေးသုတ်ပေးလျှင် ကျွန်တော့်ကို ဖက်ပြီး အားရပါးရ ပြန်နမ်း တတ်သည့် သူမကို အချစ်ပိုခဲ့ရသည်။ 

“မောင်က ကျော့ကို အရမ်း ကြင်နာတာဘဲနော်။ ကျော့လေ မောင့်ကို အရမ်းချစ်တယ်။ ဟုတ်ပြီ... ဟုတ်ပြီ... မောင်က အဲဒီလို  ပြုံးလိုက်ရင် ပိုချစ်ဖို့ ကောင်းတယ် သိလား”

သူမ၏ စကားများကို ယုံကြည်ခဲ့မိသော ကျွန်တော် သူမကိုလဲ ယုံကြည်ခဲ့မိ၏။ ဒါပေမယ့် ခုတော့ ချစ်လှပါသည်ဟု ဆိုခဲ့သော သူမ ကျွန်တော့် အနားတွင် မရှိတော့။ ကျွန်တော့်ကို ထားခဲ့ပြီး သူမ ထွက်သွားခဲ့ပြီ။ ခုတော့ အရာရာဟာ နာကျင်ကြေကွဲစရာများ အနေဖြင့်သာ ကျွန်တော့် အနားတွင် ကျန်ရှိနေတော့သည်။

ညဘက် လူခြေတိတ်ချိန်မို့ ထင်သည် food count ဆိုင်ဘက်မှ အသံတချို့ က ဒီဘက်အထိ လွင့်ပျံလာသည်။ ဒီအသံတွေကို ကြားတော့ သူမ မှာကြားခဲ့ဖူးသည့် စကားတို့ ကို နားထဲတွင် တရစ်ဝဲဝဲဖြင့် ပြန်ကြားယောင်လာ ပြန်သည်။

“မောင်... ကျော့ ပြန်သွားတဲ့နောက် စိတ်ညစ်လို့ ဆိုပြီး ဘီယာတွေဘဲ ခဏခဏ သောက်မနေနဲ့ ဦးနော်။ ကျော့ကို တကယ်ချစ်ရင် ကျေးဇူးပြုပြီး ကျော့ စကားတွေကို နားထောင်ပေးပါ မောင်ရယ်”

သူမ အနားတွင် မရှိတော့သော်လဲ ကျွန်တော့် အပေါ် လွှမ်းမိုး ထားနိုင်ဆဲ ဖြစ်သည်။ သူမ စကားတွေကို အတိအကျ လိုက်နာနေကြောင်းကို သူမ သိမှ သိပါလေစ။ ကိုယ့်ကိုယ်ကိုလဲ အချစ်ကြီးတာလား၊ အသုံးမကျတာလား သေချာ မဝေခွဲနိုင်တော့။ သေချာတာကတော့ အထူးတလည် ဂရုစိုက်နေခြင်း မဟုတ်သော်လဲ မသိစိတ်က သူ့ အလိုလို နာခံနေခြင်း ဖြစ်မည်ထင်သည်။

နောက်ဆုံး သူမ ထွက်မသွားခင် ညက ပြောခဲ့သော စကားတို့ ကို နားထဲတွင် ပြန်ကြားယောင်မိသည်။ နောင်တသက်လုံး အမှတ်ရနေမည့် စကားလုံးများ ဖြစ်သည်။ ယောက်ကျားတန်မဲ့ သူမ ပခုံးနှစ်ဘက်ကို လှုပ်ရမ်းရင်း ရင်ခွင်ထဲ ဆွဲပွေ့ ကာ “မနောက်ပါနဲ့ မောင့်ကို မနောက်ပါနဲ့ မောင်... ရူးသွားလိမ့်မယ်” ဟု သွေးရူးသွေးတန်းဖြင့် အော်ခဲ့မိသည်  အထိ ဖြစ်ခဲ့၏။ မိမိ ဘဝတွင် အလွန်တုန်လှုပ် ချောက်ခြားပြီး နာကျင် ကြေကွဲခဲ့ရသည့် အချိန် ဖြစ်သည်။ 

“ကျော့လေ မောင့်ကို ချစ်တယ်... အရမ်းချစ်တယ်မောင်... ။ ဒါပေမယ့် ကျော့... မောင့်ကို လက်မထပ်နိုင်ပါဘူး။ လက်ထပ်ခြင်း ဆိုတာကိုလဲ ကျော့မှာ ရွေးချယ်ပိုင်ခွင့် မရှိပါဘူး။ ကျော့မမွေးခင် အချိန်ကတည်းက  လက်ထပ်ဖို့ အတွက်က သတ်မှတ် ပြီးသား ဖြစ်နေပါပြီ။ ကြိုက်သည် ဖြစ်စေ မကြိုက်သည် ဖြစ်စေ မိသားစု တာဝန်အနေနဲ့ လူတစ်ယောက်ကို ကျော့ လက်ထပ်ရမှာပါ။ ခွင့်လွှတ်ပါလို့ မပြောလိုပေမယ့် ကျော့ကို ခွင့်ပြုပါမောင်။ ကျော့လေ... ကျော့... သမီးမိုက် တစ်ယောက် မဖြစ်ပါရစေနဲ့ ။ ကျော့... သားသမီး တာဝန်ကျေချင်တယ်... မောင်ရယ်...”

ကျွန်တော် မမျှော်လင့်သော စကားတို့ ကို ကြားလိုက်ရသဖြင့် ကျွန်တော် ဆွံအပြီး ကြက်သေသေ သွားသည်။ တကိုယ်လုံး ထူပူသွားပြီး ရင်ထဲမှာ တစုံတခု လစ်ဟာ သွားသလို ခံစားလိုက်ရ၏။ ကျွန်တော့် ပါးစပ်မှ ထွက်ကျလာသည့် စကားလုံးတို့ ပင် ဗလုံးဗထွေးဖြင့် ရှင်းလင်းခြင်း မရှိတော့။

“ဒါဆို မင်း... မင်းဘာကြောင့် ငါ့ကို ချစ်ခဲ့သေးလဲ...။ မင်းမှာ ဒီလို အခြေအနေတွေ ရှိရဲ့ နဲ့  ငါ့အချစ်ကို  ဘာလို့ လက်ခံခဲ့တာလဲ။ ဒီစင်ကာပူနိုင်ငံကို ရောက်တုန်း မင်းအပျင်းပြေဖို့ အတွက် ငါ့ကို ရွေးချယ်လိုက်တာပေါ့ ဟုတ်လား... မင်း... မင်းကွာ... မင်းတော်တော် ရက်စက်တဲ့ မိန်းမဘဲ... တောက်...”

ကျွန်တော့် ဒေါသတို့ မီးတောင်ပေါက်ကွဲ သလို ပေါက်ကွဲသွားသည်။ ရင်ဘတ် တစ်ခုလုံး ကွဲအက်ကြေမွ သွားသလို ခံစားလိုက်ရ သည်။ သူမမို့ လုပ်ရက်လေခြင်းဟုလဲ တွေးလိုက်မိသည်။

“မဟုတ်ဘူးမောင်... မောင့်ကို အပျင်းပြေ ချစ်ခဲ့တာ မဟုတ်ဘူး။ တစ်သက်မှာ တစ်ယောက် တစ်ဘဝမှာ တစ်ယောက် အစားထိုး မရနိုင်လောက်တဲ့ အချစ်မျိုးနဲ့ ချစ်ခဲ့တာပါ။ ဆံပင်ဂုတ်ထောက် အသားလတ်လတ်နဲ့  ဂျစ်ကန်ကန် ကောင်လေးကို မြင်မြင်ချင်း ချစ်ခဲ့မိတာပါ...။ မောင်...ကျွန်မကို အဲဒီလောက်ထိ အထင်မသေးလိုက်ပါနဲ့ ။ ကျွန်မမှာလဲ ချစ်တတ်တဲ့ အသဲနှလုံး ရှိပါတယ်။ ကျွန်မလဲ ကိုယ်ချစ်မိသူရဲ့ အချစ်ကို လက်ခံနိုင်ခွင့် ရှိသလို ပြန်လဲချစ်ပိုင်ခွင့် ရှိပါတယ် မောင်...”

ထိုစကားတို့ ကို ပြောပြီး သူမ တသိမ့်သိမ့်ဖြင့် ရှိုက်ကြီးတငင် ငိုသည်။ သူမ ငိုတော့လဲ ကျွန်တော် မခံနိုင်...။ သနားစရာ ကောင်းလောက်အောင် ငိုနေသည့် သူမကို ထွေးပွေ့ နှစ်သိမ့်မိရပြန်သည်။ သူမနှင့် ပတ်သက်လာလျှင် ကျွန်တော် ကိုယ်တိုင်ကလဲ ခံနိုင်ရည်မရှိ ပျော့ညံလွန်းလှသည်။

“တိတ်... တိတ်ပါကျော့ရယ် တိတ်တော့နော် မငိုနဲ့ တော့ မောင်က ဒီသဘောမျိုး ပြောတာ မဟုတ်ပါဘူး။ တိတ်တော့နော်... ကျော့... ငိုရင် မောင်... မနေတတ်ဘူး။  အမြဲ ငိုနေတတ်တဲ့ ကျော့နဲ့ ချစ်သူတွေ ဖြစ်ခဲ့ကြ ကတည်းက မောင့်ကြောင့်တော့ ကျော့... မငိုစေရဘူးလို့  မောင် သံဓိဌါန် ချထားတာ။ ခုလို မောင့်ကြောင့် ကျော့ ငိုနေတော့ မောင် ဘယ်လို စိတ်ချမ်းသာမလဲ။ ဒီကိစ္စကို မောင်တို့ အေးအေးဆေးဆေး ပြန်ဆွေးနွေး ကြတာပေါ့ဟုတ်လား။ လိုအပ်ရင် မောင်... ကျော့မိဘတွေနဲ့ တွေ့ ပြီး ပြောကြည့်မယ်လေ”
“မဖြစ်ဘူးမောင် ဒီကိစ္စ ကျော့မိဘတွေ သိသွားလို့ မဖြစ်ဘူး”
“ဘာကွ”

ကျွန်တော် တော်တော် ဒေါသ ထွက်သွားသည်။ စောစောက လွင့်ပါးသွားသော ဒေါသတို့ တလိပ်လိပ်ဖြင့် ပြန်တက်လာပြန်သည်။ ဒီတော့ ဒေါသ ဖြစ်ဖြစ်ဖြင့် သူမကို အော်မိပြန်သည်။

“ဒါဆို မောင်က ဘာလုပ်ရမှာလဲ။ ကျော့ကို ဒီလို လွယ်လွယ်နဲ့ လက်လွှတ်လိုက်ရမှာလား။ ကျော့ပြောတော့ မောင့်ကို ချစ်တယ်ဆို... ကျော့...မောင့်ကို ချစ်ရင် ဘာကို ဖြစ်ဖြစ် ရင်ဆိုင်ရဲရမှာပေါ့။ လာသွားမယ် ကျော့မိဘတွေဆီကို ခုဖုန်းဆက်မယ်... လာ...”

ဒေါသထွက်ထွက်ဖြင့် ကျွန်တော် ကြုံးအော်လိုက်သည်။ ဒေါသကြောင့် ကျွန်တော့် တကိုယ်လုံး တုန်ခါနေသည်။ ကျွန်တော့်ကို ကြည့်ရင်း သူမ ငိုသည်။ ထို့ နောက် ပါးစပ်မှ တတွတ်တွတ်ဖြင့် ကရားရေလွတ် စကားတို့ ကို သူမဆိုသည်။ သူမ ကျွန်တော့်ကို ဘယ်လောက် ချစ်သည့် အကြောင်း၊ သူမ ဒီစင်ကာပူကို ကျောင်းလာမတက်ခင် သူမမိဘများ သဘောတူသည့် ဖခင်ဖြစ်သူ၏ ကျေးဇူးရှင် ဆရာရဲ့ သားနှင့် စေ့စပ်ခဲ့ရကြောင်း၊ မချစ်မနှစ်သက်သူ တစ်ယောက်ကို လက်ထပ်ရမည့် အရေးကို တွေးမိတိုင်း သူမ နေ့ စဉ် ဝမ်းနည်းငိုကြွေး ခဲ့ရကြောင်း၊ ဒီစင်ကာပူတွင် ပညာ သင်ကြားနေစဉ် သူမ ရည်းစား မထားသင့်ပေမဲ့ သူမအပေါ် စာနာနားလည်ပြီး ကြင်ကြင်နာနာ ရှိသည့် ကျွန်တော့်ကို မြင်မြင်ခြင်း ချစ်မိသည့် အတွက် သူမ စိတ်ကို မထိန်းချုပ်နိုင်ခဲ့သည့် အကြောင်း စသည့် စကားတို့ က ကျွန်တော် အာရုံတွင် မကြားတချက် ကြားတချက်ဖြင့် နားထဲသို့  တိုးဝင်လာသည်။ သူမ စကားလုံးတို့ အောက်တွင် ကျွန်တော် အလူးအလဲ ကျဆုံးခဲ့သည်။ လူတကိုယ်လုံး အင်အားမဲ့သွားသလို ခံစားလိုက်ရသည်။

“မင်း... မင်း ငါ့ကို လက်မထပ်နိုင်ဘဲ ဘာလို့ ချစ်ခဲ့တာလဲ။ မင်းလျှောက်ရမဲ့ လမ်းရှိနေရဲ့ နဲ့ ဘာကြောင့် ငါ့နှလုံးသားကို နင်းချေပြီးမှ လျှောက်ချင်ရတာလဲ။ မင်းအပေါ် ဘာအမှား လုပ်မိလို့ ငါ့အပေါ်ကို ဒီလောက်ထိ ရက်ရက်စက်စက် လုပ်ရတာလဲ ငါ... ဘာများအမှား လုပ်ခဲ့လို့ လဲ”
“မောင်... မမှားပါဘူး... ကျော့... မှားခဲ့တာပါ မောင်...။ ကျော့... အတ္တကြီးခဲ့မိတာပါ... ကျော့... အတ္တကြီး ခဲ့မိတဲ့ အတွက် တောင်းပန်ပါတယ် မောင်ရယ်။ ကျော့... အမှားတွေ အတွက် ပြန်ပေးဆပ်မှာပါ။ မောင်... ကျော့ကို ကြိုက်သလို စီရင်နိုင်ပါတယ်။ မောင့်... အလိုကို ကျော့... မငြင်းပါဘူး။ ဒါပေမယ့် ကျော့ကိုတော့ အိမ်ပြန် ခွင့်ပြုပါ မောင်ရယ်”

ကျွန်တော့် မျက်နှာကို ဖြတ်ရိုက်လိုက်သလို ခံစားလိုက်ရသည်။ ဘယ်ဘက် ရင်ဘတ်ထဲက တစ်ချက် စူးခနဲ အောင့်သွားသည်။ ကျွန်တော် ရူးသွပ်သွားသူ တစ်ယောက်လို အော်ဟစ် ရယ်မောမိသည်။ ရယ်သံကတော့ အသက်မပါ ခြောက်သွေ့ အက်ကွဲ နေမည် ထင်သည်။

“တယ်လဲ တတ်နိုင်ပါလားကွ... ဟင်... ။ ကျွန်မကိုတော့ လိုရာသုံးပါ။  ဟိုလူ့ ရင်ခွင်ဆီကို ပြန်သွားခွင့် ပြုပါပေါ့ ဟုတ်လား...။ မင်း... မင်းကွာ ဘယ်အငြိုးတွေနဲ့ ငါ့အပေါ် ဒီလောက်ထိ ရက်စက်နေရတာလဲ။  ငါ့နှလုံးသားကို နင်းချေပြီးတော့ ငါ့သိက္ခာကိုပါ ထပ်စော်ကား လိုက်တာပေါ့ ဟုတ်လား။ ငါက သွေးသားဆန္ဒ အာသာဖြေဖို့  သက်သက် မင်းကို ချစ်ခဲ့တယ် ထင်လို့ လား။ ငါမင်းကို ဘယ်လောက် တန်ဖိုးထားတယ် ဆိုတာ မင်းအသိဆုံး ပါကွာ... မင်း... မင်းကွာ... မင်းမို့ ဒီလို စကားမျိုး ပြောထွက်ရက်တယ်”

စကားပြောရင်း ကျွန်တော့် အသံတို့ သိမ်ဝင်သွားသည်။ တစ်ကိုယ်လုံး အားအင်မဲ့ကာ ထိုင်ခုံလေးပေါ်သို့  ပစ်ထိုင်ချလိုက်သည်။

“ဟုတ်ပါတယ် မောင်ရယ်...။ ကျော့ကို မောင် တန်ဖိုးထားမှန်း သိပါတယ်။ ဒါကြောင့်လဲ မောင့်ကို တစ်နေ့  ထပ်တစ်နေ့ ပိုလို့ ချစ် လာခဲ့မိတာပေါ့။ ကျော့မှားခဲ့တာပါ မောင်ရယ်။ ကျော့... မောင့်ကို တောင်းပန်ပါတယ်”

သူမ ကျွန်တော့် ရင်ခွင်ထဲ ဝင်ကာ ငိုကြွေးသည်။ ကျွန်တော့် ရင်ခွင်တစ်ခုလုံး ကွဲအက်ကြေမွ သွားသလို ခံစားလိုက်ရသည်။ ခရီး မိုင်ပေါင်း များစွာကို ပြေးခဲ့သူ တစ်ယောက်လို နွမ်းလျပင်ပန်းသွားသည်။ ကျွန်တော် အမြတ်တနိုး တန်ဖိုးထားခဲ့သည့် ပန်းလေးတစ်ပွင့် ဆုံးရှုံးသွားပြီ ဖြစ်ကြောင်း ကျွန်တော် သိလိုက်သည်။ ထွက်ခွါ သွားလိုနေ သူကိုလဲ ဆွဲမထားချင်တော့။ ဒီလိုနဲ့ သူမ ကျွန်တော့် ဘဝထဲမှ ထွက်ခွါသွားခဲ့သည်။ ထိုအချိန်က စလို့ ကျွန်တော့်ဘဝ သွေ့ ခြောက် အထီးကျန်ခဲ့ရသည်။ ညက နက်သထက် နက်လာသည့်နောက် သက်ပြင်း တချက်ကို လေးတွဲ့ စာ ချလိုက်ရင်း ကျွန်တော် အိမ်ပြန်ဖို့ ထရပ်လိုက်သည်။

ထိုအချိန်မှာပင် ကောင်းကင်က ကြယ်တစ်လုံး ကြွေကျသွားသည်ကို မြင်လိုက်ရသည်။ ကြယ်ကြွေသွားသည်ကို မြင်လျှင် လက်အုပ်လေးချီ မျက်လုံးလေးမှိတ်ကာ ဆုတောင်းတတ်သည့် သူမကို မြင်ယောင်မိပြန်သည်။ ကြယ်ကြွေတဲ့ အချိန် ဆုတောင်းရင် ဆုတောင်း ပြည့်သည်တဲ့။ သူဘာ ဆုတောင်းရမလဲ။ ဆုမတောင်း ကောင်းသည့် အရာတို့ ကို ဆုမတောင်းချင်တော့။ သူမ ဘဝလေး အေးအေးချမ်းချမ်း ရှိနေမယ် ဆိုရင် ကျွန်တော် ကျေနပ်ပြီ။ တကယ်တော့ သူမကို ချစ်ခဲ့သည့် အချစ်က ရယူလိုသည့် အချစ်မဟုတ်သလို ပေးဆပ်ခြင်းလဲမဟုတ် ဒီအတိုင်းလေး ချစ်နေရရုံနဲ့ ကျေနပ်နေနိုင်သည့် အချစ်မျိုးဖြစ်သည်။

ကျွန်တော် အိမ်ပြန်ရောက်တော့ သူမ ရှိမနေတော့သည့် အိမ်က အေးစက်သွေ့ ခြောက်စွာ ဆီးကြိုသည်။ ကျွန်တော် တိတ်ဆိတ်စွာပင် အိမ်ထဲ ဝင်လာခဲ့လိုက်သည်။ ထို့ နောက် ကျွန်တော် အိပ်ယာ ဝင်ခဲ့သည်။  မနက်ဖြန် များစွာကို ရင်ဆိုင်ဖို့ ကျွန်တော် အားမွေးရဦးမည်။ သေချာသည်ကတော့ တံခါးကို တဝုန်းဝုန်း ထုရင်း-

“မောင်... ထတော့လေ... ဘယ်အချိန်ရှိနေပြီလဲ။ မနက်စာပြင်ပြီးပြီ အေးကုန်ရင် စားမကောင်းဘဲ နေမယ် ထတော့နော်။ မြန်မြန် မျက်နှာသစ်လိုက် ကျော့ မောင့်ကို စောင့်နေမယ်နော် မောင်... နော်...”

စကားတို့ ကို ဆိုရင်း ကျွန်တော့်ကို အတင်းဆွဲထူတတ်သည့် မိမိမျက်စိဖွင့်လိုက်သည်နှင့် အနားကို ရောက်နေတတ်သည့် ချစ်စရာ ကောင်မလေး ဘယ်တော့မှ ပြန်လာတော့မည် မဟုတ်ပေ။ အတွေးတို့ ကို အဆုံးသတ် ကျွန်တော့် မျက်လုံးတို့ ကို မှိတ်လိုက်တော့ မျက်ခန်းထောင့်က အပူစီးကြောင်း တစ်ခု စီးဆင်းသွားသည်။ ထို့ နောက် ကျွန်တော် အိပ်ပျော်သွားသည်။ သူမ အပါအဝင် လောကကြီး တစ်ခုလုံးကို ကျွန်တော် တဒင်္ဂမေ့သွားသည်။ ကျွန်တော့် အတွက်တော့ အလွန်အေးချမ်းသည့် အချိန်လေးဖြစ်တော့သည်။

Thursday 13 October 2011

တခါတုန်းက သီတင်းကျွတ်

ဟိုအရင်နှစ်တွေက ဆိုရင် သီတင်းကျွတ်က မသိလိုက် မသိဘာသာ ကျော်သွားလေ့ ရှိသည်။ ကျော်သွားခါမှ သြော်... သီတင်းကျွတ်တောင် ကျော်သွားပါလားလို့ သတိထားမိတယ်။ ဒီနှစ်တော့ ဘလော့ဂါ မိတ်ဆွေတွေ ကောင်းမှုနဲ့ သီတင်းကျွတ်ပြီ ဆိုတဲ့ အကြောင်းကို အချိန်မှီ သိခွင့်ရခဲ့သည်။ အဲဒီတော့ ဘလော့ဂါ မိတ်ဆွေတွေလို ပိုစ့်လေးတစ်ပုဒ်လောက် ရေးဖို့ စိတ်ကူးပေါ်လာသည်။

သီတင်းကျွတ်ပြီ ဆိုသည်နှင့် စိတ်က ရွာကို ပြန်ရောက်သွားသည်။ ခုချိန်ဆိုရင် ရွာမှာ သီတင်းကျွတ်အတွက် ဘာတွေ ပြင်ဆင်နေပြီလဲ၊ ဘယ်လို အစီအစဉ်တွေ လုပ်ထားလဲ စသည်ဖြင့် သိချင်လာသည်။ ဒီတော့ ရွာကို ဖုန်းဆက်ကြည့်လိုက်သည်။ ဒီနှစ် သီတင်းကျွတ် မီးထွန်းပွဲတော် အတွက် အစီအစဉ်များကို သိခွင့်ရတော့ အားရ ကြည်နူးမိသည်။ မိမိ ကိုယ်တိုင် ဝင်ဆင်နွဲခွင့် မရသည့် အတွက်လဲ အားမလို အားမရဖြင့် စိတ်မကောင်း ဖြစ်မိသည်။ ဒီတော့ ကိုယ်ကိုယ်တိုင် ပါဝင် ဆင်နွဲခဲ့သည့် ငယ်ဘဝ သီတင်းကျွတ် မီးထွန်းပွဲတော်များကို ပြန်မြင်ယောင်မိသည်။ အတွေးတို့ က အတိတ်ကို တရစ်ဝဲဝဲဖြင့် တဖန် ပြန်ရောက် သွားသည်။

သီတင်းကျွတ် ကျောင်းပိတ်ရက် ရောက်ပြီ ဆိုလျှင်ကျွန်တော် အလွန်ပျော်လေ့ ရှိသည်။ သီတင်းကျွတ်ပြီ ဆိုလျှင် အကျီင်္သစ်၊ ဘောင်းဘီ(သို့ ) ပုဆိုးသစ်များကို အမေက ဝယ်ပေးလေ့ ရှိသည်။ ထို့ ပြင် မိဘ၊ ဘိုးဘွားနှင့် ဦးလေး၊ အဒေါ်များကို ကန်တော့လျှင် မုန့် ဖိုး မျိုးမျိုးမြက်မြက် ရလေ့ရှိသည်။ ထိုမုန့် ဖိုးများဖြင့် ဗျောက်အိုးများ၊ မီးပန်းများ၊ မီးပုံးများ ဝယ်ယူကာ ကစားလေ့ရှိသည်။ နောက်ထပ် ကျွန်တော် သဘောကျသည့် အချက်တချက်မှာ ဖခင် ဖြစ်သူ၏ အမျိုးများ ရှိရာ တောရွာမှ ပေးပို့ လိုက်သော မုန့် ဖက်ထုပ်၊ မုန့် ဆီကြော်၊ အောင်ဗလ စသည့် ရိုးရာ မုန့် များကို စားရခြင်း ဖြစ်သည်။ အခုလို အခါကြီး ရက်ကြီးများတွင်မှ စားရတတ် ခြင်းကြောင့် သီတင်းကျွတ် မီးထွန်းပွဲတော်သည် ကျွန်တော့် အတွက်တော့ အလွန် နှစ်လိုဖွယ် ကောင်းသော ပွဲတော်တစ်ခု ဖြစ်သည်။

ဆင်တဲရွာကလေးသည် ဧရာဝတီမြစ် အနောက်ဘက် ကမ်းနဖူးတွင် တည်ရှိသည့် ဆိတ်ငြိမ် အေးချမ်းသည့် ရွာကလေးဖြစ်သည်။ ထိုဒေသတဝိုက်တွင် သီတင်းကျွတ် မီးထွန်းပွဲတော်ကို အစည်ကားဆုံး အခမ်းနားဆုံး ပြုလုပ်လေ့ရှိသည်က ကျွန်တော်တို့ ဆင်တဲ(မြောက်ပိုင်း) ရပ်ကွက် ဖြစ်သည်။ ကျွန်တော်တို့ ရပ်ကွက်လေးသည် ရပ်ကျိုး၊ ရွာကျိုးနှင့် ပတ်သက်လျှင် အလွန် တက်ညီ၊ လက်ညီ ရှိလှသဖြင့် လူညီသည်ဟု ဆိုရမည်။ သီတင်းကျွတ် မီးထွန်းပွဲတော် နီးလာသည်နှင့် ပွဲတော်အတွက် ပြင်ဆင်ကြရသည်။ ရပ်ကွက်ထဲမှ ကာလသား၊ ကာလသမီး၊ လူပျို၊ အပျိုများ မိမိတို့ ဆိုင်ရာ ဆိုင်ရာ တာဝန်များ ခွဲဝေ ယူကြရသည်။ မီးထွန်းရန် အတွက် ကာလသား လူငယ်များ ရပ်ကွက် လမ်းမကြီး ဘေးတဘက် တချက်တွင် ကျင်းများတူးပြီး တိုင်များ စိုက်ကြသည်။ ထို့ နောက် ကာလသမီးများ ပြင်ထားသည့် မီးပုံးများကို ဝါးလုံးများတွင် သီပြီး တိုင်များတွင် ချိတ်ကြသည်။ ရပ်ကွက် အတွင်း ဒီဘက်ထိပ်ရှိ မုခ်ဦးမှ ဟိုဘက်ထိပ် မုခ်ဦးထီ သွယ်တန်းသွားသော မီးပုံးများမှာ ညအချိန်ရောက်လျှင် အလွန်လှပ လှသည်။ မီးရောက်စုံ သွယ်တန်းနေသည့် လမ်းမကြီး တဘက်တချက်ရှိ အိမ်များမှ မီးပုံးများ၊ မီးအိမ်များ ထွန်းညှိလိုက်သည့် ညအချိန်သည် အလွန်လှပ ရှုမငြီးဖွယ် ဖြစ်သည်။

ကျွန်တော်တို့ အရပ်ဒေသတွင် အထူခြားဆုံးနှင့် အစည်ကားဆုံး ဖြစ်သည့် ဆီမီးတစ်ထောင် မျောခြင်းကို ကျွန်တော်တို့ ရပ်ကွက်က နှစ်စဉ် ပြုလုပ်လေ့ ရှိသည်။ ဧရာဝတီမြစ်အတွင်း ဆီမီးမျောခြင်း ဖြစ်သည်။ ဆီမီး တစ်ထောင်ဟု ဆိုသော်လဲ တစ်ထောင့်ငါးရာ၊ နှစ်ထောင်ခန့် မျောလေ့ ရှိသည်။ အနီးအနားရှိ ကျေးရွာများ၊ ရပ်ကွက်များမှလဲ လာရောက် ကြည့်ရှုလေ့ ရှိသဖြင့် ကမ်းလုံးညွှတ်မျှ စည်ကားလှသည်။ ဆီမီးတစ်ထောင် မျောရန်အတွက် သီတင်းကျွတ် မရောက်မီကပင် ပြင်ဆင်ကြရသည်။ ကာလသားများက ဆီမီးတိုင်များ လုပ်ရန်အတွက် သစ်ခုတ်ခြင်း၊ သစ်ခွဲခြင်းများကို လုပ်ရသည်။ ငှက်ပျောပင်များ ခုတ်ကာ ငှက်ပျောတုံးများကို အတုံးသေးသေး လေးများ တုံးရသည်။ ကာလသမီးများနှင့် ကလေးများက ပိတ်စများကို ညှပ်ခြင်း၊ ကာလသာများ လုပ်လိုက်သည့် မီးတိုင်များထိပ်တွင် ပိတ်စများကို ချည်ခြင်း၊ ငှက်ပျောခွံခွါခြင်းများ ပြုလုပ်ရသည်။ ထို့ နောက် ကာလသားများက ပိတ်စချည်ပြီးသား မီးတိုင်များကို ဆီစိမ်ကြရသည်။

ဆီမီး မျောသည့် နေ့ ရောက်ရင်တော့ အလွန်ပျော်ဖို့ ကောင်းလှသည်။ ညနေဘက် ရောက်သည်နှင့် ဆီမီးမျောရန် အတွက် စက်လှေများ ကမ်းစပ်တွင် အစီအရီ ဆိုက်ကပ် ထားသည်။ ဒိုးပတ်ဝိုင်းတင်ထားသည့် စက်လှေ နှစ်စီးက မြစ်အတွင်း လှည့်ပတ်ဖျော်ဖြေ နေသည်။ ဆီမီးမျောမည့် အပျိုများကလဲ ဖီးလိမ်း ပြင်ဆင်ပြီး မြစ်ကမ်းပါးသို့ ဆင်းလာကြသည်။ ထို့ နောက် ဆီမီးတိုင်များ တင်ထားသည့် စက်လှေများက မြစ်ကမ်းနှင့် မလှမ်းမကမ်းမှ ဆီမီးတိုင်များကို မြစ်အတွင်း မျောလိုက်လျှင် စီတန်းပြီး မျောလာသည့် ဆီမီးတိုင်များကို ကြည့်နေသည့် မြစ်ကမ်းနဖူးမှ လူများက လက်ခုပ်လက်ဝါးများ တီးကာ အားပေး ကြသည်။ စက်လှေနှစ်စင်း ပေါ်က ဒိုးပတ်ဝိုင်းများကလဲ မြိုင်မြိုင်ဆိုင်ဆိုင် တီးမှုတ်ကခုန်သံနှင့် မြစ်ကမ်းပါး တလျောက် ကြည့်နေသည့် လူပရိသတ်များက လက်ခုပ်လက်ဝါးတီးသံ၊ လက်ခေါက်မှုတ်သံများက ခုထိပင် နားထဲ ပြန်ကြားယောင်လာသလို ခံစားရသည်။ ထိုကဲ့သို့ သော ပွဲမျိုးဖြင့် ဝေးနေသည်မှာ တော်တော်ကြာပြီ ဖြစ်သည်။ 

ဆီမီးမျောပွဲပြီးနောက် လူပရိသတ်များ ကျွန်တော်တို့ ရပ်ကွက်က ဦးစီးကျင်းပသော ဇာတ်ပွဲကြည့်ရန် သွားကြသည်။ ဇာတ်ပွဲကြည့်ရသည်မှာလဲ အလွန်ပျော်ဖို့ ကောင်းလှသည်။ ကိုယ့်ရပ်ကွက်ထဲမှ လူများ ပြန်ကခြင်းကြောင့် ကြည့်ကာ တသောသောနှင့် ရယ်မောနေရသည်။ ဟင်... ဦးတောက ဇာတ်ဝင်ကနေပါလား... အံမယ် ဒေါ်ဝင်းက မင်းသမီး အမေ ဆိုဘဲ... စသဖြင့် မိမိ အသိများ ဖြစ်နေသဖြင့် ပိုမို အော်ဟစ် အားပေးကြသည်။ ထိုဇာတ်ပွဲကသည့် အကြောင်းကို နောက်တစ်လ၊ နှစ်လလောက်အထိ ပြောမပြီးတော့ပေ။ ကိုဖိုးလုံးကြီးပေါ့... အချစ်ရဲ့ ခောတ်သစ်လူမိုက် လို့ အော်ပြီး ဒိုင်းကနဲ သေနတ်ဖောက်တာ စနက်တံက မပေါက်တော့ အချစ်ရဲ့ ခောတ်သစ်လူမိုက် ဖွတ်လို့ မြည်တော့ ရှက်သွားတာလေ၊ ဘယ်သူက ဘယ်လိုလေ စသဖြင့် ပြောမဆုံးပေါင် တောသုံးထောင် ဖြစ်နေတော့သည်။ ထို့ ကြောင့် သီတင်းကျွတ် မီးထွန်းပွဲတော်က ကျွန်တော်တို့ အတွက် အလွန်နှစ်လိုဖွယ် ကောင်းလှသော ပွဲတော်တစ်ခု ဖြစ်ပါတော့သည်။ သီတင်းကျွတ် မီးထွန်းပွဲတော် အောင်မြင်စွာ ကျင်းပနိုင်ရန် အတွက် တစ်ရပ်ကွက်လုံး တက်ညီလက်ညီ လုပ်ကိုင်ကြရသည်။ ခုဆိုရင် ရေခြား၊ မြေခြား ရောက်နေသည့် ကျွန်တော်လဲ ရပ်ကျိုးရွာကျိုး ဘာမှ မသယ်ပိုးနိုင် ဖြစ်နေသည်။ ထို့ အတွက်လဲ ဆရာကြီး မင်းသုဝဏ်၏ သူ့ မှာတမ်း ကဗျာထဲမှ စကားတစ်လုံးကို ငှားသုံးရလျှင်ဖြင့် သူငယ်ချင်းများ၊ ရပ်မိရပ်ဖများနှင့် ရွာကလေးကို အားနာလှပါသည်။

Tuesday 11 October 2011

ဧရာဝတီအတွက် ဆေးတစ်ခွက်

ဒီရှုခင်းကတော့ ကျွန်တော်တို့ ဆင်တဲကနေ နဝဒေးတံတားကြီးကို လှမ်းမြင်နေရတဲ့ပုံပါ

ဆင်တဲ ဈေးထိပ်ရှိ လက်ဖက်ရည် ဆိုင်ကလေးအတွင်းသို့ လူတစ်ယောက် ဝင်လာသည်။ ထိုသူ ဝင်လာ သည်ကို မြင်တော့ လက်ဖက်ရည်ဆိုင်အတွင်း ဝိုင်းတစ်ဝိုင်းမှ လူတစ်ယောက်က လှမ်းခေါ်လိုက်သည်။ ထိုသူ စားပွဲဝိုင်းတွင် ဝင်ထိုင်လိုက်သည်နှင့် လှမ်းခေါ်သည့် လူက မေးလိုက်သည်။

“ဘာတွေ သတင်းထူးသေးလဲ ဦးကျော်”
“သတင်းကတော့ ထူးတယ် မောင်သက်ထွန်းရေ...။ ဒီနေ့ မနက်က နိုင်ငံတော် သမ္မတကြီး ဦးသိန်းစိန်က ဒီမြစ်ဆုံ စီမံကိန်းကို မိမိအစိုးရ လက်ထက်တွင် ရပ်ဆိုင်းထားပါမည် ဆိုတဲ့ အကြောင်းကို လွှတ်တော်ကို သဝဏ်လွှာ ပေးပို့ လိုက်တယ်”
“ဟာ... ဟုတ်လား။ ဒါသတင်းကောင်းပဲ ဦးကျော်...။ ကျွန်တော်တို့ ပြည်သူလူထု အားလုံးက ဒါကို မျှော်လင့် နေတာ မဟုတ်လား”
“အဲဒီလိုလဲ မဟုတ်သေးဘူး မောင်သက်ထွန်း သူတို့ က ရပ်ဆိုင်းတယ်လို့ ပဲ ပြောသေးတာ။ ဖျက်သိမ်းတယ်လို့ မပြောသေးဘူး။ ဒါပေမယ့် ဘာဖြစ်ဖြစ်ပေါ့ ပြည်သူလူထု ဘက်က ခြေတစ်လှမ်း လှမ်းလိုက် နိုင်တယ်လို့ ဆိုရမှာပေါ့”
“ဒီအစိုးရလက်ထက်မှာ ရပ်ဆိုင်းထားမယ် ဆိုတော့ ငါးနှစ်ဘဲ ရပ်ဆိုင်းထားမယ် ဆိုတဲ့ သဘောပေါ့”
“သူတို့ ထဲမှာလဲ မညီမညွှတ်တွေ ဖြစ်နေတယ် ထင်တယ်။ လျှပ်စစ်ဝန်ကြီး ဦးဇော်မင်းက ကျွန်တော်တို့ ဘာဖြစ်ဖြစ် နောက်မဆုတ်ပါဘူး။ ဆက်လုပ်မှာပါ ဆိုတဲ့ စကားပြောပြီး မကြာခင်မှာဘဲ သမ္မတကြီးက ဒီလို ရပ်ဆိုင်းကြောင်း ကြေညာတယ် ဆိုတော့ စဉ်းစားစရာပေါ့”
“ဒီဇော်မင်းက ဘာသိတာ မှတ်လို့ ဦးကျော်ရာ...။ သူပြောသွားတဲ့ စကားကလဲ သိတဲ့ အတိုင်းပဲလေ ပြည်သူလူထုကို လူမထင်တဲ့ အပေါက်မျိုးပြောသွားတာ”
“ဒါပေါ့ကွ... စကားအပြောမတတ်တော့ ဆဲသလို ဆိုတာ။ တကယ်တော့ ဒီလူက လူပုံအလယ်မှာ ပြည်သူလူထု တရပ်လုံးကို ဆဲသွားတာနဲ့ အတူတူပဲကွ”
“အင်း... စောင့်တော့ ကြည့်ရဦးမှာပေါ့။ ဘာဖြစ်ဖြစ် ဒီသတင်းကတော့ အခြေအနေကောင်းဘက်ကို ဦးတည်လာတယ်လို့ ပြောရမှာပေါ့”
“ဒါပေါ့ စောင့်ကြည့်ရမှာပေါ့”

လက်ဖက်ရည် ဆိုင်လေးထဲတွင် လူများ သူ့ အမြင် ကိုယ်အမြင် ဖလှယ်ရင်း ဆွေးနွေးနေကြခြင်း ဖြစ်သည်။ ခုတလော လူများစုစု စုစုဖြင့် ဧရာဝတီမြစ် သတင်းများကို ပြောဆိုဆွေးနွေး ဖြစ်ကြလေ့ရှိသည်။ လူများ ကတော့ ထင်ကြေး အမျိုးမျိုးဖြင့် ကိုယ်ထင်ရာ မြင်ရာကို ပြောဆိုနေကြ၏။

“မြေး... သောက်လို့ ပြီးပြီလား...။ ပြန်ကြရအောင်...”
“ဘိုးဘိုး... ခဏနေပါဦး။ သူတို့ ဧရာဝတီမြစ် အကြောင်း ပြောတာလေး ခဏလောက် နားထောင်ရအောင်”
“ဘာလဲ မြေးက စိတ်ဝင်စားလို့ လား”
“အင်းပေါ့... ဘိုးဘိုးရ...။ ခုတလော လူတွေ ဧရာဝတီမြစ် အကြောင်း ပြောနေကြတာ ကြားတယ်။ ဧရာဝတီမြစ် ဘေးမှာ နေတဲ့ လူတစ်ယောက် အနေနဲ့ မြေးလဲ သိထားသင့်တာပေါ့”

မြေးဖြစ်သူ၏ စကားကို နားထောင်ပြီး ဦးသာအောင် တစ်ယောက် ခေါင်းတဆတ်ဆတ် ညိတ်ရင်း ကျေနပ်ပြုံးလေး ပြုံးမိသည်။ လူငယ် ဖြစ်ပေမယ့် မြေးဖြစ်သူ၏ စူးစမ်းလိုစိတ် ရှိပုံကိုလဲ သဘောကျမိသည်။

“မြေး... သိချင်ရင် ဘိုးဘိုး ပြောပြမှာပေါ့...”
“တကယ်လား... ဘိုးဘိုး...”
“တကယ်ပေါ့ မြေးရ...။ လာသွားကြမယ်။ လမ်းလျှောက်ရင်း ပြောကြတာပေါ့”

မြေးဖြစ်သူ၏ လက်ကိုဆွဲရင်း ဦးသာအောင် လက်ဖက်ရည်ဆိုင် ထဲမှ ထွက်လာခဲ့လိုက်သည်။ ထို့ နောက် မြစ်ဆိပ်ဘက်သို့ မြေးဖြစ်သူကို ခေါ်ဆောင်လာခဲ့ လိုက်သည်။

“ဘိုးဘိုး... လမ်းက ဒီဘက်မှာလေ”
“မြစ်ကမ်းပါဘေးက လမ်းလျှောက်ရင်း ပြန်ကြမယ်... မြေး...။ လေညင်းခံရင်း မြေးသိချင်တာတွေကို ပြောပြတာပေါ့။ ဧရာဝတီမြစ် အရေးကို မြေးစိတ်ဝင်စားတာ မြင်တော့ ဘိုးဘိုး ဝမ်းသာတယ်”

“ဘာဖြစ်လို့ လဲ... ဘိုးဘိုး...”

“ဘာဖြစ်လို့ လဲ ဆိုတော့ မြေးငယ်သေးတယ် ဆိုပေမယ့် ရှေ့နှစ်ဆိုရင် ရှစ်တန်းတက်တော့မယ်။ ဒီတော့ ငယ်တယ် ဆိုပေမယ့်လို့ ထင်သလောက် မငယ်တော့ဘူး။ လောကကြီးထဲမှာ ကိုယ်တိုင် မလုပ်နိုင်သေးပေမယ့် သိထားသင့်တာတွေကိုတော့ သိထားသင့်တဲ့ အရွယ် ရောက်နေပြီ။ ပြီးတော့ ဒီလို စူးစမ်း လေ့လာလိုစိတ် ရှိတဲ့ လူငယ်တွေကို ဘိုးဘိုး သဘောကျတယ်။ ဘာဖြစ်လို့ လဲ ဆိုတော့ လူငယ်ဆိုတာက အနာဂတ် တိုင်းပြည်ရဲ့ အင်အားလေ”

“ဟုတ်ကဲ့... ဘိုးဘိုး...။ ကျွန်တော် မှတ်ထားပါ့မယ်။ ဒါပေမယ့် ဘိုးဘိုး... တချို့ လူကြီးတွေက လူငယ်တွေကို အရာမသွင်းချင်ကြဘူး”

“ဟုတ်တယ်... မြေး... အဲဒီလို လူတွေလဲ ရှိတယ်။ တကယ်တော့ အဲဒီ လူတွေက လူငယ်တွေကို အရာမသွင်း ချင်စိတ်နဲ့ တိုင်းပြည်ရဲ့ အားတွေကို ဖြုန်းတီး ပစ်ချင်နေကြတာ”

မြစ်ပြင်ကို ဖြတ်၍ တိုက်ခိုက်လာသော လေက မြစ်ရေပြင်ကို လှိုင်းကြက်ခွပ်လေးတွေ ပြေးစေပြီး သူတို့ မြေအဖိုးကို ထိတွေ့ ဆော့ကစားသွားသည်။ သန့် ရှင်းလတ်ဆတ်သော လေကို ရူရှိုက်လိုက်ရသောကြောင့် လူတကိုယ်လုံး လန်းဆန်းပေါ့ပါး သွားသည်။ ဧရာဝတီမြစ်၏ ညနေခင်း ရှုခင်းကတော့ ပန်းချီကား တစ်ချပ်လို လှပအသက်ဝင် နေသည်။

“မြေး... ဧရာဝတီ မြစ်ကြီးကို ကြည့်စမ်း... မြေးမျက်စိထဲ ဘယ်လို မြင်သလဲ...”

“မြစ်ထဲမှာ အဝတ်လျှော်၊ ရေချိုးနေတဲ့ သူတွေ၊ ကောင်းကင်ပြာပြာကြီး နောက်ခံနဲ့ ငါးဖမ်းနေတဲ့ တံငါလှေတွေ၊ ရေစုန်ရေဆန်ကို တရွေ့ ရွေ့ နှင်နေတဲ့ လှေ၊ သင်္ဘောတွေ၊ ဝင်လုလု နေရောင်ဖြာကျနေတဲ့ သောင်ခုံ၊ အိပ်တန်းတက်ဖို့ ပြန်လာနေတဲ့ ရေဘဲ၊ ဟင်္သာငှက်အုပ်တွေနဲ့ သာယာလှပနေတဲ့ မြစ်ကြီးတစ်စင်းလို့ မြင်တယ်... ဘိုးဘိုး...”

“တော်တယ် ငါ့မြေး တော်တယ် ကြည့်တတ်မြင်တတ်တယ်”

“မြစ်ဘေးမှာ မွေးကတည်းက နေလာတဲ့ လူတစ်ယောက် အနေနဲ့ ဒီမြစ်ကြီးရဲ့ အသုံးဝင်ပုံနဲ့ အလှအပတွေကို ခံစားနားလည် နိုင်ပါတယ် ဘိုးဘိုးရယ်။ ကျွန်တော်မှ မဟုတ်ပါဘူး။ ဒီမြစ်ကြီးဘေးက မြို့ ၊ ရွာတွေမှာ နေတဲ့ ဘယ်သူမဆို သိနိုင်ပါတယ်”

“ဟုတ်တယ်... မြေး... ဒီမြစ်ကြီး ဘေးမှာ နေတဲ့ မြို့ ၊ ရွာတွေက လူတိုင်းလိုလို ဒါကို သိကြတယ်။ ပြီးတော့ ဒီဧရာဝတီမြစ်ကြီးနားမှာ မနေပေမယ့် ဒီမြစ်ကြီးရဲ့ အသုံးဝင်ပုံကို သိတဲ့သူတွေ ရှိသလို မသိသူတွေလဲ ရှိကြတယ်။ ဒါကြောင့် ဘိုးဘိုးတို့ လို သိတဲ့သူတွေက မသိတဲ့ သူတွေကို ရှင်းပြရမဲ့ တာဝန်ရှိတယ်။ ဘာကြောင့်လဲ ဆိုတော့ ခုဒီဧရာဝတီမြစ်ကြီး စဖြစ်လာတဲ့ မြစ်ဆုံနေရာမှာ ရေကာတာကြီး ဆောက်လုပ်နေတယ်။ ရေကာတာကြီး ဆောက်လုပ်ပြီးသွားရင် ဒီမြစ်ကြီးက ခုလို လှပနေနိုင်မှာ မဟုတ်သလို မြစ်ကမ်းပါး တလျှောက် သူ့ ကို မှီခိုနေထိုင်သူတွေလဲ ဒုက္ခရောက်ကုန်ကြရတော့မယ်”

“ဟင်... ဟုတ်လား... ဘိုးဘိုး...”

“ဟုတ်တယ်... မြေး... မြန်မာနိုင်ငံရဲ့ အဖိုးတန် သဘာဝ အရင်းမြစ် ဖြစ်တဲ့ ဧရာဝတီမြစ်ကြီးက ဒီရေကာတာကြီးကြောင့် ပျက်စီးသွားနိုင်၊ ကောသွားနိုင်တယ်။ ဒါကြောင့် လူတွေက ဒီအကြောင်းကို ကန့် ကွက်တားဆီး နေကြတာပေါ့။ လွှတ်တော်ထဲက လူတချို့ ၊ မိုးလေဝသနဲ့  ဇလဗေဒနဲ့ သဘာဝပတ်ဝန်းကျင် ထိန်းသိမ်းရေး အဖွဲ့ က အသိပညာရှင်၊ အတတ်ပညာရှင်တွေ၊ အနုပညာရှင်နယ်က သရုပ်ဆောင်၊ အဆိုတော်နဲ့ စာရေးဆရာတွေ၊ ဧရာဝတီကို ချစ်တဲ့သံယောဇဉ်ကြီးတဲ့  ပြည်သူလူထု စသည်... စသည့် အလွှာအသီးသီးက အပြင်းအထန် ကန့် ကွက်နေကြတာပေါ့ မြေး...”

“ဟုတ်မယ်... ဘိုးဘိုး... ဧရာဝတီမြစ် အကြောင်း ရေးထားတာတွေကို ခုတလော ဂျာနယ်တွေထဲမှာ တွေ့  ရတယ်”

“မီဒီယာ သမားဆိုတာက ပြည်သူလူထုရဲ့ နားမျက်စိဘဲ မြေး...။ ခုဆိုရင် နိုင်ငံရဲ့ စတုတ္ထမဏ္ဍိုင် အဖြစ် သတ်မှတ်ထားတဲ့ မီဒီယာတွေကလဲ ဧရာဝတီမြစ် အကြောင်းကို သတင်းအမှန်အတိုင်း ဖော်ပြနေကြတယ်။ ပြီးတော့ ဘိုးဘိုးတို့ နိုင်ငံရဲ့ အမျိုးသား ဖခင်ကြီး ဗိုလ်ချုပ်အောင်ဆန်းရဲ့ သမီး ဒေါ်အောင်ဆန်းစုကြည် ကိုယ်တိုင်ကလဲ ကန့် ကွက်စာ တင်ထားတယ်”

အဘိုးဖြစ်သူ၏ စကားကိုနားထောင်ရင်း သူငယ်စဉ်ဘဝ တလျှောက်လုံး ပြေးလွှား ဆော့ကစားခဲ့သည့် ဧရာဝတီမြစ်ကြီးကို ငေးကြည့်မိသည်။ သူ့ မျက်စိထဲတွင် ဧရာဝတီမြစ်ကြီးက ဒဏ်ရာတွေနဲ့ လဲလျောင်းပြီး အသက်ငင်နေသည့် မြစ်ကြီးကဲ့သို့ မြင်လာရသည်။ သူသိပ်နားမလည်သော်လဲ ဒီမြစ်ကြီး ပျက်စီးဆုံးရှုံး သွားမည်ကိုတော့ သူစိုးရိမ်မိသည်။ ဒီလိုတွေးမိတော့ သူ့ ရင်ထဲတွင် ဆို့ နင့်ကြေကွဲသလို ခံစားလိုက်ရသည်။

“ဒီမြစ်ကြီး ပျက်စီးသွားနိုင်တာ သိရဲ့ နဲ့ သူတို့ က ဘာကြောင့် ဒီရေကာတာကြီးကို ဆောက်ချင်ရတာလဲ ဘိုးဘိုးရယ်”

“ငွေပေါ့... မြေးရယ်...။ ဒီရေကာတာကြီး ဆောက်ပြီးသွားရင် ထုတ်လုပ်လို့ ရမဲ့ ရေအားလျှပ်စစ်တွေကို တရုတ်ကို ရောင်းမယ်လေ။ အဲဒီက ထွက်လာမဲ့ လျှပ်စစ်ရဲ့ ကိုးဆယ်ရာခိုင်နှုန်းကို တရုတ်က ယူပြီး ဆယ်ရာခိုင်နှုန်းကို မြန်မာနိုင်ငံက ကချင်ပြည်နယ်အတွက် သုံးမယ် ပြောတယ်”

“ဟင်... တရုတ်က အကုန်လုံးနီးပါး ယူမှာပေါ့ ဟုတ်လား ဘိုးဘိုး”

“ဟုတ်တယ်... မြေး... တကယ်တော့ တစ်ရာရာခိုင်နှုန်း အပြည့်ရမယ် ဆိုရင်လဲ ဒီရေကာတာကြီးကို မဆောက်သင့်ပါဘူး။ ဘာကြောင့်လဲ ဆိုတော့ ဒီရေကာတာကြီး ဆောက်မဲ့ နေရာက ဧရာဝတီမြစ်ကြီး စတင်ဖြစ်ပေါ်တဲ့ မြစ်ဆုံနေရာ ဖြစ်နေလို့ ပေါ့။ မြစ်ကို ထိပ်က ပိတ်ပြီးဆောက်လိုက်ရင် ဒီမြစ်ကြီး ရေတွေ နည်းသွားပြီး မလိုလားအပ်တဲ့ ဆိုးကျိုးတွေ ဖြစ်လာပြီး၊ မြစ်ကြီး ပျက်စီးသွား၊ ကောသွားနိုင်တယ်။ ဒီမြစ်ဆုံ စီမံကိန်းဆိုတာက တကယ်တော့ မရှိသင့်တဲ့ အရာပေါ့ မြေးရယ်...”

“သူတို့ က ပိုက်ဆံတွေ အများကြီး ရလို့ ဆောက်ချင်နေကြတာလား ဘိုးဘိုး”

“အင်းပေါ့ ပိုက်ဆံတွေ အများကြီးရလို့ ဆောက်ချင်နေကြတာပေါ့။ ဒါပေမယ့် အဲဒီပိုက်ဆံတွေထက် ပိုပေးပြီး ဒီလို မြစ်ကြီးတစ်စင်း ဝယ်ချင်ပါတယ် ဆိုရင်တောင် ဝယ်လို့ မရနိုင်တော့ဘူး ဆိုတာကို သူတို့ မသိဘူး။ တစ်နေ့ ကို ရွှေဥတစ်လုံး ဥပေးနေတဲ့ ငန်းကို သတ်ချင်တဲ့ ငမိုက်သားလို လူတွေပေါ့။ တကယ်တော့ ဧရာဝတီမြစ်ကြီးက ရွှေဥ ဥပေးတဲ့ ငန်းထက်ကို ပိုတန်ဖိုးရှိတယ် မြေးရဲ့ ...။ သူ့ ကို မှီခိုနေရတဲ့ လူတွေက အများကြီးဘဲ။ သူတို့ ကတော့ ဒီစီမံကိန်းက အကျိုးအမြတ် အများကြီးရတယ်ပြောကြတယ်။ ဒီစီမံကိန်းကြောင့် မြန်မာနိုင်ငံသား ထောင်ဂဏန်းလောက် အလုပ်အကိုင် အခွင့်အလမ်းတွေ ရတယ်ပြောတယ်။ တကယ်လို့ ဒီမြစ်ကြီးသာ ပျက်စီးဆုံးရှုံးသွားရင် ဒီမြစ်ကြောင်းတလျှောက်က လူဦးရေ သန်းပေါင်းများစွာ အလုပ်လက်မဲ့ ဖြစ်ကုန်မှာကို သူတို့ မတွေးဘူး။ အကျိုးအမြတ်ရရင်လဲ သူတို့ ဘဲ ရပြီး ပြည်သူလူထုက ဒုက္ခကို ခါးစည်း ခံကြရမှာ၊ ပြည်သူလူထု အသက်အိုးအိမ် စည်းစိမ်ကို ကာကွယ်ရမဲ့အစား သူတို့ က ပြည်သူလူထု အသက်အိုးအိမ် စည်းစိမ်ကို ဖျက်ဆီးသလို ဖြစ်နေတာကို သတိပြုသင့်တယ်”

ဦးသာအောင် တစ်ယောက် မြေးဖြစ်သူကို ပြောပြနေရင်း အသံသိမ်ဝင်လာသည်။ ပြောရင်း ရင်ထဲ မွန်းကြပ်လာသလို ခံစားလာရသည်။ သူ့ ရင်ထဲတွင် ဧရာဝတီမြစ်အရေး၊ ပြည်သူလူထုအရေးကို တွေးရင်း ရင်မောလာရသည်။ သြော်... ဘဝတွေ ဘဝတွေ ဆိုးလှပါလား... ဒီအဖြစ်မျိုးတွေ ဘာကြောင့်ကြုံရတာလဲ ဟုလဲ တွေးလိုက်မိသည်။

“အဲဒီလို တကယ် ဖြစ်လာနိုင်လို့ လား ဘိုးဘိုး...”

“တကယ်ဖြစ်လာနိုင်လို့ ပြောတာပေါ့ မြေးရယ်။ မြေး... ခုနက လက်ဖက်ရည်ဆိုင်ထဲမှာ တွေ့ ခဲ့တဲ့ မောင်ကျော်တို့ ကိုတွေ့ တယ် မဟုတ်လား”

“အင်းတွေ့ တယ်လေ ဘာဖြစ်လို့ လဲ ဘိုးဘိုး”

“ကဲသူတို့ ဝိုင်းမှာ ထိုင်ပြောနေတဲ့ သူတွေ ဘာအလုပ်လုပ် လုပ်လဲ မြေးသိသလောက် ဘိုးဘိုးကို ပြောပြပါဦး”
“ဦးကျော်က ကျောက်စုပ် စက်လှေတွေ ထောင်ထားတယ်။ ကိုသက်ထွန်းက စက်လှေလုပ်ငန်းတွေ လုပ်တယ်။ ဦးမြင့်အောင်ကြီးက ရေရောင်းတယ်။ ကိုသံလုံးက တံငါလုပ်တယ်။ ကိုဖိုးလုံးကလဲ ရေထမ်းရောင်းတယ်”

“ကဲသူတို့ က ဧရာဝတီမြစ်ကြီးကို မှီခိုပြီး အလုပ်လုပ်နေရတာဆိုတော့ ဒီဧရာဝတီမြစ်ကြီး မရှိရင် ဘယ်လို လုပ်မလဲ။ ပြီးတော့ ဟိုမှာကြည့်စမ်း မြစ်ထဲမှာ အဝတ်လျှော်နေတဲ့ ပူစူးမတို့ လို ပင်မင်းဆိုင် ဖွင့်ထားတဲ့ လူတွေ၊ ဟိုးဘက်မှာ မြင်နေရတဲ့ ယာခင်းတွေ၊ ငါးကန်တွေ ဒါတွေကရော ဒီဧရာဝတီမြစ်ကြီးကို မှီခိုပြီး လုပ်စားနေကြ ရတာ မဟုတ်လား။ ဒီလိုလူတွေ တို့ ရွာမှာ ဘယ်လောက်ရှိလဲ၊ မြစ်ကြောင်းတလျှောက်က မြို့ ၊ ရွာတွေမှာ ဘယ်လောက်ရှိမလဲ ဆိုတာ မြေးစဉ်းစား ကြည့်စမ်း။ သူတို့ ရမဲ့ အကျိုးအမြတ်နဲ့ ဆုံးရှုံးမှုကို ယှဉ်ကြည့်စမ်း။ တကယ်တော့ သူတို့ ပေးထားတယ်ဆိုတဲ့ အလုပ်အကိုင် အခွင့်အလမ်းထက် ဧရာဝတီမြစ်ကြီးက ပေးထားတဲ့ အလုပ်အကိုင် အခွင့်အလမ်းက အဆရာထောင်မက သာလွန်ပါတယ်ကွယ်။ နောက်ဆုံးကုန်ကုန် ပြောမယ် ဒီမြစ်ကြီးထဲက ရေကိုဘဲ ဘိုးဘိုးတို့ သောက်ရေ၊ သုံးရေ အဖြစ် ယူသုံးနေရတာ မဟုတ်လား။ ဒီတော့ ဒီရေကိုသောက်၊ ဒီရေကို သုံးနေပြီး ဒီမြစ်ကြီး အကျိုးပျက်စီးမှာကို ထိုင်ကြည့်နေရင် ဘိုးဘိုးတို့ လူပီသပါဦး မလား”

“ဟုတ်တယ် ဘိုးဘိုး။ ကျွန်တော်တို့ ဧရာဝတီကို ကာကွယ်ရမယ်”

အဘိုးဖြစ်သူ စကားကို နားထောင်ပြီး ဖိုးသာထူးတစ်ယောက် လက်သီးကို ကျစ်ကျစ်ပါအောင် ဆုပ်ရင်း အော်ပြော လိုက်မိသည်။ မြေးဖြစ်သူကို ကြည့်ရင်း ဦးသာအောင် ကျေနပ် ပြုံးလေး ပြုံးလိုက်မိသည်။ 

“ဒါအမှန်ဘဲ မြေး... ဧရာဝတီမြစ် မပျက်စီး၊ ကောမသွားအောင် ကာကွယ်ရမယ်။ မြစ်ပျောက်ရင် သမိုင်းပျောက်မယ်”

“ဘယ်လို သမိုင်းပျောက်မှာလဲ ဘိုးဘိုး...”

“ဘယ်လို သမိုင်း ပျောက်မှာလဲ ဆိုတော့ ဟိုးအရင်က အနော်ရထာ မင်းကြီးနဲ့ အလောင်းစည်သူ မင်းကြီးတို့ က ဧရာဝတီမြစ်ကို သုံးပြီး ထေရဝါဒ ဗုဒသာသနာ မြန်မာပြည်မှာ ထွန်းကားအောင် သာသနာ ပြုခဲ့ကြတယ်။ အလောင်းစည်သူ မင်းကြီးဆိုရင် ဧရာဝတီမြစ်အတိုင်း စုန်ဆင်းပြီး မြစ်ကြောင်းတလျှောက် ဘုရား၊ စေတီ၊ ပုထိုးတွေ ဆောက်လုပ်လှူဒါန်း ခဲ့တယ်”

“အင်း... ဟုတ်တယ် မြေးတို့ စာထဲမှာ သင်ဖူးတယ်”

“ပြီးတော့ ပုဂံခောတ်ရဲ့ နောက်ဆုံးမင်းဆက် ဖြစ်တဲ့ နရသီဟပတေ့မင်း (တရုတ်ပြေးမင်း) လက်ထက်မှာ ပုဂံကို မွန်ဂိုတရုတ်တွေ ဝင်တိုက်တော့ ပုဂံမင်းက ဧရာဝတီမြစ် အတိုင်း စုန်ဆင်းပြီး ထွက်ပြေးခဲ့ရတာပေါ့။ နောက်ပြီး မြေးတို့ စာထဲမှာ သင်ခဲ့ရတဲ့ မြန်မာပြည်ရဲ့ တစ်ပါးတည်းသော ဘုရင်မ ရှင်စောပုဟာလဲ အင်းဝ နေပြည်တော်ကနေ ဟံသာဝတီ နေပြည်တော်ကို ထွက်ပြေးတော့ ဒီဧရာဝတီမြစ်ကြောင်း အတိုင်း စုန်ဆင်းပြီး ထွက်ပြေးခဲ့ရတာပေါ့။ ဒါကြောင့် နောက်ပိုင်း ဧရာဝတီမြစ်ကြီးသာ မရှိတော့ဘူးဆိုရင် ဒီသမိုင်းတွေက ဒဏ္ဍာရီ ဖြစ်သွားလိမ့်မယ်”

“အင်း... ဟုတ်တယ်နော် ဘိုးဘိုး။ ဧရာဝတီမြစ်ကြီးသာ မရှိတော့ဘူး ဆိုရင် ဒါတွေကို ဘယ်သူက ယုံမလဲ။ 
 ဒါဆိုရင် သမိုင်းတွေက ဒဏ္ဍာရီ ဖြစ်သွားတော့မှာပေါ့”

“နောက်ပြီး ရှိသေးတယ် မြေး... အင်းဝနဲ့ ဟံသာဝတီ အနှစ်လေးဆယ်စစ် အတွင်းမှာ တဖက်နဲ့ တဖက် ရဲမက်တွေ သောင်းနဲ့ သိန်းနဲ့ ချီပြီး ဒီဧရာဝတီမြစ်ထဲမှာ တိုက်ခဲ့တယ် ဆိုတာပြန်ပြောနိုင်ဖို့ ဧရာဝတီမြစ်ကြီး ရှိဖို့ လိုတယ်။ ဧရာဝတီမြစ်ကြီးက နောင်တချိန်မှာ ချောင်းသာသာ၊ ဒါမှမဟုတ် မြစ်သေးသေးလေး  လောက်ဘဲ ရှိတော့ရင် ဒီမြစ်ကြီးထဲမှာ စစ်သည် ရဲမက်တွေ သောင်းနဲ့ သိန်းနဲ့ ချီပြီး တိုက်ခဲ့တယ် ဆိုရင် နောင်လာနောင်သားတွေက ရယ်မှာပေါ့။ ဒါဆိုရင် သမိုင်းပျောက်ပြီး သမိုင်းကနေ ဒဏ္ဍာရီ ဖြစ်သွားတော့မှာပေါ့”

“ဟုတ်တယ် ဘိုးဘိုး ဧရာဝတီမြစ်ကြီး ပျက်စီးသွားလို့ မဖြစ်ဘူး”

“ဒီဧရာဝတီမြစ်ကြီးကို ထိန်းသိမ်းစောင့်ရှောက်ဖို့ က ဘိုးဘိုးနဲ့ မြေးတို့ တင် မဟုတ်ဘူး။ မြန်မာနိုင်ငံသားတိုင်းမှာ တာဝန်ရှိတယ်။ အခုလဲ တော်တော်များများကလဲ ဧရာဝတီမြစ်ကို ကယ်တင်ဖို့ ကြိုးစား နေကြပါပြီ။ အသိပညာရှင်၊ အတတ်ပညာရှင် တွေရဲ့ တွက်ချက်၊ မှတ်ချက်နဲ့ အာဘော်တွေက ဧရာဝတီအတွက် ဆေးတစ်ခွက် ဖြစ်သလို၊ မီဒီယာသမားတွေရဲ့ သတင်းမှတ်တမ်းတွေကလဲ ဆေးတစ်ခွက်ပဲ၊  အဆိုတော်တွေရဲ့ ဧရာဝတီနဲ့ ပတ်သက်တဲ့ သီချင်းတစ်ပုဒ်ကလဲ ဆေးတစ်ခွက် ဖြစ်သလို စာရေးဆရာတွေရဲ့ ကဗျာတစ်ပုဒ်၊ စာတစ်ပုဒ်၊ ဆောင်းပါးတစ်ပုဒ်ဟာ အသက်ငင်နေတဲ့ ဧရာဝတီမြစ်အတွက် ဆေးတစ်ခွက်ဘဲ မြေး...။ ဒီလိုဘဲ ပြည်သူလူထုရဲ့ ဧရာဝတီကို ချစ်စိတ်၊ ဟစ်ကြွေးသံတွေကလဲ ဧရာဝတီမြစ်အတွက် ဆေးတစ်ခွက်ဘဲ မြေး...။ ဒီလို ပြည်သူလူထု တရပ်လုံးက ညီညီညွတ်ညွတ်နဲ့ ပေါင်းစုလို့ တိုက်ကျွေးလိုက်တဲ့ ဆေးခွက်ပေါင်းများစွာက ဧရာဝတီမြစ်ကြီးကို ကယ်တင်နိုင်ဖို့ မျှော်လင့်ရတာပါဘဲ မြေးရယ်”

“ဒါဆို မြေးလဲ ဆေးတစ်ခွက်အနေနဲ့ ပါဝင်လို့ မရဘူးလား ဘိုးဘိုး။ မြေးလဲ ဧရာဝတီမြစ်ကြီးကို ကယ်တင်ချင်လို့ ပါ”

“မြေးအနေနဲ့ ငယ်သေးပါတယ်။ ဒါပေမယ့်လို့ ခုဖြစ်ပျက်နေတဲ့ အခြေအနေ အရပ်ရပ်ကို မြေးသိထားရမယ်။ နောက်ပြီး မြေးသိထားတာတွေကို မြေးအနီးအနားက သူငယ်ချင်းတွေကို ပြောဆိုစည်းရုံးရမယ်။ ဒါဟာလဲ မြေးအနေနဲ့ တတ်နိုင်တဲ့ ဘက်က ဧရာဝတီမြစ်ကြီးကို ဆေးတစ်ခွက် တိုက်ကျွေးလိုက်တာနဲ့ အတူတူဘဲ။ နောက်ပြီး ဒီဧရာဝတီမြစ်ကြီးက မြေးအတွက်နမူနာဘဲ။ နောင်တချိန် တိုင်းပြည်မှာ ဒီလို အရေးကိစ္စမျိုးတွေ ထပ်မကြုံနိုင်ဘူးလို့ မဆိုနိုင်ဘူး။ အဲဒီအချိန်ကျရင်လဲ မြေးအနေနဲ့ တိုင်းပြည်အတွက် ဆေးတစ်ခွက် အနေနဲ့ အသင့်ရှိနေရမယ်... နားလည်လား...မြေး....”

“ဟုတ်ကဲ့... မြေး... နားလည်ပါပြီ ဘိုးဘိုး...”

ဖိုးသာထူးတစ်ယောက် လက်သီးကို ကျစ်ကျစ်ပါအောင် ဆုပ်ရင်း အံကို ကြိတ်ကာ နောင်တချိန် တိုင်းပြည်အရေး ကိစ္စနဲ့ ကြုံလာတိုင်း ဆေးတစ်ခွက် အနေနဲ့ အသင့်ရှိနေရမည်ဟု စိတ်တွင်းမှ အော်ဟစ်ကြုံးဝါးလိုက်တော့သည်။ ဦးသာအောင် တစ်ယောက်လဲ မြေးဖြစ်သူကို ကြည့်ရင်း ကျေနပ်အားရ ပီတိ ဖြစ်နေမိတော့သည်။

Wednesday 5 October 2011

သူငယ်ချင်း...သို့ ...



သူငယ်ချင်းရေ...
ညက ညကိုသတ်
အာရုဏ်ဦးကို 
ထွေးအံထုတ်ခဲ့ပြီ...။

အမှောင်မှာ 
နေသားကျ မနေတဲ့ 
အလင်းက
လင်းလင်းချင်းချင်း 
ဝေဆာလာတော့မယ်...။

သူငယ်ချင်းရေ...
ဘယ်သူမှ 
မရောက်ဖူးသေးတဲ့ အရပ်မှာ
ခြေချဖို့ 
ငါတို့ ...ဆက်လျှောက်ရမယ်....။
 
ပြည့်ကြပ်လာတဲ့ 
ခံစားချက် တစွန်းတစကို
ဖောက်ထုတ်ဖို့ 
ငါတို့ ... ဆက်လျှောက်ကြမယ်...။

မီးဆိုတာ ငွေ့ ငွေ့ ကျန်လဲ 
လောင်နိုင်ကြောင်းပြဖို့ 
ယုံကြည်ချက် ပါးပါးကျန်လဲ
နောက်မဆုတ်ဘူး
ငါတို့ ... ဆက်လျှောက်ကြမယ်...။

ခေါင်းကိုမော့ ရင်ကိုကော့
အားကိုတင်းလို့ 
သိမ်ငယ်စိတ်ကို တပ်လှန့် နှိုး
ပန်းတိုင်ကိုရောက်ဖို့ 
ငါတို့ ... ဆက်လျှောက်ရမယ်...။

သူငယ်ချင်းရေ... 
လက်ချင်းချိတ်လို့ 
ဘယ်သူမှ ခြေမချဖူးသေးတဲ့ အရပ်မှာ
အောင်စည်တီးဖို့ 
ငါတို့ ... ဆက်လျှောက်ကြမယ်...။